„საბჭოთა კავშირში რეპრესირებული ქალები“ - გამოფენა დედაენის ბაღში

სიახლეები | მეხსიერების და დეზინფორმაციის კვლევები | სტატია 23 ივლისი 2021

2002 წლიდან, 22 ივლისი საქართველოში რეპრესირებულთა ხსოვნის დღედ გამოცხადდა. თარიღის ისტორია მომდინარეობს 1937 წლიდან - სწორედ ამ დღეს, დიდმა ქართველმა პოეტმა, პაოლო იაშვილმა დემონსტრაციულად მოიკლა თავი მწერალთა კავშირის შენობაში.

 

აღნიშნულ დღესთან დაკავშირებით, ინფორმაციის თავისუფლების განვითარების ინსტიტუტმა (IDFI), საბჭოური პერიოდის პოლიტიკური რეპრესიების მსხვერპლთა ხსოვნისა და თანადგომის საზოგადოება - „მემორიალთან“ ერთად, დედაენის ბაღში გამართა გამოფენა - „საბჭოთა კავშირში რეპრესირებული ქალები“.

 

გამოფენაზე წარმოდგენილი იყო საბჭოთა რეჟიმის პირობებში რეპრესირებული ქალების 100-მდე ფოტო, მათი მოკლე ბიოგრაფიები, შესაბამისი სიები და სტენდები მათი წერილებით, ორიგინალი ფოტოებითა და პერსონალური ნივთებით.

 

გამოფენის ვიზიტორებს, IDFI-ის მეხსიერებისა და დეზინფორმაციის კვლევების მიმართულების ხელმძღვანელმა, ანტონ ვაჭარაძემ და „მემორიალის“ თავმჯდომარემ, გურამ სოსელიამ გააცნეს იმ ქალების ისტორიები, რომლებიც საბჭოთა რეპრესიებს ემსხვერპლნენ. დამსწრეებს საშუალება ჰქონდათ IDFI-ისა და „მემორიალის“ წარმომადგენლებთან ერთად განეხილათ საბჭოთა რეპრესიებთან დაკავშირებული საკითხები, კვლევები და ოფიციალური მეხსიერების პოლიტიკა ამ მიმართულებით.

 

გამოფენის გამართვაში ორგანიზაციებს თანადგომა გაუწია თბილისის მუნიციპალიტეტის მერიამ. გამოფენა გაიმართა შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით.

 

IDFI და საზოგადოება „მემორიალი“ წლების მანძილზე ახორციელებენ რეპრესირებულთა ისტორიების შესწავლას და ამ მიმართულებით რეგულარულად მართავენ ღონისძიებებს. ორგანიზაციების ძალისხმევით, არაერთმა ადამიანმა გაიგო საკუთარი რეპრესირებული წინაპრის შესახებ. აღსანიშნავია, რომ საქართველოში პოლიტიკური რეპრესიების მსხვერპლთათვის განკუთვნილი, სახელმწიფოს მიერ სხვადასხვა სოციალური კატეგორიებისთვის დაწესებულ საყოფაცხოვრებო სუბსიდიის ოდენობებს შორის, ყველაზე დაბალი, თვეში 7 (შვიდ) ლარიანი საყოფაცხოვრებო სუბსიდია არათუ არ პასუხობს რეალურ საჭიროებებს, არამედ ეს ოდენობა არის სახელმწიფოს მხრიდან უკანონოდ შევიწროებული და რეპრესირებული ადამიანების კიდევ უფრო მეტად შეურაცხმყოფელი.

 

რეპრესირებულთათვის საყოფაცხოვრებო სუბსიდიის ზრდის ადვოკატირების კამპანიის ფარგლებში, 2021 წლის 30 ივნისის წერილით, IDFI-მ მიმართა საქართველოს პრემიერ-მინისტრს, ირაკლი ღარიბაშვილს, საქართველოს პარლამენტის თავმჯდომარეს, კახა კუჭავას, საქართველოს ფინანსთა მინისტრს, ლაშა ხუციშვილსა და საქართველოს პარლამენტის საფინანსო-საბიუჯეტო კომიტეტის თავმჯდომარეს, ირაკლი კოვზანაძეს, რათა საქართველოს მთავრობას 2021 და 2022 წლის სახელმწიფო ბიუჯეტებით უზრუნველეყო რეპრესირებულთა საყოფაცხოვრებო სუბსიდიის 7-დან 44 ლარამდე გაზრდა. მსგავსი მოთხოვნით საქართველოს პრემიერ-მინისტრს ორგანიზაციებმა 2020 წელს სამჯერ: 2020 წლის 24 ივნისს27 ივლისს. და 11 დეკემბერს მიმართეს, თუმცა, უშედეგოდ. 2021 წლის 30 ივნისის წერილზეც მთავრობას რეაგირება არ მოუხდენია.

 

 

 

 

სხვა მასალები ამ თემაზე
სიახლეები

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022