ღია მმართველობა საქართველოს სამოქმედო გეგმის შუალედური შედეგების შეჯამება

სიახლეები | პუბლიკაციები | ღია მმართველობის პარტნიორობა | სტატია 29 სექტემბერი 2015

25 სექტემბერს გაიმართა ,,ღია მმართველობა საქართველოს" ფორუმის მეთხუთმეტე სამუშაო შეხვედრა თბილისი მარიოტში. შეხვედრას ფორუმის წევრი არასამთავრობო, საერთაშორისო და სახელმწიფო ორგანიზაციების წარმომადგენლები ესწრებოდნენ, მათ შორის ინფორმაციის თავისუფლების განვითარების ინსტიტუტის (IDFI) წარმომადგენლები: IDFI-ის დირექტორი და ღია მმართველობა საქართველოს ფორუმის მომხსენებელი - გიორგი კლდიაშვილი, IDFI-ის თავმჯდომარე - ლევან ავალიშვილი და პროექტის კოორდინატორი - დავით მაისურაძე.


ღია მმართველობა საქართველოს ფორუმის სამდივნომ, რომელსაც იუსტიციის სახლის ანალიტიკური დეპარტამენტი წარმოადგენს ,,ღია მმართველობა საქართველოს" 2014-2015 წლების სამოქმედო გეგმის შესრულების შუალედური ანგარიში წარადგინა. დოკუმენტში ასახულია სამოქმედო გეგმით გათვალისწინებული ვალდებულებების შესრულება 2015 წლის ივნისის მდგომარეობით.


აღსანიშნავია, რომ ,,ღია მმართველობა საქართველოს" 2014-2015 წლების სამოქმედო გეგმაში შეტანილი 27 ვალდებულებიდან სრულად შესრულებულია 9, უმეტესწილად შესრულებულია 11, ხოლო ნაწილობრივ შესრულებულია 7 ვალდებულება.

 

ვალდებულებათა რიცხვს, რომლებიც სრულად შესრულდა, განეკუთვნება: მომხმარებლის ხმა, უკუკავშირის ახალი სისტემა, რომლის მიზანია თითოეულ უკუკავშირზე მოქალაქესთან კომუნიკაცია და იუსტიციის სახლში არსებული პროდუქტების, მიმდინარე პროცესების შესახებ მისთვის ინფორმაციის მიწოდება; "JUSTDRIVE"-ს ამოქმედება, რაც მოქალაქეს საშუალებას აძლევს დაზოგოს დრო და ავტომობილიდან გადაუსვლელად იუსტიციის სახლის მიმდებარე ტერიტორიაზე JUSTDRIVE ფანჯარასთან ელექტრონული პირადობის მოწმობის მეშვეობით მიიღოს სასურველი მომსახურება; საჯარო სამსახურში მიღების გამჭვირვალე და მიუკერძოებელი წესების შემუშავება; პოლიტიკური პარტიების ფინანსური ანგარიშების გამოქვეყნება დამუშავებად ფორმატში; ონლაინ კონსულტაციის მექანიზმის დანერგვა და შეზღუდული შესაძლებლობების მქონე პირთათვის საქართველოს შინაგან საქმეთა სამინისტროს ვებგვერდის ხელმისაწვდომობის უზრუნველყოფა; ფარული მიყურადების შესახებ სასამართლო სტატისტიკის პრაქტიკული გამოქვეყნება; სახელმწიფო შესყიდვების ელექტრონული სისტემის გაფართოება - ,,ყველა ყველაფერს ხედავს" და 112-დან დაკავშირების ალტერნატიული არხების შექმნა.


