ლიგამუსში პარლამენტის ღიაობის საკითხებზე საჯარო დისკუსია გაიმართა

სიახლეები | პუბლიკაციები | ღია მმართველობა | სტატია 4 დეკემბერი 2015

3 დეკემბერს „ინფორმაციის თავისუფლების განვითარების ინსტიტუტისა“ (IDFI) ილიას უნივერსიტეტის სამართლის სკოლის ორგანიზებით ილიას უნივერსიტეტის წიგნის სახლში - ,,ლიგამუსი" - საჯარო დისკუსია გაიმართა პარლამენტის ღიაობის საკითხებზე. დისკუსიის მომხსენებლები იყვნენ დეპუტატი და საქართველოს პარლამენტის ინტერ-ფრაქციული ჯგუფის ხელმძღვანელი - თამარ კორძაია და ინტერ-ფრაქციული ჯგუფის წევრი - ხათუნა გოგორიშვილი. შეხვედრას ასევე ესწრებოდნენ ინფორმაციის თავისუფლების განვითარების ინსტიტუტის (IDFI) წარმომადგენლები: დავით მაისურაძე და თამარ ნადიბაიძე.


დავით მაისურაძემ დამსწრეებს გააცნო ღია მმართველობის პარტნიორობის ისტორია და არსი. ღია მმართველობის პარტნიორობა (OGP) მრავალმხრივ ინიციატივას წარმოადგენს და მიზნად ისახავს სახელმწიფოს მხრიდან კონკრეტული ვალდებულებების შესრულებას ღია მმართველობის, გამჭვირვალობის, მოქალაქეების ჩართულობის განვითარების, კორუფციასთან ბრძოლის, ინოვაციებისა და ახალი ტექნოლოგიების დანერგვის თვალსაზრისით.


საქართველო OGP-ის წევრი 2011 წელს გახდა და ქვეყნის მიერ მიღწეული წარმატების გამო ღია მმართველობის კუთხით, 2014 წლის დეკემბერში საქართველო ღია მმართველობის პარტნიორობის მმართველი კომიტეტის წევრად აირჩიეს ორი წლით.


2014 წლიდან კი, IDFI ახორციელებს პროექტს ,,ღია მმართველობის ინიციატივაში" საქართველოს პარლამენტის ჩართულობის მხარდაჭერას," რომელიც დაფინანსებულია და ხორციელდება გაეროს განვითარების პროგრამისა (UNDP) და ევროკავშირის (EU) მხარდაჭერით. პროექტის მიზანია საპარლამენტო ღიაობის, გამჭვირვალობის უზრუნველყოფა და საკანონმდებლო პროცესებში მოქალაქეთა ჩართულობის ხელშეწყობა. საჯარო დისკუსია ილიას სახელმწიფო უნივერსიტეტში სწორედ ზემოთ აღნიშნული პროექტის ფარგლებში გაიმართა.

 

თამარ კორძაია სტუდენტებს ღია მმართველობის პარტნიორობის (OGP) მნიშვნელობაზე ესაუბრა. მან აღნიშნა, რომ OGP საშუალებას იძლევა მოქალაქეებმა უფრო მარტივად მიიღონ ხელისუფლებისგან ინფორმაცია და პასუხები მათთვის საინტერესო საკითხებზე. მისი თქმით მრავალ ადამიანს აქვს განცდა რომ არჩევნების შემდეგ დეპუტატებს ვეღარ აწვდიან ხმას, ამის აღმოსაფხვრელად კი, ღია მმართველობის პარტნიორობა კარგ შესაძლებლობას იძლევა, რადგან იგი უზრუნველყოს ტექნოლოგიებსა და ინოვაციებზე დაფუძნებულ განვითარებას. მან აღნიშნა, რომ პირდაპირი კომუნიკაცია საუკეთესოა მოსახლეობასა და პოლიტიკოსებს შორის, თუმცა ეს ყოველთვის არ არის შესაძლებელი, ხოლო თანამედროვე ტექნოლოგიების გამოყენება კომუნიკაციას უფრო მარტივს ხდის. დეპუტატმა სტუდენტებს აცნობა, რომ მათ შეუძლიათ კომიტეტის სხდომებზე დასწრება და საკუთარი აზრის გამოთქმა, ინიციატივების წარდგენა, რომელიც შემდეგ შესაძლოა კანონპროექტად იქცეს.



ასევე მნიშვნელოვანი საკითხი, რაზეც თამარ კორძაიამ ისაუბრა პარლამენტის წევრებისთვის ქცევის წესების ,,ეთიკის კოდექსის" შემოღებაა, მიუხედავად იმისა, რომ ეს პარლამენტარებისთვის მგრძნობიარე საკითხია, თუმცა თავად თამარ კორძაიას ეთიკის კოდექსის მიღება და განხორციელება მოქალაქეებისგან მეტი ნდობის დამსახურების ერთ-ერთ საშუალებად ესახება.

