მთავრობის ზედამხედველობის საკითხი ქართული მედიის და აქტივისტების ყურადღების ცენტრში

სიახლეები | ტრენინგები | მედია, ინტერნეტი და ინოვაციები | პუბლიკაციები | სტატია 17 ივნისი 2019

2019 წლის ივნისში, ინფორმაციის თავისუფლების განვითარების ინტიტუტმა (IDFI) მთავრობის ზედამხედველობის მექანიზმებისა და მეთოდების შესახებ 30-ზე მეტი ჟურნალისტისა და აქტივისტისთვის ორი პრაქტიკული ტრენინგი ჩაატარა (თბილისში). ტრენინგი გლობალური საქველმოქმედო ორგანიზაცია - Luminate-ის მხარდაჭერით გაიმართა.

 

IDFI-ის ერთ-ერთი მნიშვნელოვანი მისიაა საქართველოში კარგი მმართველობის ხელშეწყობა. ამ კონტექსტში, პირველი და უმთავრესი ჩვენთვის სწორედ მიდიის მიმართ ნდობის ფაქტორია. ფაქტობრივად, ჟურნალისტებისთვის ყველა საჭირო უნარ-ჩვევების შეძენა და მათთან პარტნიორობის დამყარება, შემდგომში მთავრობის ეფექტური ზედამხედველობის მიზნით, ჩვენთვის უმთავრეს ამოცანას წარმოადგენს. აქედან გამომდინარე, ჩვენ მიერ შემუშავებული პრაქტიკული ტრენინგები ემსახურება აქტივისტებისა და ჟურნალისტებისთვის საჭირო ინფორმაციის მიწოდებას, რათა მათ შეძლონ სახელმწიფო შესყიდვების მონიტორინგი, სახელმწიფო ბიუჯეტისა და სხვა ფინანსური მონაცემების დამუშავება, სამთავრობო თუ სამოქალაქო საზოგადოების პლატფორმების გამოყენება, სადამკვირვებლო საქმიანობის წარმოება, აგრეთვე, ანალიტიკური სტატიების მომზადება.“ - აცხადებს IDFI-ის პროგრამების დირექტორი, ლევან ავალიშვილი.

 

დანამდვილებით შემიძლია გითხრათ, რომ ტრენინგის მიმდინარეობისას, ჩვენ გავეცანით იმ საინტერესო ელექტრონულ წყაროებსა და ვებგვერდებს, რომლებიც შემდგომში ანალიტიკური სტატიების მომზადების პროცესში დაგვეხმარება. მივიღეთ ინფორმაცია იმის შესახებ, რომ საქართველოს ნებისმიერ მოქალაქეს, ისევე როგორც მუდმივად მცხოვრები პირის სტატუსის მქონე ინდივიდს, აქვს უფლება, გამოითხოვოს საჯარო ინფორმაცია, ხოლო სახელმწიფო ინტიტუტები ვალდებულნი არიან, ათი დღის ვადაში, შესაბამისი პასუხი მიაწოდონ მოქალაქეებს. ჩვენთვის მნიშვნელოვანია იმის ცოდნა, რომ სამომავლოდ IDFI საჯარო ინფორმაციის გამოთხოვის ფორმის შევსებასა და კორუფციის შესაძლო ფაქტების გამოვლენაში დაგვეხმარება.“ - აღნიშნა ტრენინგის ერთ-ერთმა მონაწილემ, ლაშა გოგებაშვილმა.

 

ტრენინგი ინტერაქტიულ ხასიათს ატარებდა და მოიცავდა პრაქტიკულ სავარჯიშოებსაც, მათ შორის, ღია მონაცემებზე დაყრდნობით, საეჭვო გარემოებების გამოვლენის შესწავლასა და საბიუჯეტო საკითხებზე საჯარო ინფორმაციის გამოთხოვის შესახებ წერილის მომზადებას, რომელიც სამომავლოდ სახელმწიფო ბიუჯეტთან დაკავშირებული საინტერესო ტენდენციების გაანალიზებაში დაგვეხმარება,“- აცხადებს ტრენინგის კიდევ ერთი მონაწილე.

 

ტრენინგს უძღვებოდნენ IDFI-ის მედიის, ინტერნეტისა და ტელეკომუნიკაციების პროგრამის ხელმძღვანელი - თეონა ტურაშვილი; IDFI-ის ანალიტიკოსი - მარიამ გოგიაშვილი და IDFI-ის ეკონომიკისა და სოციალური პოლიტიკის მიმართულების ხელმძღვანელი - გოგა თუშურაშვილი.


თეონა ტურაშვილმა 2019 წლის 6 მაისს გამოცხადებულ ანალიტიკური სტატიების კონკურსში მონაწილეობასა და შერჩევის კრიტერიუმებზე ისაუბრა. კონკურსი, სახელწოდებით „ჟურნალისტები კარგი მმართველობისთვის“, ხორციელდება Luminate-ის მხარდაჭერით.

 

კონკურსის მთავარ მიზანია აქტივისტებსა და ჟურნალისტებს შორის მთავრობის ზედამხედველობის გაძლიერებისკენ მიმართული ქმედებების წახალისება. კონკურსისთვის წარდგენილი სტატია უნდა შეესაბამებოდეს საჯარო სექტორში არსებულ შესაძლო გადაცდომებსა თუ საეჭვო გარემოებებს, მათ შორის, საჯარო ფინანსების არამიზნობრივ განკარგვას, კორუფციის შესაძლო შემთხვევებს, საჯარო მოხელეების მიერ სამსახურებრივი უფლებამოსილების ბოროტად გამოყენებისა და ნეპოტიზმის ფაქტებს, სახელმწიფო შესყიდვების სფეროში უხეშ დარღვევებს, ინტერესთა კონფლიქტს და ა.შ.

 

გარდა ამისა, ტრენინგის მონაწილეებს საშუალება მიეცათ უშუალოდ მონაცემებზე მომუშავე ჟურნალისტების პრაქტიკულ ინსტრუმენტებსაც გაცნობოდნენ, რომლებიც მათ საგამოძიებო სტატიების მომზადებაში ეხმარებათ. 

 

ტრენინგის დასასრულს, ტრენერებმა და მონაწილეებმა სადამკვირვებლო საქმიანობის ფარგლებში სამომავლო თანამშრომლობისა და პროცესებში მათი ჩართულობის შესახებ ისაუბრეს.

 

სხვა ტრენინგები ამ თემაზე
სიახლეები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020