ვალდებულებები, რომლებიც უმეტესწილად შესრულდა შემდეგია: სადაზღვეო სერვისი იუსტიციის სახლში, სახელმწიფო ქონების ეროვნული სააგენტოს სერვისები იუსტიციის სახლში, საქართველოს განათლებისა და მეცნიერების სამინისტროს სერვისების ხელმისაწვდომობა იუსტიციის სახლში, საზოგადოებრივი ცენტრების განვითარება საქართველოში, რეგიონების განვითარება საჯარო ბიბლიოთეკების ტრანსფორმაციის გზით, ციფრული ხელმოწერა და ონლაინ ავთენტიფიკაცია, ღია მონაცემების პორტალის შექმნა (data.gov.ge), ინფორმაციის თავისუფლების აქტის შემუშავება, ღია მმართველობა საქართველოს ფორუმის მხარდაჭერა და კოორდინაცია, თანამდებობის პირთა ქონებრივი მდგომარეობის დეკლარაციების მონიტორინგის სისტემის შექმნა, საარჩევნო პროცესების შესახებ საზოგადოების ცნობიერების ამაღლება, სსიპ - საქართველოს ეროვნული არქივის დოკუმენტების ხელმისაწვდომობა და საქართველოს შინაგან საქმეთა სამინისტროს არქივში დაცული დოკუმენტების ელექტრონული კატალოგის შექმნა და გამოქვეყნება.


ხოლო ვალდებულებები, რომლებიც ნაწილობრივ შესრულდა შემდეგია: მოქალაქის პორტალის განვითარება, ელექტრონული მმართველობის დანერგვა ადგილობრივ თვითმმართველობებში, ელექტრონული პეტიციების პორტალი (ichange.ge), საბიუჯეტო პროცესთან დაკავშირებით საზოგადოების ინფორმირების ეფექტური მექანიზმის ჩამოყალიბება, ადამიანური რესურსების მართვის ელექტრონული სისტემის საჯარო სამსახურში, ელექტრონული არქივის სისტემის შექმნა, საჯარო ფინანსების მართვის სისტემის ეფექტიანობისა და გამჭვირვალობის გაზრდა და დანაშაულის ინტერაქტიული სტატისტიკა და კრიმინოგენური რუკა.

 

ღია მმართველობის სამდივნოს მიხედვით, სამოქმედო გეგმაში არ არის ვალდებულება, რომელიც საერთოდ არ შესრულებულა. გეგმის მოქმედების ვადა 2015 წლის დეკემბრის ბოლოს იწურება. შესაბამისად, სამოქმედო გეგმის შესრულების შუალედური ანგარიშის საბოლოო ვერსია ,,ღია მმართველობა პარტნიორობას" 2015 წლის 30 სექტემბერს წარედგინება.

 

ღია მმართველობის 2014-2015 წლების სამოქმედო გეგმა 16 პასუხისმგებელი უწყების მიერ ნაკისრი 27 ვალდებულებით ეხმიანება OGP-ის ოთხ გამოწვევას:


1. საჯარო სამსახურების გაუმჯობესება


2. საზოგადოებრივი ჩართულობის გაზრდა


3. საჯარო რესურსების უკეთესი მართვა


4. უსაფრთხო გარემოს შექმნა


ფორუმის შეხვედრა USAID-ის პროექტის ,,დემოკრატიული მმართველობის ინიციატივა (GGI) საქართველოში" მხარდაჭერით გაიმართა.

სხვა მასალები ამ თემაზე
სიახლეები

რუსული სპორტი და პოლიტიკა

13.08.2020

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის წევრებმა სამუშაო შეხვედრა გამართეს

10.08.2020

სასამართლო სისტემის სტრატეგიისა და 2017-2018 წლების სამოქმედო გეგმის შესრულების მდგომარეობა

31.07.2020

საჯარო ინფორმაციის ხელმისაწვდომობა საქართველოში 2019

30.07.2020
განცხადებები

შინაურ ბინადარ ცხოველთა მოვლა-პატრონობის მიმართულებით აუცილებელია ქმედითი ნაბიჯების გადადგმა

21.07.2020

არასამთავრობო ორგანიზაციები ხელისუფლებას მოუწოდებენ შექმნას დამოუკიდებელი ანტიკორუფციული სააგენტო

08.07.2020

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020
ბლოგპოსტები

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020