განხილვა კიბერსივრცეში პერსონალური მონაცემების დასაცავად საჭირო სამართლებრივი გარანტიების შესახებ

სიახლეები | ინტერნეტი და ინოვაციები 13 ოქტომბერი 2022

2022 წლის 13 ოქტომბერს, ინფორმაციის თავისუფლების განვითარების ინსტიტუტმა (IDFI) გამართა საჯარო განხილვა პერსონალური მონაცემებისა და კიბერუსაფრთხოების ექსპერტებთან, იურისტებთან, საჯარო, კერძო და სამოქალაქო საზოგადოების წარმომადგენლებთან კიბერსივრცეში პერსონალური მონაცემების დაცვის მექანიზმების გაუმჯობესების საკითხებზე.   

 

ბოლო წლებში ფარული თვალთვალის შედეგად მიღებული ინფორმაციის სხვადასხვა დროს გამოქვეყნებისა და სახელმწიფო უსაფრთხოების სამსახურისთვის კიბერუსაფრთხოების უზრუნველყოფის მიმართულებით გაზრდილი უფლებამოსილებების ფონზე, მწვავედ დადგა  კიბერსივრცეში პერსონალური მონაცემების დაცვის მყარი გარანტიების მნიშვნელობა.

 

ამის ფონზე, IDFI-მ მოამზადა კვლევა და ანალიტიკური ნაშრომი კიბერსივრცეში პერსონალური მონაცემების დაცვის უზრუნველსაყოფად საჭირო სამართლებრივი გარანტიების და მონაცემების დაცვის ჭრილში, კიბერუსაფრთხოების ახლადმიღებული ეროვნული სტრატეგიით გათვალისწინებული აქტივობების შესახებ. გამოკვეთილი საჭიროებების მიხედვით კი შემუშავდა რეკომენდაციები.

 

შეხვედრის დასაწყისში თეონა ტურაშვილმა, IDFI-ის ინტერნეტისა და ინვოაციების მიმართულების ხელმძღვანელმა წარმოადგინა აღნიშნული კვლევისა და ანალიტიკური ნაშრომის საფუძველზე გამოვლენილი საჭიროებები და რეკომენდაციები. შეხვედრის მონაწილეებს საკუთარი მოსაზრებები და გამოცდილება ასევე გაუზიარეს ორგანიზაცია მედია ომბუდსმენის დირექტორმა, ნათია კაპანაძემ და საქართველოს ინფორმაციული უსაფრთხოების ასოციაციის პრეზიდენტმა, გიორგი გურგენიძემ. 

 

რის შემდეგაც სხვა ორგანიზაციების, კერძო სექტორის, ასევე, პერსონალური მონაცემების დაცვის სამსახურის წარმომადგენლებმა და საკითხის ექსპერტებმა დასვეს ცალკეული კითხვები და დააფიქსირეს საკუთარი მოსაზრებები. დისკუსიას მოდერაციას უწევდა IDFI-ის მედიისა და გამოხატვის თავისუფლების მიმართულების ხელმძღვანელი, გიორგი დავითური. განხილვის დროს მონაწილეებმა ხაზი გაუსვეს პერსონალური მონაცემების დაცვის კანონმდებლობის გაუმჯობესების, პერსონალურ მონაცემთა დაცვისა და კიბერუსაფრთხოების სფეროების უფლებამოსილი ორგანოების საქმიანობის კოორდინაციის, ასევე, კიბერსივრცეში პერსონალური მონაცემების სამართლებრივი გარანტიების გასაძლიერებლად, ევროპული დირექტივების გათვალისწინების მნიშვნელობას. ასევე, გამოითქვა მოსაზრება, რომ ცალკეული ცვლილებების განხორციელებისას, მნიშვნელოვანია პროცესის ღიაობა და ყველა შესაბამისი დაინტერესებული მხარის ჩართულობა. ხაზი გაესვა კიბერუსაფრთხოებისა და პერსოანლური მონაცემების დაცვის საკითხებზე შესაბამისი უწყების წარმომადგენლების ცნობიერების ამაღლება. 

 

 

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022