IDFI-ის ხელმძღვანელთა შეხვედრა კოსტა-რიკის საპარლამენტო ასამბლეის პრეზიდენტთან

სიახლეები | პუბლიკაციები | ღია მმართველობის პარტნიორობა | სტატია 1 ნოემბერი 2015

28 - 29 ოქტომბერს მექსიკის დედაქალაქ მეხიკოში გაიმართა ,,ღია მმართველობის პარტნიორობის გლობალური სამიტი მექსიკაში 2015".

 

მექსიკაში ღია მმართველობის პარტნიორობის გლობალური სამიტის ფარგლებში IDFI-ის დირექტორი, გიორგი კლდიაშვილი და გამგეობის თავმჯდომარე, ლევან ავალიშვილი, საქართველოს პარლამენტის წევრ, თამარ კორძაიასთან ერთად, კოსტა-რიკის რესპუბლიკის საკანონმდებლო ასამბლეის (პარლამენტის) პრეზიდენტს, რაფაელ ორზიტს შეხვდნენ. სამუშაო შეხვედრა მიზნად ისახავდა საქართველოს ღია პარლამენტის სამოქმედო გეგმის შემუშავებასთან დაკავშირებით გამოცდილების გაზიარებას, ასევე საზოგადოებისა და სამოქალაქო ორგანიზაციების საკანონმდებლო პროცესებში ჩართულობის შესახებ ინფორმაციის გაცვლას.

 

გიორგი კლდიაშვილმა და ლევან ავალიშვილმა, რაფაელ ორზიტთან შეხვედრაზე, ვრცლად ისაუბრეს სამოქალაქო სექტორის როლზე საქართველოს ღია პარლამენტის სამოქმედო გეგმის შემუშავების პროცესში. გიორგი კლდიაშვილმა საუბრისას აღნიშნა, რომ 2015-2016 წლის ღია პარლამენტის სამოქმედო გეგმის წარმატება დიდ წილად დამოკიდებულია უმაღლესი ხელისუფლების მზაობასა და მათ პოლიტიკურ ნებაზე. ლევან ავალიშვილმა ყურადღება გაამახვილა ინფორმაციის ხელმისაწვდომობის, მოქალაქეთა ჩართულობის, ანგარიშვალდებულების, ტექნოლოგიებისა და ინოვაციების პრინციპების ეფექტიანად და სრულყოფილად შესრულების ვალდებულებებზე.

 

კოსტა-რიკის რესპუბლიკის პარლამენტის პრეზიდენტი, რაფაელ ორზიტი, ღია მმართველობის პარტნიორობის სხვა ასპექტებითაც დაინტერესდა. შესაბამისად, შეხვედრაზე განიხილეს საქართველოს პარლამენტის ინტერფრაქციული ჯგუფის ფორმირებისა და მათი მუშობის პროცესიც. ასევე, ისაუბრეს არასამთავრობო და საერთაშორისო ორგანიზაციებს შორის გაფორმებულ მემორანდუმსა და პარლამენტის ღიაობის დეკლარაციაზე, მათ მნიშვნელობასა და მათ ფარგლებში ნაკისრ ვალდებულებებზე.

 

საქართველოს პარლამენტის წევრმა, თამარ კორძაიამ, საქართველოსა და კოსტა-რიკას შორის არსებულ პოზიტიურ, მეგობრულ ურთიერთობებზე ისაუბრა და გამოთქვა იმედი, რომ არსებული მეგობრული დამოკიდებულება ქვეყნებს შორის კიდევ უფრო გაღრმავდება საერთო ინტერესების არეალში.

 

აღსანიშნავია, რომ კოსტა-რიკის პარლამენტის თავმჯდომარემ გამოთქვა სურვილი და მზაობა საქართველოს საპარლამენტო ღიაობის სამოქმედო გეგმის სტანდარტების მიხედვით კოსტა-რიკის საპარლამენტო ღიაობის გეგმის შემუშავებაზე რაზეც ქართულმა მხარემ მას სრული მხარდაჭერა და დახმარება აღუთქვა. აღნიშნული, კიდევ ერთხელ ადასტურებს იმას, რომ საქართველოს პარლამენტისა და სამოქალაქო სექტორის თანამშრომლობითი ფორმატი ერთ-ერთი მოდელური და მისაბაძი გახდა საერთაშორისო საზოგადოებისთვის. 

 

ღია მმართველობის პარტნიორობა (OGP) მრავალმხრივ ინიციატივას წარმოადგენს და მიზნად ისახავს სახელმწიფოს მხრიდან კონკრეტული ვალდებულებების შესრულებას ღია მმართველობის, გამჭვირვალობის, მოქალაქეების ჩართულობის განვითარების, კორუფციასთან ბრძოლის, ინოვაციებისა და ახალი ტექნოლოგიების დანერგვის თვალსაზრისით. 

 

2014 წლიდან, IDFI ახორციელებს პროექტს ,,ღია მმართველობის ინიციატივაში" საქართველოს პარლამენტის ჩართულობის მხარდაჭერას," რომელიც დაფინანსებულია და ხორციელდება გაეროს განვითარების პროგრამისა (UNDP) და ევროკავშირის (EU) მხარდაჭერით. პროექტის მიზანია საპარლამენტო ღიაობის, გამჭვირვალობის უზრუნველყოფა და საკანონმდებლო პროცესებში მოქალაქეთა ჩართულობის ხელშეწყობა.

 

იხილეთ ფოტოალბომი.

 

სხვა მასალები ამ თემაზე
სიახლეები

IDFI მონაცემების გლობალური ბარომეტრის (GDB) რეგიონალური ჰაბი გახდა

28.10.2020

Covid-19 და პასუხისმგებლობის ზომები: კონსტიტუციურობის სისტემური პრობლემა

27.10.2020

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020