თბილისის მერის Facebook-ის გვერდი წინასაარჩევნოდ

სიახლეები | მედია,ინტერნეტი და ტელეკომუნიკაცია | პუბლიკაციები | ბლოგპოსტები 5 სექტემბერი 2012

ავტორი: თამარ თოლორდავა 

 

თბილისის მერის, გიგი უგულავას ოფიციალური Facebook გვერდი, ერთ-ერთი ყველაზე პოპულარულია სხვა სახელმწიფო უწყებებსა და საჯარო დაწესებულებებს ოფიციალურ გვერდებს შორის. დღევანდელი მონაცემებით მას 50.009 მომხმარებელი იწონებს.  გვერდის დახმარებით აქტიურად შუქდება მერის საქმიანობა, იდება ფოტოები, ჩანაწერები და ზიარდება ბმულები, როგორც თბილისის მერიის ვებ-გვერდიდან, ასევე ოფიციალური YouTube არხიდან.  სოციალურ ქსელში ასევე არსებობს თბილისის მერიის ოფიციალური გვერდიც, რომელიც ნაკლები აქტივობებითა და მოწონების რაოდენობით გამოირჩევა (დღევანდელი მონაცემებით 1.661  მოწონება).  ასევე აღსანიშნავია რომ თბილისის მერიის ოფიციალურ ვებ-გვერდზე მითითებული Facebook ღილაკით გადავდივართ გიგი უგულავას ოფიციალურ გვერდზე. იგივე შეიძლება ითქვას თბილისის მერიის Twitter -ის გვერდზეც.

 

 

2012 წლის 13 აგვისტოს, გიგი უგულავას ოფიციალურ Facebook გვერდზე დაიდო ჩანაწერი და ფოტო ალბომი სათაურით “ერთიანი ნაციონალური მოძრაობის “თბილისის მაჟორიტარების წარდგენა’’.  ჩანაწერიდან ირკვევა რომ  ნაციონალური მოძრაობის თბილისის საქალაქო ორგანიზაციის თავმჯდომარემ, გიგი უგულავამ, საქართველოს პარლამენტის თავმჯდომარესთან,  დავით ბაქრაძესთან ერთად წარადგინა თბილისის მაჟორიტარი დეპუტატობის კანდიდატები.

 

 

 

ყოველივე ამის შემდეგ  მერის ოფიციალურ გვერდზე აქტიურად იდება ალბომები და ჩანაწერები, რომლებიც მაჟორიტარი დეპუტატების  გიორგი კარბელაშვილის (ვაკის რაიონი), დავით საყვარელიძის (კრწანისის რაიონი), ანდრია ურუშაძის (საბურთალოს რაიონი),  მიხელი მაჭავარიანის (სამგორის რაიონი), ნიკო ხაჩირიშვილის (გლდანის რაიონი), ანდრო ალავიძის (ჩუღურეთის რაიონი), გიორგი ჩაჩანიძის (დიდუბის რაიონი), გიორგი ვაშაძის (ისნის რაიონი), არჩილ გეგენავას (მთაწმინდის რაიონი), მერაბ სამადაშვილი (ნაძალადევის რაიონი)  საკუთარ საარჩევნო რაიონებში წარდგენას შეეხება.

 

 

 

აღსანიშნავია რომ ზემოთ ნახსენებ აქტივობებზე ინფორმაციის მიწოდებისას გიგი უგულავა მოხსენიებულია როგორც „ერთიანი ნაციონალური მოძრაობის’’ თბილისის საქალაქო ორგანიზაციის თავმჯდომარე და არა როგორც თბილისის მერი. 

 

 

აღნიშნული ფაქტი წინასაარჩევნო აგიტაციისთვის ადმინისტრაციული რესურსის გამოყენებად და  საარჩევნო კოდექსის 48-ე მუხლის ბ) ქვეპუნქტის დარღვევად შეიძლება იქნეს მიჩნეული, რომლის მიხედვითაც:

 

“ბ) სახელმწიფო ხელისუფლების დაწესებულებებისათვის ან ადგილობრივი თვითმმართველობის ორგანოებისა და იმ ორგანიზაციებისათვის, რომლებიც ფინანსდებიან საქართველოს სახელმწიფო ბიუჯეტიდან, განკუთვნილი საკომუნიკაციო საშუალებების, საინფორმაციო მომსახურებისა და სხვადასხვა სახის ტექნიკის გამოყენება”.

 

ამ შემთხვევაში თბილისის მერიის ვებ-გვერდი არის ადმინისტრაციული ორგანოს საკომუნიკაციო საშუალება. ამავე დროს, გიგი უგულავს Facebook გვერდი გამოყენებულია ერთიანი ნაციონალური მოძრაობის თბილისის მაჟორიტარი დეპუტატების რეკლამირებისთვის. მოქალაქეებს, რომლებიც თბილისის მერიის ოფიციალური გვერდიდან გადამისამართებულნი იქნებიან თბილისის მერის პირად Facebook გვერდზე, უნებლიედ მოუწევთ ნაციონალური მოძრაობის საარჩევნო კამპანიის შესახებ ინფორმაციის მიღებაც. აღსანიშნავია აგრეთვე ის ფაქტიც, რომ მსგავსი შემთხვევა ჩვენ მიერ უკვე აღმოჩენილი იქნა საქართველოს რეგიონული განვითარებისა და ინფრასტრუქტურის სამინისტროს შემთხვევაშიც.

 

სხვა მასალები ამ თემაზე
სიახლეები

IDFI-ის მიერ ინიცირებული საკანონმდებლო ცვლილებები არქივების მეტი გამჭვირვალობის და საარქივო დოკუმენტების ხელმისაწვდომობის უზრუნველსაყოფად

23.04.2019

დამოკიდებულება პროკურორებისა და მოსამართლეების ქმედებების მიმართ

22.04.2019

მოსამართლეთა პროფესიული მომზადების სისტემაში არსებული ხარვეზები იუსტიციის უმაღლესი სკოლის ძირეული რეფორმის აუცილებლობაზე მიუთითებს

18.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019
განცხადებები

აჭარის ტელევიზიისა და რადიოს დირექტორის იმპიჩმენტის საკითხს არასამთავრობო ორგანიზაციები ეხმიანებიან

12.04.2019

კოალიციის მიმართვა ვენეციის კომისიისა და ეუთოს დემოკრატიული ინსტიტუტებისა და ადამიანის უფლებების ბიუროსადმი უზენაესი სასამართლოს მოსამართლეების შერჩევის კანონპროექტთან დაკავშირებით

25.03.2019

კოალიციის განცხადება „TV პირველისა“ და „არტარეის“ გარშემო მიმდინარე მოვლენების შესახებ

07.03.2019

კოალიციამ საქართველოს პარლამენტის თავმჯდომარის მიერ შეთავაზებული სამუშაო ფორმატი დატოვა

27.02.2019
ბლოგპოსტები

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019

საქართველოს პროკურატურა მნიშვნელოვანი ცვლილებების წინაშე: სისტემაში არსებული ხარვეზების გამოსწორების გზა

30.08.2018