სამუშაო შეხვედრა კიბერუსაფრთხოების შესახებ სამოქალაქო საზოგადოებისთვის: საფრთხეები და რეაგირება

სიახლეები | ინტერნეტი და ინოვაციები | სტატია 21 აპრილი 2023

2023 წლის 20 აპრილს, ინფორმაციის თავისუფლების განვითარების ინსტიტუტისა (IDFI) და ელექტრონული მმართველობის აკადემიის (eGA) ერთობლივი პროექტის (DRIVE: ციფრულად მოწყვლადი მოქალაქეების საჭიროებების კვლევა) ფარგლებში გაიმართა სამუშაო შეხვედრა - კიბერუსაფრთხოება სამოქალაქო საზოგადოებისთვის: საფრთხეები და რეაგირება.  ღონისძიებას სამოქალაქო საზოგადოების, საჯარო უწყებებისა და მედიის წარმომადგნლები (ჯამში 22 მონაწილე) ესწრებოდნენ. ონლაინ ღონისძიება ციფრული კონფიდენციალურობის, კიბერუსაფრთხოების მთავარი გამოწვევებისა და 2023 წლის ძირითადი ტენდენციების შესახებ დამსწრეთა ინფორმირებას ისახავდა მიზნად. 

 

სამუშაო შეხვედრას უძღვებოდა ელექტრონული მმართველობის აკადემიის კიბერუსაფრთხოების პროგრამის დირექტორი და ევროპის სამშვიდობო ინსტრუმენტის (EPF) კიბერ თავდაცვის პროგრამის გუნდის ხელმძღვანელი საქართველოში, მერლ მაიგრე. სამუშაო შეხვედრა დაეთმო საიმედო პაროლის შექმნის, პროგრამებისა და მოწყობილობების უსაფრთხო გამოყენების, ასევე სოციალურ ქსელში ინფორმაციის განთავსების რისკების შესახებ პრაქტიკული ცოდნის გაზიარებას. გარდა ამისა, ქალბატონმა მაიგრემ შეხვედრის დროს კიბერუსაფრთხოების გეგმის არსებობის მნიშვნელობასა და პოტენციურ საფრთხეებს გაუსვა ხაზი.

 

სამუშაო შეხვედაზე მოხსენებებით წარდგნენ კიბერუსაფრთხოების ეროვნული ასოციაციის წარმომადგენელი, ეკა გორდაძე, რომელმაც საქართველოს წინაშე არსებულ მთავარ კიბერ გამოწვევებს გაუსვა ხაზი; ასევე, არასამთავრობო ორგანიზაციის „მშობლები განათლებისთვის“ პროექტის მენეჯერი, ნუცა გოგუაძე, რომელმაც გამარჯვებული პროექტის - მშობლების ციფრული განათლება - შესახებ ისაუბრა. პროექტი მშობლების ციფრული უნარების გაუმჯობესებას ისახავს მიზნად და ითვალისწინებს თბილისში, ბოლნისსა და გორში, როგორც ონლაინ, ისე პირისპირ შეხვედრებისა და ტრენინგების ჩატარებას.

 

გარდა ამისა, სამუშაო შეხვედრის დამსწრეებმა საქართველოში ელექტრონული არჩევნების ჩატარების შესაძლებლობაზე ისაუბრეს და სისტემის მხარდაჭერისთვის აუცილებელი სამართლებრივი და ტექნიკური საფუძვლებიც მიმოიხილეს. ღონისძიების დასკვნითი ნაწილი დაეთმო ორგანიზაციის რისკების მართვის პროცედურებს, ბიზნეს პროცესების უწყვეტობის გეგმასა და მონაცემთა კატეგორიზაციას.

 

საერთო ჯამში, სამუშაო შეხვედრა იყო პრაქტიკული და ინტერაქციული - მონაწილეებმა ღირებული ინფორმაცია მიიღეს როგორც ინდივიდუალურ, ისე ორგანიზაციულ დონეზე პოტენციური კიბერშეტევების მაქსიმალურად თავიდან არიდების შესახებ.

სხვა მასალები ამ თემაზე
სიახლეები

ეროვნული გმირის წოდება 1923 წელს დახვრეტილი "სამხედრო ცენტრის" წევრებისთვის

01.06.2023

რუსული კაპიტალი და რუსული კავშირები ქართულ ბიზნესში

31.05.2023

საერთო სასამართლოების ძირითადი სტატისტიკური მონაცემების ანალიზი (2010-2022)

30.05.2023

დაინგრევა თუ არა საქართველოს ეკონომიკა თუ რუსეთს ორმხრივ ეკონომიკურ სანქციებს დავუწესებთ?

30.05.2023
განცხადებები

ვეხმიანებით ილიას უნივერსიტეტის დისკრედიტაციისკენ მიმართულ საინფორმაციო კამპანიას

05.06.2023

სამოქალაქო საზოგადოება საქართველოს პრემიერ-მინისტრის განცხადებას ეხმიანება

31.05.2023

შსს-მ და სუს-მა ლავროვის ოჯახის წევრების ვიზიტთან დაკავშირებით ოფიციალური განმარტება უნდა გააკეთოს

21.05.2023

კოალიცია იუსტიციის უმაღლესი საბჭოს არამოსამართლე წევრების არჩევას ეხმაურება

18.05.2023
ბლოგპოსტები

დაინგრევა თუ არა საქართველოს ეკონომიკა თუ რუსეთს ორმხრივ ეკონომიკურ სანქციებს დავუწესებთ?

30.05.2023

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022