ფარული მიყურადება საქართველოში: 2015-2016

სიახლეები | ინტერნეტი და ინოვაციები | პუბლიკაციები | ანგარიში 7 აპრილი 2016

ანგარიშში განხილულია 2015 წლის ივნისიდან 2016 წლის მარტამდე საქართველოში ფარული მიყურადების რეგულირებასთან დაკავშირებული ძირითადი მოვლენები. ესენია: ბოლო დროს გავრცელებული ჩანაწერები, კამპანია „ეს შენ გეხება“-ს აღორძინება 2016 წლის მარტში, ორგასაღებიანი სისტემის პირველი შედეგები და ამ პროცესში პერსონალურ მონაცემთა დაცვის ინსპექტორის როლი, ასევე, ფარულ მიყურადებასთან დაკავშირებული სტატისტიკური ინფორმაციის პროაქტიულად გამოქვეყნება.

 

მას შემდეგ, რაც 2012 წლის საპარლამენტო არჩევნებამდე ათასობით უკანონო ჩანაწერი გამოვლინდა, ფარული მიყურადების საკითხის დარეგულირება პოლიტიკური დღის წესრიგის მნიშვნელოვანი ნაწილი გახდა.


ამ პროცესში მთავარი აზრთა სხვადასხვაობა გამოიწვია სამართალდამცავი ორგანოების სატელეკომუნიკაციო მონაცემებთან პირდაპირი წვდომის შეზღუდვის საკითხმა. ერთის მხრივ, საქართველოს შინაგან საქმეთა სამინისტრო, პრემიერ-მინისტრი ღარიბაშვილი და პარლამენტის წევრთა ნაწილი მკაცრად ეწინააღმდეგებოდა ამგვარი წვდომის შეზღუდვას. მეორეს მხრივ, საქართველოს პრეზიდენტი, კამპანია „ეს შენ გეხება“-ს მონაწილე არასამთავრობო ორგანიზაციები და პარლამენტის წევრთა ნაწილი ითხოვდა პირდაპირი წვდომის შეზღუდვას.

 

მრავალი დისკუსიის, საბოლოო ვადების გადაწევის, ოთხი სხვადასხვა კანონპროექტისა და ორი საპრეზიდენტო ვეტოს შემდეგ პარლამენტმა მთავრობის მიერ მხარდაჭერილი კანონპროექტი მიიღო. ახალი კანონის მიხედვით, შინაგან საქმეთა სამინისტრომ შეინარჩუნა პირდაპირი წვდომა სატელეკომუნიკაციო ოპერატორების სერვერებზე, თუმცა მიყურადების განსახორციელებლად იგი ვალდებული გახდა სასამართლო ნებართვის მიღების შემდეგ ასევე მოეპოვებინა პერსონალურ მონაცემთა დაცვის ინსპექტორის ნებართვა.


კამპანია „ეს შენ გეხება“-მ მთავრობის მიერ მხარდაჭერილი კანონპროექტის მიღების შემდეგაც განაგრძო პირდაპირი წვდომის შეზღუდვის ადვოკატირება და, ამ მიზნით, საქართველოს პარლამენტის წინააღმდეგ საკონსტიტუციო სასამართლოში სარჩელი შეიტანა.


2015 წლის 31 მარტიდან ამოქმედდა ეგრეთ წოდებული „ორგასაღებიანი“ სისტემა, რომლის მიხედვითაც, პერსონალურ მონაცემთა ინსპექტორს დაეკისრა ვალდებულება შეამოწმოს სასამართლოს (ან, გადაუდებელ შემთხვევებში, პროკურატურის) მიერ მიყურადებაზე გაცემული ნებართვის კანონიერი აღსრულება.


2016 წლის 14 მარტს, პირადი ცხოვრების ამსახველი რამდენიმე ფარული ჩანაწერის გავრცელებისა და საზოგადოებრივი პროტესტის შემდეგ, კვლავ გახდა საჭირო კამპანია „ეს შენ გეხება“-ს აღდგენა. ასევე განახლდა დისკუსია პარლამენტს, სამართალდამცავ ორგანოებსა და პერსონალური ინფორმაციის დაცვის ინსპექტორს შორის პირადი ცხოვრების უფლების დარღვევის შემთხვევაში სასჯელის გამკაცრების შესახებ.


მისასალმებელია ის ფაქტი, რომ უზენაესი სასამართლო 2014 წლის სექტემბრიდან მოყოლებული პროაქტიულად აქვეყნებს მიყურადებასთან დაკავშირებულ სტატისტიკურ ინფორმაციას. ეს ვალდებულება წარმოადგენდა IDFI-ისა და სხვა არასამთავრობო ორგანიზაციების მიერ ღია მმართველობის პარტნიორობის (OGP) სამოქმედო გეგმის ფარგლებში შემუშავებულ რეკომენდაციას. ღია მმართველობის პარტნიორობამ (OGP) საქართველოს უზენაესი სასამართლოს მიერ ამ ვალდებულების აღება მსოფლიოს მასშტაბით ერთ-ერთ ყველაზე წარმატებულ და უნიკალურ შემთხვევად აღიარა.

 

 

/public/upload/Meri/Surveillance-Report-06-04-2016-t.i.pdf

 

სხვა მასალები ამ თემაზე
სიახლეები

გამოფენა „საბჭოთა კავშირში რეპრესირებული ქალები“ დედაენის ბაღში

23.07.2021

საბჭოთა რეპრესიები ქართველი სტუდენტების მეხსიერებაში

22.07.2021

საინფორმაციო შეხვედრა ქობულეთის მუნიციპალიტეტში

21.07.2021

საჯარო მმართველობის რეფორმის სამოქმედო გეგმის შესრულების 2019 – 2020 წლების ალტერნატიული მონიტორინგის შემაჯამებელი ანგარიშები

20.07.2021
განცხადებები

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021

მწუხარებას გამოვთქვამთ “TV პირველის“ ოპერატორის, ალექსანდრე ლაშქარავას გარდაცვალების გამო

11.07.2021

5 ივლისის ძალადობის უმძიმესი შედეგების გამო საქართველოს პრემიერ მინისტრმა თანამდებობა დაუყოვნებლივ უნდა დატოვოს

11.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021