თანამდებობის პირთა მიერ დეკლარირებული შემოსავლების ახალი ელექტრონული მოდულისა და საქართველოს ღია მონაცემთა პლატფორმა – www.DataLab.ge-ის პრეზენტაცია გამართა

სიახლეები | ეკონომიკა და სოციალური პოლიტიკა | პუბლიკაციები | სტატია 28 სექტემბერი 2018

საქართველოში საჯარო ინფორმაციის ხელმისაწვდომობა, განსაკუთრებით კი ღია და დამუშავებად ფორმატში განთავსება, ჯერ კიდევ გამოწვევად რჩება. ამის საფუძველი, გარკვეულწილად, შესაბამისი საკანონმდებლო ბაზისა და სტანდარტების არარსებობაა.

 

28 სექტემბერს, ინფორმაციის თავისუფლების განვითარების ინსტიტუტმა (IDFI) მაღალი თანამდებობის პირთა მიერ დეკლარირებული შემოსავლების ელექტრონული მოდულისა და ღია მონაცემების პლატფორმა – www.DataLab.ge-ის პრეზენტაცია გამართა. ღონისძიებაზე ასევე წარმოდგენილი იქნა თანამდებობის პირთა ანაზღაურების შესახებ კვლევის შედეგები.

 

შეხვედრა ინფორმაციის თავისუფლების საერთაშორისო დღის ფარგლებში ჩატარდა და მას მედიის წარმომადგენლები ესწრებოდნენ. 

 

შეხვედრა IDFI-ის პროგრამების დირექტორმა ლევან ავალიშვილმა გახსნა. მან ისაუბრა იმ მიღწევებსა და გამოწვევებზე რაც საქართველოში საჯარო ინფორმაციის ხელმისაწვდომობის კუთხით არსებობს.

 

„აუცილებელია, რომ საქართველოს მთავრობამ და იუსტიციის სამინისტრომ დააჩქარონ პარლამენტში ინფორმაციის თავისუფლების შესახებ ახალი კანონპროექტის წარდგენა, სადაც, ვფიქრობ, ასევე გათვალისწინებული უნდა იყოს ღია მონაცემთა გამოქვეყნებისა და ხელმისაწვდომობის საკითხები,“ – განაცხადა ლევან ავალიშვილმა.

 

ლევან ავალიშვილმა დამსწრე საზოგადოებას ასევე გააცნო 2010-2017 წლებში მაღალი თანამდებობის პირების მიერ დეკლარირებული შემოსავლების ახალი ელექტრონული მოდული და ისაუბრა მათი შრომის ანაზღაურების შესახებ ინფორმაციის ხელმისაწვდომობის არსებულ პრაქტიკაზე, რაც IDFI-ის მიერ ჩატარებული კვლევის შედეგად გამოიკვეთა.

 

“წლების განმავლობაში საქართველოს საჯარო დაწესებულებებში შრომის ანაზღაურების მოუწესრიგებელმა სისტემამ განაპირობა არასამართლიანი და გაუმჭვირვალე სახელფასო პოლიტიკის ჩამოყალიბება. სახელფასო პოლიტიკის ნაკლოვანებები კარგად ჩანს IDFI-ის მიერ შექმნილ ელექტრონულ მოდულში, სადაც ასახულია დაახლოებით 700-მდე მაღალი თანამდებობის პირის მიერ კონკრეტულ წელს მიღებული შრომის ანაზღაურების შესახებ ინფორმაცია.“ - აღნიშნა ავალიშვილმა.

 

„პრემიებსა და სახელფასო დანამატებზე ახალი კანონით დაწესებული შეზღუდვების მიუხედავად, სამომავლოდ, თანამდებობის პირების შრომის ანაზღაურების ოდენობაში მნიშვნელოვან ცვლილებებს არ უნდა ველოდოთ. კერძოდ, თანამდებობის პირთა უმრავლეს შემთხვევაში, შრომის ანაზღაურების ახალი კანონის მიღების შემდეგ, ყოველთვიურ სარგოდ განესაზღვრათ დაახლოებით იგივე ოდენობის თანხა, რასაც ისინი კანონის მიღებამდე ყოველთვიურად საშუალოდ იღებდნენ, სარგოს პრემიის და დანამატის სახით.“ - დასძინა ავალიშვილმა. 

 

IDFI-ის ელექტრონული მიმართულების ხელმძღვანელმა თეონა ტურაშვილმა დამსწრე საზოგადოებას გააცნო ღია მონაცემების პლატფორმა – www.DataLab.ge და მისი ტექნიკური შესაძლებლობები. მან ასევე ისაუბრა იმ საინტერესო მონაცემებზე, რომლებიც ხელმისაწვდომია პლატფორმაზე ნებისმიერი დაინტერესებული პირისთვის.


www.DataLab.ge-ზე მოცემულია 800-ზე მეტი საჯარო ინფორმაციის მონაცემთა ბაზა, 165 ცენტრალური და ადგილობრივი სახელმწიფო დაწესებულებიდან. მონაცემები ეხება საზოგადოებისთვის მნიშვნელოვან ისეთ საკითხებს, როგორებიცაა: საჯარო ადმინისტრირება, ფინანსები, ტრანსპორტი, საზოგადოება, ეკონომიკა, ადგილობრივი თვითმმართველობა, დანაშაულის სტატისტიკა, სოციალური საკითხები, ჯანდაცვა, განათლება და გარემო,“ – განმარტა თეონა ტურაშვილმა.


www.DataLab.ge-ის მეშვეობით, ნებისმიერ დაინტერესებულ ადამიანს შეუძლია გაეცნოს საჯარო ინფორმაციას, ონლაინ რეჟიმში ააგოს მონაცემთა ვიზუალიზაციები (გრაფიკული გამოსახულება), გადმოწეროს და გამოიყენოს მისთვის სასურველი ინფორმაცია.

სხვა მასალები ამ თემაზე
სიახლეები

საქართველო და კორუფცია - კორუფციის წინააღმდეგ გაეროს კონვენციის მონაწილე სახელმწიფოთა კონფერენციაზე საქართველომ ვერაფერი წარადგინა

27.01.2022

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022

საქართველოში გარდაცვლილთა სტატისტიკა

26.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022