თემაზე - მოაქლაქის პლატფორმა საჯარო დისკუსია გაიმართა

სიახლეები | პუბლიკაციები | ღია მმართველობა და კორუფციასთან ბრძოლა | სტატია 29 მაისი 2013

29 მაისს, 13:00 საათზე IDFI -მ საჯარო დისკუსია გამართა და დამსწრე საზოგადოებას მოქალაქეების პოლიტიკური ჩართულობის პლატფორმის www.ichange.ge -ს საკუთარი კონცეფცია გააცნო.

როგორც ცნობილია, საქართველოს მთავრობამ ინიციატივის „ღია მმართველობის პარტნიორობა“ სამოქმედო გეგმის მიხედვით, აიღო ვალდებულება 2013 წლისთვის შექმნას მოქალაქის პლატფორმა - www.ichange.ge. IDFI-იმ შეისწავლა რამდენიმე ქვეყნის (ამერიკის შეერთებული შტატები, დიდი ბრიტანეთი, ბაჰრეინი, ყაზახეთი, გერმანია, ესტონეთი) გამოცდილება, გაანალიზა იქ არსებული ელ-პლატფორმები და შეიმუშავა საკუთარი კონცეფცია.

ელექტრონულ პლატფორმაზე უნდა დაინერგოს ისეთი სიახლეები, როგორც სამოქალაქო პეტიციების ინიცირების საშუალება, საჯარო კონსულტაციების გამართვის ვალდებულებები, მოქალაქეთა მიერ სხვადასხვა ინიციატივების წარდგენის საშუალებები.

დისკუსიაში მონაწილეობა მიიღეს  არასამთავრობო ორგანიზაციების, სამთავრობო სექტორის წარმომადგენლებმა და სხვა დაინტერესებულმა პირებმა. დისკუსია გადაიცემოდა ინტერნეტ ტვ "ნაკადის" live stream-ის არხზე და მოქალაქეებს საშუალება ჰქონდათ დაესვათ შეკითხვები პირდაპირ ეთერში.

შეხვედრის დასაწყისში პრეზეტაცია წარმოადგინა IDFI-ს თავმჯდომარემ ლევან ავალიშვილმა და ისაუბრა საერთაშორისო პრაქტიკის მაგალითებზე და იმის შესახებ რა ფუნქციონალი და მექანიზმები უნდა არსებობდეს მოქალაქეთა მონაწილეობის პლატფორმაზე.

დისკუსიის მონაწილეებმა დასვეს კითხვები წარმოდგენილი კონცეფციის ირგვლივ და გამოხატეს საკუთარი მოსაზრებები. მსჯელობა გაიმართა პეტიციის ხელმომწერთა საჭირო რაოდენობის ასევე პლატფორმის სახელწოდებისა და სხვა დეტალების შესახებ.

გაჟღერდა იდეა, რომ გარკვეული ასაკობრივი თუ სხვა ჯგუფების გადაწყვეტილების მიღების პროცესში მონაწილეობის უზრუნველსაყოფად ინტერნეტ პლატფორმაზე მოხდეს სატელეფონო ჩართულობის სერვისის ინტეგრირება, რომლის მეშვეობითაც ისინი პეტიციების ინიცირებას ან /და მხარდაჭერას შეძლებენ.

ხაზგასმით აღინიშნა რომ მოქალაქეთა პლატფორმის ამოქმედება ხელს შეუწყობს პოლიტიკური პროცესების გამჭვირვალობას, მოქალაქეთა უფლებების მაქსიმალურად დაცვას და მათი იდეების გატანას. დისკუსიების გამართვა და საზოგადოების აქტიური მონაწილობა წინასწარ განხილვებში მნიშვნელოვანია მაქსიმალურად დახვეწილი და მოქალაქეთა ინტერესებზე ორიენტირებული, რეალურად მოქმედი რესურსის შექმნისთვის.

დისკუსია გაიმართა აღმოსავლეთ-დასავლეთის მართვის ინსტიტუტის (EWMI) პროგრამის G-PAC-ის დაფინანსებული პროექტის - „ელექტრონული ჩართულობის განვითარება საქართველოში“ - ფარგლებში.

სხვა მასალები ამ თემაზე
სიახლეები

მედიის ადვოკატირების კოალიციის განცხადება

23.05.2025

შპს პარმას მიერ უკონკურენტოდ მოგებული თბილისის მერიისა და გამგეობების ტენდერები

20.05.2025

სამოქალაქო საზოგადოების ორგანიზაციებმა 2024 წლის ნოებრიდან ჩადენილი ადამიანის უფლებების მძიმე და სისტემური დარღვევების შესახებ დოკუმენტირების ანგარიში წარადგინეს

14.05.2025

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025
განცხადებები

მედიის ადვოკატირების კოალიციის განცხადება

23.05.2025

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025

სამოქალაქო საზოგადოების ორგანიზაციების განცხადება ევროპის დღესთან დაკავშირებით

09.05.2025

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024