IDFI-ის საჯარო დისკუსია - დიალოგი კერძო სექტორთან კანონპროექტების მომზადების დროს

სიახლეები | კორუფციასთან ბრძოლა | პუბლიკაციები | სტატია 14 ივლისი 2017

2017 წლის 12 ივლისს IDFI- ის ორგანიზებით ჩატარდა საჯარო დისკუსია თემაზე - „კერძო და საჯარო სექტორებს შორის დიალოგის მნიშვნელობა კანონპროექტების მომზადების ადრეულ ეტაპებზე“.

 

ღონისძიებას ესწრებოდა სახელმწიფო და კერძო დაწესებულებების 30-ზე მეტი წარმომადგენელი. მისი მიზანი იყო ცნობიერების ამაღლება კანონპროექტების შემუშავების დროს კერძო-საჯარო დიალოგის საჭიროებაზე.


შეხვედრა გაიხსნა 2016 წელს IDFI-ის მიერ ჩატარებული მონიტორინგის შედეგების პრეზენტაციით. მომხსენებლებმა განიხილეს კერძო-საჯარო დიალოგის პრაქტიკა საქართველოს პარლამენტში, ყურადღება გაამახვილეს ამგვარი დიალოგის აუცილებლობაზე კანონპროექტების შემუშავების საწყის ეტაპზე და წარმოადგინეს დიალოგის გაუმჯობესების რეკომენდაციები.


დისკუსიის მეორე ნაწილი მიეძღვნა IDFI-ის მიერ გამოვლენილ საუკეთესო პრაქტიკის მაგალითებს, რომლებიც წარმოადგინეს საქართველოს ინოვაციების და ტექნოლოგიების სააგენტომ და გარემოს დაცვის სამინისტრომ:


1. საქართველოს კანონი ინოვაციების შესახებ - IDFI-ის მონიტორინგის მიხედვით, კანონპროექტი მომზადების ყველა ეტაპზე დიალოგის მაღალი დონით გამოირჩეოდა.


2. გარემოზე ზემოქმედების შეფასების კოდექსი - საბოლოო შეფასება მონიტორინგის მიმდინარე პერიოდის შემდეგ გახდება ცნობილი.

 

ღონისძიება დასრულდა კითხვა-პასუხით და მომხსენებლების მიერ წამოჭრილი თემების აქტიური განხილვით. მონაწილეებმა მადლობა გადაუხადეს IDFI-ისა და G4G-ის, ამ მნიშვნელოვანი საკითხის წინ წამოწევისთვის.


დისკუსია არის ნაწილი IDFI-ის პროექტისა „საჯარო და კერძო სექტორებს შორის დიალოგის ხარისხის კონტროლი საქართველოში“, რომლის მიზანია, შეაფასოს კერძო სექტორის მონაწილეობა მნიშვნელოვანი ეკონომიკური გავლენის მქონე კანონპროექტების შემუშავების პროცესში. პროექტის ფინანსური მხარდამჭერია USAID-ის პროგრამა „მმართველობა განვითარებისთვის საქართველოში (G4G)“.

 

ღონისძიების ფოტოები იხილეთ აქ.

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022