IDFI-მ და ევროპის იურისტ სტუდენტთა ასოციაცია საქართველომ ურთიერთთანამშრომლობის მემორანდუმი გააფორმეს

სიახლეები | მემორანდუმები 6 მარტი 2014

ინფორმაციის თავისუფლების განვითარების ინსტიტუტმა (IDFI) და ევროპის იურისტ სტუდენტთა ასოციაცია საქართველომ (ELSA) ურთიერთთანამშრომლობის მემორანდუმი გააფორმეს.

 

მემორანდუმი მიზნად ისახავს „ელსასა“ და IDFI-ს ურთიერთთანამშრომლობის გზით,სხვადასხვა საკითხებთან, მათ შორის ინფორმაციის თავისუფლებასთან დაკავშირებით სამოქალაქო ცნობიერების ამაღლებას, გარკვეული თემების პუპულარიზაციას, საჯარო და სხვა ინსტიტუტების საქმიანობის გამჭირვალობის ხელშეწყობას, სხვადასხვა აქტივობებში სტუდენტების ჩარულობის გაზრდას.

 

შეთანხმებას თანამშრომლობის შესახებ  2014 წლის 5 მარტს  მოეწერა ხელი.

 

 ღონისძიებაზე IDFI-ს დირექტორმა გიორგი კლდიაშვილმა ხაზგასმით აღნიშნა სტუდენტების მონაწილეობის მნიშვნელობა IDFI–ს მიერ დაგეგმილ  პროექტებში და გამოთქვა მზადყოფნა იმ ღონისძიებების ხელშეწყობისთვის, რომლებსაც „ელსა“ განახორციელებს.

 

თანამშრომლობის ფარგლებში უკვე განხორციელდა პირველი პროექტი. IDFI-მ მონაწილეობა მიიღო „ელსას“ მიერ ორგანიზებულ კონფერენციაში ინტერნეტის ხელმისაწვდომობის თემაზე.

 

კონფერენციაზე IDFI-ს წარმომადგენელმა, თეონა ტურაშვილმა პროექტის მონაწილეებს  პრეზენტაცია წარუდგინა  საქართველოში ინტერნეტის განვითარებასთან დაკავშირებით. მან დამსწრე საზოგადოებას საქართველოში ინტერნეტ მომხმარებელთა სტატისტიკა გააცნო და ინტერნეტ მომხმარებელთა თავისებურებებზე,  ინტერნეტიზაციის ძირითადი პრობლემებზე და ახალი ტექნოლოგიების მნიშვნელობაზე ისაუბრა.

 

გარდა ამისა, თეონა ტურაშვილმა საქართველოში ელ-მმართველობის განვითარების ტენდენციებზე,  არსებულ გამოწვევებსა და ამ დროისთვის სახელმწიფოს მიერ დანერგილ რამდენიმე ელ-რესურსზე (მათ შორის, პორტალი my.gov.ge, ვებ-გვერდი matsne.gov.ge) ისაუბრა.  მან სტუდენტებს ინფორმაცია მიაწოდა „ღია მმართველობის პარტნიორობის“ (OGP) და ამ ინიციატივის ფარგლებში საქართველოს მთავრობის მიერ აღებული ვალდებულებების, კერძოდ, სამთავრობო პლატფორმა iChange.ge-ს შესახებ.

 

სტუდენტებმა აქტიური მონაწილეობა მიიღეს პრეზენტაციის შემდეგ გამართულ დისკუსიაში, დასვეს შეკითხვები და  ისაუბრეს იმის შესახებ, თუ რამდენად ხშირად და ეფექტურად იყენებენ ახალ ტექნოლოგიებსა და ონლაინ პლატფორმებს სხვადასხვა აქტუალურ საკითხებზე დისკუსიების გასამართად და საკუთარი მოსაზრებების გამოსახატავად. სტუდენტებმა ხაზი გაუსვეს საქართველოს რეგიონებში ინტერნეტის ხელმისაწვდომობის პრობლემაზე და დაინტერესდნენ ამ მხრივ სახელმწიფოს პოზიციით. ინტერნეტის ხელმისაწვდომობის ტექნიკური პრობლემების გარდა, დამსწრე საზოგადოება დისკუსიის დროს შეეხო მოქალაქეების მიერ ნაკლებ ჩართულობას და აქტიურობას სხვადასხვა ონლაინ რესურსებზე. დასახელდა რამდენიმე მიზეზი, მათ შორის ინფორმაციის ნაკლებობა, კერძოდ, სტუდენტებმა აღნიშნეს, რომ ხშირად მოქალაქეები საკმარისად არ არიან ინფორმირებულნი სახელმწიფოს მიერ დანერგილი ელ-სერვისების შესახებ. ამას გარდა, გამოითქვა მოსაზრება, რომ მოქალაქეებს არ აქვთ საკმარისი გარანტია იმისა, რომ მათ მიერ ონლაინ ან სხვა ფორმაში გამოხატულ მოსაზრებებს ხელისუფლების წარმომადგენლები გაითვალისწინებენ.

 

/public/upload/Londa/elsa.pdf

სხვა მასალები ამ თემაზე
სიახლეები

საჯარო ინფორმაციის პროაქტიული გამოქვეყნების პრაქტიკა საქართველოს საჯარო დაწესებულებებში

14.06.2019

საქართველოში საჯარო უწყებების ვებგვერდებზე ინფორმაციის პროაქტიული განთავსების სტატისტიკა

14.06.2019

ვებგვერდებზე ინფორმაციის პროაქტიული განთავსების დინამიკა

14.06.2019

2019 წლის ყველაზე პროაქტიულად ანგარიშვალდებული საჯარო დაწესებულებები ცნობილია

14.06.2019
განცხადებები

არასამთავრობო ორგანიზაციების განცხადება 14 და 16 ივნისს მომხდარ მოვლენებთან დაკავშირებით

18.06.2019

კოალიცია მედიის ადვოკატირებისთვის მიიჩნევს, რომ მაუწყებლობის თვითრეგულირებას მიკუთვნებული საკითხების რეგულირებაში გადატანა დაუშვებელია

15.06.2019

კოალიციის განცხადება სახელმწიფო ინსპექტორის ირგვლივ მიმდინარე მოვლენებზე

10.06.2019

ზაზა ხარებავას უფლებამოსილების შეწყვეტის საკითხზე პარლამენტმა დროულად უნდა იმსჯელოს

08.06.2019
ბლოგპოსტები

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019