ელექტრონული გამჭვირვალობა საქართველოში 2012

სიახლეები | კარგი მმართველობა | მედია, ინტერნეტი და ინოვაციები | პუბლიკაციები | ანგარიში 10 ოქტომბერი 2012

საქართველოს საჯარო დაწესებულებების საინფორმაციო (ინტერნეტ) რესურსების მონიტორინგი“ ღია საზოგადების ფონდების (OSF), ფონდ ღია საზოგადება საქართველოსა (OSGF) და ეროვნული უსაფრთხოების არქივის (NSA) ფინანსური მხარდაჭერით განხორციელდა და მის ფარგლებში ჩატარდა საქართველოს 104 საჯარო დაწესებულების ვებ-გვერდის მონიტორინგი.

კვლევის შედეგების მიხედვით: საჯარო დაწესებულებათა ვებ-გვერდების ინფორმაციული გამჭვირვალობის საშუალო ხარისხი 13.91%-ია, ხოლო ტექნიკური  გამართულობის საშუალო ხარისხი  -39.7 %შესაბამისად, დაბალია ვებ-გვერდების საშუალო ჯამური რეიტინგიც- 26.85%

ზემოთ მოყვანილი მაჩვენებლებიდან გამომდინარე შესაძლებელია დავასკვნათ, რომ საქართველოში დღესდღეობით საჯარო დაწესებულებათა მხრიდან მეტი ყურადღება ექცევა თავიანთ ოფიციალურ ვებ-გვერდებზე არა საჯარო ინფორმაციის პროაქტიულად გამოქვეყნებას, არამედ ვებ-გვერდების ტექნიკური ხასიათის საკითხების მოწესრიგებას.

104 საჯარო დაწესებულების ოფიციალური ვებ-გვერდის კვლევამ ცხადყო, რომ:

  • საუკეთესო ჯამური რეიტინგის მქონე და ამავე დროს, ინფორმაციულად ყველაზე გამჭვირვალე ვებ-გვერდს, აღსრულების ეროვნული ბიუროს ვებ-გვერდი წარმოადგენს, ხოლო ტექნიკურად ყველაზე გამართულს კი - კონკურენციისა და სახელმწიფო შესყიდვების სააგენტოს ვებ-რესურსი;

 

  • მიუხედავად საქართველოს იუსტიციისა დასაქართველოს ფინანსთა სამინისტროს ვებ-გვერდების ზოგადად მაღალი მაჩვენებლების ელ. ხელმისაწვდომობისა და ჯამური რეიტინგის კრიტერიუმებით, ინფორმაციული გამჭვირვალობის ყველაზე მაღალი ხარისხით სამინისტროებში სასჯელაღსრულების, პრობაციისა და იურიდიული დახმარების საკითხთა სამინისტროს ოფიციალური ვებ-გვერდი გამოირჩევა;

 

  • ვებ-გვერდებზე ყველაზე ხშირად წარმოდგენილია:

 

  • ზოგადი ინფორმაციის თემატური ბლოკი (თემატური ბლოკის ხარისხი საშუალოდ 47,6%)

(ინფორმაცია ხელმძღვანელობის შესახებ, საერთო საკონტაქტო ინფორმაცია, ინფორმაცია ზემდგომი ორგანოს შესახებ, დეტალური საქმიანობის ისტორია, მმართველობის სფეროს და ფუნქციების აღწერა);

 

  • დაწესებულების კომპეტენციის სფეროში საქმიანობის თემატური ბლოკი (თემატური ბლოკის ხარისხი საშუალოდ 38,24%)

(ხელმძღვანელ პირთა მიმდინარე საქმიანობის შესახებ ცნობები, დაწესებულების საქმიანობის შესახებ საინფორმაციო ხასიათის მიმოხილვები, ადგილობრივ და საერთაშორისო ორგანიზაციებთან ურთიერთქმედების შესახებ ცნობები, სტაჟირებისა და ტრენინგების შესახებ ინფორმაცია და ა.შ. ).

 

  • ვებ-გვერდებზე ყველაზე იშვიათად წარმოდგენილია:

 

  • დაფინანსებისა და ხარჯთაღრიცხვის თემატური ბლოკი (თემატური ბლოკის ხარისხი საშუალოდ 12,82% საჯარო დაწესებულებათა 49% ვებ-გვერდებზე)

(სახელმწიფო ბიუჯეტით გათვალისწინებული ასიგნებების შესახებ ინფორმაცია; ბიუჯეტში ასახული შემოსავლებისა და გასავლების შესახებ ინფორმაცია; კონკრეტულ საშტატო ერთეულზე განსაზღვრული ფინანსური განაკვეთები; დაწესებულების სრული სისტემის თანამშრომლებზე  გაცემული ხელფასების, დანამატების და დარიცხული პრემიების წლიური ოდენობების შესახებ ინფორმაცია, პროექტებისა და პროგრამების ხარჯთაღრიცხვა, დაწესებულებისათვის სარეზერვო ფონდებიდან გამოყოფილი თანხების ოდენობის შესახებ ინფორმაცია და ა.შ.).

 

  • შესყიდვებისა და  ხელშეკრულებების შესახებ თემატური ბლოკი (თემატური ბლოკის ხარისხი საშუალოდ 14,04% საჯარო დაწესებულებათა 41% ვებ-გვერდებზე)

(სატენდერო განცხადებები, განხორციელებული სახელმწიფო შესყიდვებისა და განხორციელებული სახელმწიფო ქონების პრივატიზების ამომწურავი  ჩამონათვალი, გაფორმებულ ხელშეკრულებათა ჩამონათვალი და პირობები და ა.შ.);

 

  • საკადრო უზრუნველყოფის თემატური ბლოკი (თემატური ბლოკის ხარისხი საშუალოდ 14,04% საჯარო დაწესებულებათა 32% ვებ-გვერდებზე)

(საჯარო დაწესებულებაში ვაკანტურ თანამდებობათა ჩამონათვალი,  ვაკანტურ თანამდებობაზე მისაღები კანდიდატისათვის წაყენებული საკვალიფიკაციო მოთხოვნების ჩამონათვალი, თანამდებობათა დასაკავებელი კონკურსის ჩატარების წესი, თანამდებობათა დასაკავებელი კონკურსის პროცედურებისა და შედეგებთან დაკავშირებული პრეტენზიების წაყენების, მათი ადმინისტრაციული წარმოების გზით გასაჩივრების წესის აღწერა და ა.შ.);

ჩატარებული კვლევის შედეგად დადასტურდა, რომ გასულ წლებში ინსტიტუტის მიერ ჩატარებული კვლევების შედეგების ანალოგიურად, საქართველოს ოფიციალური ინტერნეტ სივრცის გამჭვირვალობა კვლავ არ ეხმიანება საზოგადოების ძირითად მოლოდინებსა და ელექტრონული დემოკრატიის სტანდარტებს.

 საჯარო დაწესებულებების საინფორმაციო რესურსების მონიტორინგი - ანგარიში 2012


 საჯარო დაწესებულებების საინფორმაციო რესურსების მონიტორინგი - ანგარიში 2012

სხვა მასალები ამ თემაზე
სიახლეები

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020

IDFI-მ კორუფციასთან მებრძოლთა პროგრამის ფარგლებში ილიას სახელმწიფო უნივერსიტეტთან მემორანდუმი განაახლა

13.10.2020

IX მოწვევის პარლამენტმა ინფორმაციული უსაფრთხოების შესახებ ინიცირებული პრობლემური კანონპროექტი არ მიიღო

13.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020