უსაფრთხო ინტერნეტის დღე

სიახლეები | ინტერნეტი და ინოვაციები | სტატია 8 თებერვალი 2022

უკვე მე-19 წელია რაც ციფრული უსაფრთხოების კალენდარში 8 თებერვალი მონიშნულია, როგორც „უსაფრთხო ინტერნეტის დღე“ (Safer Internet Day - SID).

 

„ერთად უკეთესი ინტერნეტისთვის“ - ინიციატივას გლობალური მასშტაბით უერთდებიან როგორც სახელმწიფო დაწესებულებები, ისე არასამთავრობო ორგანიზაციები და სხვა დაინტერესებული მხარეები. უსაფრთხო ინტერნეტის დღის აღნიშვნის ფარგლებში ინიციატორები კიდევ ერთხელ ხაზს უსვამენ გასატარებელი ღონისძიებების მნიშვნელობას, რათა ინტერნეტი გახდეს უფრო უსაფრთხოდა დაცული სივრცე ყველასთვის, განსაკუთრებით კი ბავშვებისა და ახალგაზრდებისთვის. მართლაც, ამ დღის აღსანიშნავად, ყოველწლიურად, მსოფლიოს მასშტაბით 8 თებერვალს ხორციელდება ცნობიერების ამაღლების მასშტაბური კამპანიები ისეთ საკითხებზე, როგორებიცაა: კიბერბულინგი და ვირტუალური შევიწროება, სოციალური ქსელების გამოყენება, ციფრული იდენტობა და ა.შ.

 

ინფორმაციის თავისუფლების განვითარების ინსტიტუტი (IDFI) აღნიშნულ ინიციატივას ყოველწლიურად უერთდება. წელსაც, IDFI-ის ინტერნეტისა და ინოვაციების მიმართულების ხელმძღვანელი, თეონა ტურაშვილი, ინტერნეტსაზოგადოების (ISOC Georgia) მიერ ორგანიზებულ ონლაინ კონფერენციაში მიიღებს მონაწილეობას, რომელიც ბავშვებისა და ახალგაზრდებისთვის უსაფრთხო ინტერნეტ გარემოს განვითარებას ეძღვნება. პანელურ განხილვაზე თეონა ტურაშვილი ციფრული წიგნიერების გაზრდის მიზნით გასატარებელ ღონისძიებებზე ისაუბრებს.

 

ინტერნეტის თავისუფლება, ციფრული წიგნიერების გაზრდა და ინტერნეტზე ხელმისაწვდომობის გაზრდა IDFI-ის საქმიანობის ერთ-ერთი მნიშვნელოვანი პრიორიტეტია. სწორედ IDFI-ის ადვოკატირებისა და რეკომენდაციების შედეგად, ინტერნეტის ხელმისაწვდომობა და შეუზღუდავი გამოყენება აღიარებულ იქნა საქართველოს მოქალაქეების ფუნდამენტურ უფლებად. IDFI დღემდე აქტიურად განაგრძობს ინტერნეტზე ხელმისაწვდომობის მონიტორინგს, შეიმუშავებს ინტერნეტის უსაფრთხოდ მოხმარების სახელმძღვანელოებს/გზამკვლევებს (მაგალითისთვის, 2017 წელს შემუშავებულ იქნა ინტერნეტ უსაფრთხოების 10 წესი,  2018 წელს კი ინტერნეტ უსაფრთხოების გზამკვლევი), მართავს სამუშაო შეხვედრებს შესაბამის დაწესებულებებთან, ასევე, დაინტერესებულ მხარეებს აწვდის  რეკომენდაციებსციფრული უფლებების საკანონმდებლო გარანტიების გასაუმჯობესებლად.

 

გარდა ზემოჩამოთვლილისა, ბავშვების, მოზარდებისა და ახალგაზრდა თაობის მხრიდან ციფრულ ტექნოლოგიებზე უსაფრთხო წვდომის ხელშეწყობისკენ მიმართულ აქტივობებს IDFI მრავალი წელია ახორციელებს. ციფრული წიგნიერების ამაღლების მიზნით, ორგანიზაციამ შეიმუშავა სხვადასხვა საინფორმაციო მასალა და ჩაატარა ცნობიერების ამაღლების კამპანიები. ასევე, მოამზადა ინტერაქტიული გზამკვლევი და ვიზუალიზაციები, სადაც მოცემულია მშობლებზე სპეციალურად გათვლილი პრაქტიკული და სასარგებლო ინფორმაცია.

 

ინტერნეტის უსაფრთხოდ და დაცულად მოხმარებას კიდევ უფრო სასიცოცხლო მნიშვნელობა პანდემიამ შესძინა. სკოლების დახურვით გამოწვეული დისტანციური სწავლების რეჟიმზე გადასვლამ, ახალი გამოწვევების წინაშე, სხვა უამრავი ქვეყნის გვერდით საქართველოც დააყენა. სწორედ ამ კონტექსტში, IDFI­მ სხვადასხვა წყაროსა და მონაცემებზე დაყრდნობით, გაანალიზა ინტერნეტის ხელმისაწვდომობისა და გამოყენების ტენდენციები, ხელისუფლების მიერ ინიცირებული საყოველთაო ინტერნეტიზაციის პროექტის სტატუსი, ასევე, მოსწავლეებში ინტერნეტის ხელმისაწვდომობის ტენდენციები.

 

პანდემიის ფონზე კიდევ უფრო ნათლად გამოიკვეთა მშობლების ციფრული წიგნიერების გაზრდის აუცილებლობაც. მშობლების ცნობიერების ასამაღლებლად, IDFI-მ, არასამთავრობო ორგანიზაციასთან ­ მშობლები განათლებისთვის ­ თანამშრომლობით მოამზადა პრაქტიკული და ინფორმაციული ვიდეო ინსტრუქციები შემდეგ თემებზე:

 

ბავშვები და ონლაინ ვიდეო თამაშები

ბავშვები სოციალურ ქსელში

კიბერჰიგიენის 6 წესი

როგორ შევამციროთ ციფრული რისკები.

 

ინფორმაციის თავისუფლების განვითარების ინსტიტუტი (IDFI) ჯანსაღი ინტერნეტ გარემოს შექმნისა და ციფრული წიგნიერების კუთხით ცნობიერების ასამაღლებელი აქტივობების განხორციელებას სამომავლოდაც აქტიურად გააგრძელებს.

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022