ელ-ჩართულობა ახალციხის მუნიციპალიტეტის Facebook გვერდზე

სიახლეები | მედია, ინტერნეტი და ინოვაციები | პუბლიკაციები | სტატია 20 თებერვალი 2013

ავტორი: თეონა ტურაშვილი


საქართველოში ინტერნეტ მომხმარებელთა რიცხვი ყოველწლიურად იზრდება. ამის პარალელურად, საჯარო სივრცეში თანდათან მკვიდრდება მოქალაქეებისთვის  ელექტრონულად სხვადასხვა სერვისების მიწოდების პრაქტიკაც. თუმცა, რეგიონებში ახალ ტექნოლოგიებზე ხელმისაწვდომობა დაბალია და ადგილობრივი მოსახლეობის მხოლოდ მცირე ნაწილი სარგებლობს ინტერნეტით. ამ უარყოფითი ტენდენციის მიუხედავად, ადგილობრივი ხელისუფლების წარმომადგენლებს – რამდენიმე მუნიციპალიტეტის საკრებულოსა და გამგეობას – შექმნილი აქვთ ოფიციალური ვებ-გვერდი და გახსნილია მათი გვერდი სოციალურ ქსელ Facebook-ში. ეს მიანიშნებს მათ მზაობაზე ინოვაციური სერვისების დახმარებით პირდაპირი კავშირი დაამყარონ მოქალაქეებთან. აღსანიშნავია ახალციხის მუნიციპალიტეტის მაგალითი.

ონლაინ-კონფერენცია

ახალციხის ადგილობრივი თვითმმართველობის Facebook გვერდზე 2012 წლის ნოემბრიდან სისტემატურად იმართება ონლაინ კონფერენციები, რომელშიც თანამდებობის პირები იღებენ მონაწილეობას. კერძოდ, მუნიციპალიტეტის გამგეობის ხელმძღვანელები, წევრები და რეგიონში ცალკეულ საკითხებზე პასუხისმგებელი პირები ონლაინ რეჟიმში პასუხობენ მოქალაქეების მიერ დასმულ შეკითხვებს. კონსულტაციები დათქმულ დროს იმართება და სოციალური ქსელების აქტიური მომხმარებლები წინასწარ არიან ინფორმირებულნი სტუმრის ვინაობის შესახებ.

საგულისხმოა შემდეგი ფაქტიც: Facebook გვერდზე განთავსებული გამოკითხვის მეშვეობით, მოქალაქეები თავად ირჩევენ შემდეგ რესპოდენტს გამგეობიდან ონლაინ კონფერენციისთვის. შედეგად, მათ შესაძლებლობა აქვთ ადგილობრივი პრობლემებისა და საჭიროებების მიხედვით განსაზღვრონ რომელ თანამდებობის პირს დაუსვან კითხვები და იმსჯელონ საკუთარი პრობლემების შესახებ.

გამოკითხვა მომდევნო სტრუმრის ვინაობის გასარკვევად

გამოკითხვა მომდევნო რესპოდენტის ვინაობის გასარკვევად

ელექტრონული კონფერენციების ტრადიცია ახალციხის მუნიციპალიტეტში პროექტის – „გამჭვირვალე თვითმმართველობა“ – ფარგლებში დაინერგა. ამ ინიციატივას არასამთავრობო ორგანიზაცია დემოკრატ მესხთა კავშირი დემოკრატიული მმართველობის პროგრამის (G3) ფარგლებში ახორციელებს. ეს იმის მანიშნებელია, რომ ადგილობრივი ხელისუფლებისა და სამოქალაქო სექტორის თანამშრომლობით მოხერხდა ამგვარი ინოვაციის დანერგვა. მართალია, როგორც პროექტის ორგანიზატორები აცხადებენ, მოქალაქეების აქტიურობა შედარებით დაბალია, თუმცა მოქალაქეებს შორის ინიციატივის შესახებ ინფორმაციის ეფექტური გავრცელების შემთხვევაში, სავარაუდოდ, მათი ჩართულობა გაიზრდება. ერთ-ერთ შემზღუდველ ფაქტორად რეგიონში ინტერნეტ მომხმარებელთა მცირე რაოდენობა შეიძლება დასახელდეს. მიუხედავად ამისა, ადგილობრივი ხელისუფლების მზაობა მონაწილეობა მიიღონ ონლაინ კონსულტაციებში უკვე წინ გადადგმული ნაბიჯია და მაგალითის მიმცემი შეიძლება გახდეს როგორც რეგიონული, ასევე, ცენტრალური ხელისუფლების წარმომადგენლებისთვისაც.

 

სხვა მასალები ამ თემაზე
სიახლეები

ცვლილებები მდგრადი განვითარების მიზნების უწყებათაშორისი საბჭოს საქმიანობის რეგულირებაში

21.02.2020

არქივების შეფასება პოსტ საბჭოთა სივრცეში: საქართველოს გამოცდილება

19.02.2020

კონფერენცია - ნაციონალური ისტორიოგრაფია პოსტ კომუნისტურ სამხრეთ კავკასიაში

17.02.2020

IDFI-მ სახალხო დამცველის კონსტიტუციურ სარჩელთან დაკავშირებით სასამართლოს მეგობრის მოსაზრება წარადგინა

17.02.2020
განცხადებები

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020

კანონპროექტი „ინფორმაციის უსაფრთხოების შესახებ“ და მასთან დაკავშირებული საფრთხეები

12.02.2020

კოალიცია მედია ადოკატირებისათვის „TV პირველის“ გარშემო განვითარებულ პროცესებს საგანგაშოდ მიიჩნევს

10.02.2020

კოალიცია მედიის ადვოკატირებისთვის ნიკა გვარამიას საქმესთან დაკავშირებით დროულ რეაგირებას ითხოვს

30.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019