„საზოგადოებრივი მაუწყებლის“ სოციალური ქსელის მონიტორინგი – წინასაარჩევნო კამპანიის გაშუქება

სიახლეები | მედია, ინტერნეტი და ინოვაციები | პუბლიკაციები | ბლოგპოსტები 5 სექტემბერი 2012

ივლისის თვის მიხედვით, საარჩევნო მარათონში მონაწილე პოლიტიკური სუბიექტებისთვის დათმობილი დროის მონაცემები ასეთია: იმ გადაცემებში, რომელთა ნახვაც მომხმარებელს „საზოგადოებრივი მაუწყებლის“ სოციალურ ქსელში 1-ლიდან 31 ივლისის ჩათვლით შეეძლო სულ  ათი პოლიტიკური პარტიისა და პოლიტიკური გაერთიანების საარჩევნო კამპანია გაშუქდა. ესენია: „ნაციონალური მოძრაობა“, კოალიცია „ქართული ოცნება“, „ახალი მემარჯვენეები“, „ქრისტიანულ-დემოკრატიული  მოძრაობა“, „ლეიბორისტული პარტია“, „ეროვნულ-დემოკრატიული პარტია“, „ქართული დასი“, „თავისუფალი საქართველო“, „ევროპელი დემოკრატები“ და  “დემოკრატიული  მოძრაობა – ერთიანი საქართველო“. ცალკე გამოვყავით კიდევ ორი სუბიექტი – საქართველოს პრეზიდენტი  და მთავრობა.

 

ყველაზე მეტი დრო კოალიცია „ქართულ ოცნებას“ დაეთმო 17 %, მეორე ადგილს 13 % -ით მემარჯვენეები იკავებენ. დროის 12 %  „მოამბესა“ და  პოლიტიკურ თოქ-შოუებში „ქრიასტიან-დემოკრატებს“ დაუთმეს, „ნაციონალური მოძრაობის“ საარჩევნო კამპანიის გაშუქების პროცენტულმა წილმა კი მხოლოდ 4% შეადგინა. თუმცა საერთო ჯამში მმართველი გუნდის  წინასაარჩევნო კამპანიის გაშუქებაზე პრეზიდენტისა (10%) და მთავრობის წევრების (14%)   გაშუქების  მაჩვენებლების ჩათვლით 28 %-ი მოდის. მაჩვენებლები  ძირითადად საინფორმაციო პროგრამა „მოამბის“ მთავარ გამოშვებაში გასული სიუჟეტების  რაოდენობრივი ანალიზის საფუძველზე მივიღეთ.

 

ბუნებრივია, რომ საპარლამენტო არჩევნებამდე რამდენიმე კვირით ადრე  ტელეკომპანიები წინასაარჩევნო რეჟიმში მაუწყებლობენ და დროის მნიშვნელოვან ნაწილს, განსაკუთრებით საინფორმაციო გამოშვებებში, საარჩევნო საკითხების გაშუქებას უთმობენ. მაგრამ სოციალური ქსელის გამოყენება „საზოგადოებრივი მაუწყებლის“ მიერ, წინასააარჩევნო საკითხების გასაშუქებლად და განსახილველად არ ხდება. ერთადერთი თემა რომლის მიმართაც  „საზოგადოებრივი მაუწყებლის“ Facebook-ის მომხმარებელი დაინტერესებას გამოხატავს, გამოთქვამს მოსაზრებებს, სვამს კითხვებს  და ღებულობს პასუხს სპორტია.

 

მომხმარებლის 86%  იწონებს და მეგობრებს უზიარებს მხოლოდ სპორტთან დაკავშირებულ ინფორმაციას. 10%- ის მნიშვნელოვანი წილიც, რომელიც დაანონსებულ გადაცემებზე და რეკლმაზე მოდის ძირითადად სპორტს ეხება, რადგან „საზოგადოებრივი მაუწყებლის“ სოციალურ ქსელში ყველაზე ხშირად სწორედ სპორტული მოვლენების დაანონსება ხდება. 2 % ერგო იმ თემებს რომელიც ბლოკში – საზოგადოება – გავაერთიანეთ. პოლიტიკური საკითხებისადმი ინტერესი მომხმარებლის მხოლოდ ერთმა პროცენტმა გამოხატა,  ამდენივემ მოიწონა გასართობი გადაცემები.

ერთი თვის მანძილზე საინფორმაციო გამოშვებებს   საერთო ჯამში  მხოლოდ  ექვსი „ლაიქი“აქვს. მომხმარებელი კომენტარსაც, იქნება ეს უბრალოდ მოსაზრება, პრობლემის გაზიარება,  კრიტიკა თუ შეკითხვები, სპორტთან დაკავშირებით აკეთებს. გაურკვეველია მაყურებლის ინტერესებიდან გამომდინარე გახდა სპორტის თემა საზოგადოებრივი მაუწყებლისთვის პრიორიტეტული, თუ ტელეკომპანიამ თავად აირჩია ეს სტრატეგია. ფაქტია რომ საზოგადოებრივი მაუწყებლის სოციალურ ქსელის რეალური და აქტიური  მომხმარებელი მხოლოდ ის მაყურებელია, რომელსაც ყველა სხვა საკითხზე  მეტად  სპორტი აინტერესებს.

სხვა მასალები ამ თემაზე
სიახლეები

IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

24.09.2020

კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები

23.09.2020

ფარული მიყურადება საქართველოში - კანონმდებლობისა და პრაქტიკის ანალიზი

18.09.2020

რუსული საინფორმაციო ომი ლუგარის ლაბორატორიის წინააღმდეგ

16.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020