 

დეპუტატმა ყურადღება გაამახვილა ღია და გამჭვირვალე მმართველობის მუდმივმოქმედი საპარლამენტო საბჭოს შექმნის მნიშვნელობაზე, რადგან ეს საბჭო იქნება პარლამენტის გამჭვირვალობისა და ღიაობის მუდმივი მაკონტროლებელი ორგანო. გამჭვირვალობას კი, დეპუტატის თქმით არც ერთ სახელმწიფოში ალტერნატივა არ აქვს და ეს მშვიდობის ერთ-ერთი გარანტიაა.


ხათუნა გოგორიშვილმა ხაზი გაუსვა თითოეული ადამიანის ჩართულობის მნიშვნელობას ღია მმართველობაში, რადგან მისი თქმით, ნებისმიერი პოლიტიკოსი თავის ქმედებებს აუცილებლად უსადაგებს ამომრჩევლის მოთხოვნებს, შესაბამისად მნიშვნელოვანია, რომ დაკვეთა მოდიოდეს სამოქალაქო საზოგადოებისაგან. მისი განცხადებით, სამოქალაქო აქტივიზმს ალტერნატივა არ აქვს და ეს არის ერთადერთი საშუალება, რომ საზოგადოებამ ნებისმიერი ხელისუფლება აიძულოს მაქსიმალურად ღია და გამჭვირვალე იყოს.


ხათუნა გოგორიშვილმა განიხილა 2015-2016 წლის საქართველოს ღია პარლამენტის სამოქმედო გეგმის 18 ვალდებულების მნიშვნელობა, რამდენადაც სამოქმედო გეგმა პრობლემურ საკითხებს აგვარებს და მნიშვნელოვანია პოლიტიკური ნების არსებობა მის შესამუშავებლად.


დეპუტატმა ასევე ისაუბრა პრობლემურ საკითხებზე: კანონპროექტების დაჩქარებული წესით მიღებაზე, რაც შეუძლებელს ხდის საკანონმდებლო აქტივობაში სამოქალაქო ჩართულობის უზრუნველყოფას. ასევე, ქ-ნი ხათუნას განცხადებით, არსებობს საჯარო ინსტიტუტები, საიდანაც ინფორმაციის მიღება ფაქტობრივად შეუძლებელია. დეპუტატმა აღნიშნა, რომ ინსტიტუტები განსაკუთრებით აგრესიულები ხდებიან თუ საჯარო ინფორმაციაზე მოთხოვნა პრემიებსა და დანამატებს ეხება. მან ისაუბრა სტატისტიკის უზუსტობაზე და აღნიშნა, რომ ხშირად უბრუნდება პასუხები სამთავრობო ინსტიტუტებიდან, თუმცა რამდენად შეესაბამება ისინი მის მიერ დასმული კითხვის შინაარსს, ეს სხვა საკითხია. მისი თქმით, ხშირად იღებს პასუხს, რომ მისი კითხვის საგანი ვრცელ კვლევას მოითხოვს და პასუხს მოგვიანებით მიაწვდიან, მაგრამ შემდგომში აღარავინ უკავშირდება. ამგვარი ფაქტები, ცხადია ართულებს პარლამენტის მიერ მთავრობაზე კონტროლის განხორციელებას და ამ მიმართულებით ეფექტიან მუშაობას.


მოხსენების დასრულების შემდეგ, დამსწრეებმა სპიკერებს კითხვები დაუსვეს ისეთ საკითხებზე, როგორიც არის, სამოქალაქო საზოგადოების ურთიერთობის ეფექტურობა საქართველოს პარლამენტის ინტერ-ფრაქციულ ჯგუფთან, რამდენად აქვს საქართველოს შანსი გახდეს ღია მმართველობის პარტნიორობის თანა-თავმჯდომარე, და რამდენად ქმედითუნარიანად მუშაობს პარლამენტი, არის თუ არა პრობლემა ადგილობრივი თვით-მმართველობებიდან საჯარო ინფორმაციის მიღება და სხვა.


„ინფორმაციის თავისუფლების განვითარების ინსტიტუტი“ (IDFI) მომავალშიც აპირებს საზოგადოების ცნობიერების ამაღლების მიზნით გამართოს საჯარო დისკუსიები საპარლამენტო ღიაობის საკითხებზე.

სხვა მასალები ამ თემაზე
სიახლეები

კორუფციასთან ბრძოლის სასერტიფიკატო პროგრამა დაიწყო

20.10.2021

საქართველო კანონის უზენაესობის 2021 წლის ინდექსში

20.10.2021

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

ბათუმის გიმნაზია-პანსიონში საგანმანათლებლო კვირეული ჩატარდა

19.10.2021
განცხადებები

IDFI საარჩევნო კოდექსსა და „მაუწყებლობის შესახებ“ საქართველოს კანონში შესატან ცვლილებებს ეხმიანება

18.10.2021

კოალიცია მედიის ადვოკატირებისთვის სახელმწიფო ინსპექტორს მოსმენების ტექნიკური ინფრასტრუქტურის შემოწმებისკენ მოუწოდებს

27.09.2021

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021