სასამართლო აქტების ხელმისაწვდომობის შესახებ IDFI-მ ანგარიშის პრეზენტაცია გამართა

სიახლეები | კანონის უზენაესობა და ადამიანის უფლებები | ანგარიში | სტატია 29 მარტი 2024

ინფორმაციის თავისუფლების განვითარების ინსტიტუტმა (IDFI), USAID სამართლის უზენაესობის პროგრამის მხარდაჭერით 2024 წლის 29 მარტს პრეზენტაცია  გამართა, სადაც განხილულ იქნა საქართველოში სასამართლო აქტების ხელმისაწვდომობასთან დაკავშირებით არსებული პროგრესი და ძირითადი გამოწვევები.

 

გიორგი კლდიაშვილი, IDFI-ს აღმასრულებელი დირექტორი, ლევან იოსელიანი, საქართველოს სახალხო დამცველი, ოთარ ჩახუნაშვილი, პერსონალურ მონაცემთა დაცვის სამსახურის უფროსის პირველი მოადგილე და ქორინ როთბლუმი, USAID კავკასიის დემოკრატიის, უფლებებისა და მმართველობის ოფისის დირექტორის მოვალეობის შემსრულებელი მიესალმნენ დამსწრე საზოგადოებას.

 

მისასალმებელი სიტყვების შემდგომ, საკონსტიტუციო სასამართლოს სამდივნოს უფროსმა, გიორგი ლომთაძემ ისაუბრა სასამართლო აქტების ხელმისაწვდომობის თაობაზე ძირითადი კონსტიტუციური სტანდარტების შესახებ, რის შემდგომაც გიორგი დავითურმა, IDFI-ს კანონის უზენაესობისა და მედიის თავისუფლების მიმართულების ხელმძღვანელმა, აუდიტორიას წარუდგინა ანგარიშის ძირითადი მიგნებები და რეკომენდაციები.

 

IDFI-ს ახალი ანგარიში ასახავს ამჟამინდელ მდგომარეობამდე განვითარებულ პოლიტიკის ცვლილებებს. მასში ხაზგასმულია, რომ საკანონმდებლო მოწესრიგება, რომელიც 2024 წლის 1 იანვრიდან ამოქმედდა, ადგენს საჯარო ინფორმაციის მოთხოვნის გზით სასამართლო აქტების ხელმისაწვდომობის გაუმჯობესებულ სტანდარტს. თუმცა, ახალი საკანონმდებლო ჩარჩოს პრაქტიკაში განხორციელების მონიტორინგი ავლენს, რომ საკანონმდებლო ცვლილებები სრულად არ აღსრულდება. კერძოდ, 2024 წლის 29 თებერვლის მდგომარეობით, საქართველოს ყველა საერთო სასამართლომ საჯარო ინფორმაციის მოთხოვნა უპასუხოდ დატოვა და მხოლოდ ადმინისტრაციული საჩივრის წარდგენის შემდეგ, 2024 წლის 26 მარტის მდგომარეობით, ინფორმაცია რვა სასამართლოს მიერ გაიცა. ამავდროულად, სასამართლო აქტების პროაქტიული გამოქვეყნება ecd.court.ge-ზე არ განახლებულა.

 

ღონისძიებაში მონაწილეობის მისაღებად მოწვეულნი იყვნენ ადგილობრივი და საერთაშორისო ორგანიზაციების, საერთო სასამართლოების, საკონსტიტუციო სასამართლოს, იუსტიციის უმაღლესი საბჭოს, პარლამენტის,  სახალხო დამცველის, პერსონალურ მონაცემთა დაცვის სამსახურის და სხვა სახელმწიფო უწყებების წარმომადგენლები, ასევე პრაქტიკოსი იურისტები, აკადემიური სფეროს და მედიის წარმომადგენლები.

 

ანგარიში: სასამართლო აქტების ხელმისაწვდომობა: პროგრესი და საკვანძო გამოწვევები

 

სხვა მასალები ამ თემაზე
სიახლეები

9 ნაბიჯი ევროკავშირისკენ (შესრულების მდგომარეობა)

11.04.2024

“აპრილის გამოძახილი” - IDFI-მ 9 აპრილისადმი მიძღვნილი ღონისძიება გამართა

10.04.2024

V-Dem-ის შედეგები: 2023 წელს საქართველოში დემოკრატიის ხარისხი გაუარესდა

08.04.2024

საქართველოში საჯარო მმართველობის რეფორმის მიმოხილვა

02.04.2024
განცხადებები

400-ზე მეტი ორგანიზაცია: კი - ევროპას, არა - რუსულ კანონს!

08.04.2024

მოვუწოდებთ „ქართული ოცნების“ ლიდერებს, ქართველ ხალხს აუხსნან, ავალებდნენ თუ არა მათ უცხო სახელმწიფოს ინტერესის სასარგებლოდ მოქმედებას

07.04.2024

კოალიცია ანტიკორუფციული ბიუროსთვის მოსამართლეთა ქონების შემოწმების შეჩერებას ეხმიანება

06.04.2024

მოსამართლეებმა სასამართლოს მეშვეობით ანტიკორუფციული ბიუროს მიერ მათი ქონების შემოწმების პროცესი გააჩერეს

05.04.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023