კომუნიკაციების ეროვნული კომისიის მიერ ორგანიზაციისთვის მიწოდებული მონაცემებიდან ჩანს, რომ სადენიანი ინტერნეტის აბონენტების რაოდენობით თბილისის შემდგომ (273 396) მეორე ადგილზე არის იმერეთის რეგიონი – 42 198 აბონენტით. რეგიონებიდან სადენიანი ინტერნეტი ყველაზე ნაკლებად ხელმისაწვდომია რაჭა-ლეჩხუმსა და ქვემო სვანეთში, გურიასა და მცხეთა მთიანეთში – საერთო ჯამში, 2013 წლის ოქტომბრისთვის, ამ სამ რეგიონში სულ 4 928 სადენიანი ინტერნეტ აბონენტია დაფიქსირებული. IDFI-ის განცხადებით, ეს მონაცემები ადასტურებს, რომ ქვეყანაში სადენიანი ინტერნეტის არათანაბარი ხელმისაწვდომობის პრობლემაა.
ორგანიზაციის განცხადებით, ბოლო წლებში სადენიანი ინტერნეტის ხელმისაწვდომობის მაჩვენებელის ზრდის ტემპის ნაკლებოდა შესაძლებელია ერთი მხრივ, ბაზრის მოთხოვნებით იყოს განპირობებული და მეორე მხრივ, მიანიშნებდეს იმაზე, რომ სახელმწიფო არ ზრუნავს ამ მიმართულების მდგრად განვითარებაზე;
სადენიანი ინტერნეტის შემთხვევაში ბაზრის ლიდერია კომპანია “სილქნეტი” – 212 ათასზე მეტი აბონენტი. მას მოჰყვება კავკასუს ონლაინი 139 936-იანი აბონენტით. სხვა დანარჩენი 24 კომპანია მხოლოდ 82 392 აბონენტს აწვდის სადენიან ინტერნეტს.
GNCC-ის მონაცემებით, სადენიანი ინტერნეტის შემთხვევაში, ოპტიკურ ბოჭკოვანი ტექნოლოგიის მომხმარებელთა ოდენობა (51% – 221 170) მცირედით აღემატება DSL ტექნოლოგიის აბონენტებს (49% – 212 968).
2013 წლის ოქტომბრის მონაცემები ცხადყოფს, რომ დედაქალაქში, სადაც სადენიანი ინტერნეტის აბონენტების რაოდენობა ყველაზე მაღალია, უსადენო ინტერნეტ მომხმარებელთა მოცულობით მეექვსე ადგილზეა სხვა რეგიონებთან შედარებით. უსადენო ინტერნეტი ყველაზე კარგად ქვემო ქართლსა და იმერეთშია განვითარებული. ზოგადად, ქვეყნის მასშტაბით, ეს ტექნოლოგია 87 882 აბონენტისთვის არის ხელმისაწვდომი.
IDFI საქართველოს რეგიონებში ინტერნეტ მოხმარების უკეთესი დონის მისაღწევად, ერთ-ერთი გზად მობილური ინტერნეტის განვითარებას მიიჩნევს. 2013 წლის ოქტომბრისთვის მობილური ინტერნეტ აბონენტების რაოდენობა 1 209 414-ს უტოლდებაროგორც სადენიანი ინტერნეტის, ისე მობილური ინტერნეტის ბაზარზე ორი კომპანიის დომინანტობა შეინიშნება. 51%-ს (619 718) მომსახურებით უზრუნველყოფს ჯეოსელი, მაგთიკომი კი აბონენტების 30%-ს (361 516) აწვდის ინტერნეტ მომსახურებას.
ორგანიზაცია მიიჩნევს, რომ ინტერნეტის გავრცელება ყველაზე დიდი გამოწვევაა საქართველოს რეგიონებისთვის. მართალია ბოლო პერიოდში უსადენო ინტერნეტი სწორედ ამგვარ ტერიტორიებზე ვითარდება, თუმცა საჭიროა ამ კუთხით ქმედითი ნაბიჯების გადადგმა პირველ რიგში სახელმწიფოს მხრიდან შემუშავებული ხელშეწყობის პროგრამის შემუშავების კუთხით, აგრეთვე ინტერნეტ ბაზართან დაკავშირებული ნებისმიერი აქტორის მხრიდან ამ პროცესში კოორდინირებული მუშაობა.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024
სიახლეების გამოწერა
