IDFI–ის განცხადება “ექსპრესნიუსის” მიერ გავრცელებული ინფორმაციის შესახებ

სიახლეები | განცხადებები 13 მაისი 2013

მიმდინარე წლის 10 მაისს საინფორმაციო სააგენტოს “ექსპრესნიუსის” (ExpressNews) ვებ-გვერდზე გამოქვეყნდა სტატია სახელწოდებით: IDFI–ს ანგარიშს ლტოლვილთა და განსახლების სამინისტრო ნაწილობრივ უარყოფს -  სადაც აღნიშნულია შემდეგი:


"IDFI–ს მიერ გამოქვეყნებულ ანგარიშში, სადაც დევნილებისთვის გამოყოფილი დახმარების არამიზნობრივად ხარჯვის ფაქტებია მოყვანილი, საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების სამინისტრო გამოეხმაურა. როგორც „ექსპრესნიუსს“ დევნილთა და განსახლების სამინისტრო პრესსამსახურის უფროსმა, ეკა გულუამ განუცხადა, სტატიაში მოყვანილი დევნილების რაოდენობა არ არის რეალური. მისი თქმით, დევნილთა რაოდენობა, რომლებიც სამინისტრომ 2008 წლის ომის შემდეგ დააფიქსირა, 23 000–ს შეადგენს."


სტატიის დასასრულს “ექსპრესნიუსის” ჟურნალისტი (დავით გულედანი) სამინისტროს პრესსამსახურის ინფორმაციაზე დაყრდნობით აგრეთვე შემდეგ დასკვნას სთავაზობს მკითხველს:


"შესაბამისად, IDFI–ს მიერ მოყვანილი 2 607 500 ლარის არამიზნობრივი ხარჯვა, დევნილთა სამინისტროდან მოპოვებული ინფორმაციის საფუძველზე, სულ ცოტა არ შეესაბამება რეალობას, რადგან არც ლტოლვილთა რიცხვი არ არის სწორად დადგენილი და არც ლტოლვილთა ზუსტი რაოდენობა. IDFI-ს მოყავს 2010 წლის სამოქალაქო რეესტრის მონაცემები, სადაც, სავარაუდოდ, დევნილთა რიცხვი უკვე შემცირებულია და არამიზნობრივ ხარჯებზე საუბარი, ანგარიშის მიხედვით, მიუღებელია."


აღნიშნულთან დაკავშირებით გვინდა განვაცხადოთ შემდეგი:


1. ჩვენს მიერ გამოქვეყნებული ანალიზი დაფუძნებულია საქართველოს ოკუპირებული ტერიტორიებიდან გადაადგილებულ პირთა, განსახლებისა და ლტოლვილთა სამინისტროს შიდა აუდიტის დეპარტამენტის მიერ 2012 წლის ნოემბრის თვეში განხორციელებული "სამინისტროს ბალანსზე რიცხული მარაგის გამოყენების, აღრიცხვის და მართვის  შეფასების ანგარიშზე"

2. სტატიაში არსებული დევნილთა რაოდენობა მოყვანილია ამავე ანგარიშში ასახული მონაცემების საფუძველზე (იხილეთ ანგარიშის მე-7 გვერდი). ანგარიშში მათ შორის  აღნიშნულია, რომ 2012 წლის 3 დეკემბრის დევნილთა მონაცემთა ბაზის მიხედვით საქართველოზე რუსეთის ფედერაციის შეიარაღებული თავდასხმის შედეგად უსახლკაროდ დარჩენილი მოსახლეობის რაოდენობა შეადგენს 23 584 ადამიანს (8040 ოჯახს - იხილეთ ანგარიშის მე-8 გვერდი).


3.  მიუხედავად ამისა, 2008-2009 წლებში საწოლების შესყიდვა 45 600 ადმიანზე არ გამორიცხავს უსაქონლო ოპერაციის განხორციელების ფაქტს. მითუმეტეს, თუ გავითვალისწინებთ, რომ აღნიშნული არ არის IDFI–ს მიერ გამოთქმული ვარაუდი, არამედ თავად სამინისტროს შიდა აუდიტის დეპარტამენტის მიერ გაკეთებული ოფიციალური დასკვნაა (იხილეთ ანგარიშის მე-8 გვერდი) რომელსაც აქვეყნებს ინსტიტუტი.
 

სხვა მასალები ამ თემაზე
სიახლეები

EITI-სა და OGP-ის ურთიერთკავშირის მნიშვნელობა საქართველოსთვის

28.01.2020

საქართველოს უზენაესი სასამართლოს ინსტიტუციური და სამართლებრივი ჩარჩოს შესახებ ანგარიშის პრეზენტაცია

23.01.2020

ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები

21.01.2020

ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსის გამარჯვებულები გამოვლინდნენ

24.12.2019
განცხადებები

არასამთავრობო ორგანიზაციების მიმართვა ხელისუფლებას დაუბრუნდეს საარჩევნო სისტემის ცვლილების განხილვას

28.01.2020

არასამთავრობო ორგანიზაციების ერთობლივი განცხადება

21.01.2020

კოალიცია დამოუკიდებელი ინსპექტორის შერჩევის პროცესის მიმდინარეობას უარყოფითად აფასებს

19.01.2020

კოალიცია საპროკურორო საბჭოს მიერ გენერალური პროკურორის კანდიდატურის შერჩევის პროცესს ეხმიანება

12.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019