Media.Ge

IDFI მედიაში 11 დეკემბერი 2012

ქართული საჯარო უწყებები და სოციალური ქსელი

IDFI

ქართული საჯარო უწყებები და პოლიტიკური პარტიები სოციალურ ქსელ Facebook-ის გვერდს არაეფექტურად იყენებენ, ირკვევა კვლევიდან,  რომელიც „ინფორმაციის თავისუფლების განვითარების ინსტიტუტმა“ (IDFI) 11 დეკემბერს გამოაქვეყნა. ორგანიზაცია 19 საჯარო უწყების, 11 პოლიტიკური პარტიისა და 6 ტელეკომპანიის ოფიციალურ facebook გვერდებს 4 თვის განმავლობაში აკვირდებოდა.

მკვლევრები აღნიშნავენ, რომ როგორც საჯარო უწყებების, ისე პოლიტიკური პარტიების დიდი ნაწილი სოციალურ ქსელს მომხმარებლებთან კომუნიკაციასა და ინტერაქციისთვის არ იყენებს. ამაზე მეტყველებს ის ფაქტი, რომ როგორც შეტყობინების გაგზავნის, ისე კედელზე დაწერის ფუნქცია დახურული აქვთ, გამოქვეყნებულ კომენტარებზე კი მომხმარებელს პასუხს არ სცემენ. ხშირად იშლება და ქრება მოქალაქეების მიერ გამოთქმული ძირითადად კრიტიკული შინაარსის მოსაზრებები.

IDFI-მ პარტიებსა და სამინისტროების  facebook გვერდის ადმინისტრატორს კითხვებით მიმართა იმის შესამოწმებლად, თუ რამდენად ეხმაურებოდნენ ისინი მოქალაქეებს, აღმოჩნდა, რომ ნაწილმა მათგანმა საერთოდ არ უპასუხა. მათ შორისაა პრეზიდენტ მიხეილ სააკაშვილისა და პრემიერ მინისტრ ბიძინა ივანიშვილის გვერდები. რომლის ადმინისტრატორებიც უპასუხოდ ტოვებენ მოქალაქეთა კომენტარებსა, თუ კითხვებს.

მკვლევრების თქმით, სიტუაცია ბოლო დროს გამოსწორდა. ამის მაგალითად გარემოს დაცვის სამინისტრო დაასახელეს, რომელმაც უპასუხა როგორც ბოლოს დასმულ კითხვას, ასევე გამოეხმაურა ძველ შეტყობინებასაც, რომელიც მკვლევარმა რამდენიმე თვის წინ გაუგზავნა.

მონიტორინგის ჯგუფი მიიჩნევს, რომ სამთავრობო უწყების ოფიციალური საიტები  ხელმძღვანელის facebook გვერდს მიბმული არ უნდა იყოს.

„პარლამენტის ყოფილი თავმჯდომარის, დავით ბაქრაძის გვერდი შეიცავდა აპლიკაციას, რის შექმნაზეც ბიუჯეტიდან თანხა გამოიყო, მისი გადარჩევის შემდეგ კი ეს აპლიკაცია ჰაერში დარჩა. ახლა ბიძინა ივანიშვილის გვერდი მიება მთავრობის საიტს.  უწყებების გვერდების პერსონიფიცირება არ უნდა ხდებოდეს“, - აღნიშნა პროექტის ანალიტიკოსმა თეონა ტურაშვილმა.

IDFI-მ სამთავრობო უწყებებიდან გამოითხოვა ინფორმაცია, თუ რამდენს ხარჯავდნენ ისინი სოციალური ქსელების აპლიკაციის შექმნასა და რეკლამირებაში. ორგანიზაციამ ინფორმაცია ყველა უწყებიდან სრულად ვერ მიიღო. თავდაცვის სამინისტროს მიერ მიწოდებული ინფორმაციით კი 38350 ლარი გამოიყო facebook-ის აპლიკაციისთვის, თუმცა ეს ფუნქცია მონიტორინგის ჯგუფმა ვერ იპოვა.

„ყველა საჯარო უწყება ორიენტურებული უნდა იყოს მოქალაქეთა ჩართულობაზე, ინტერაქციაზე და არა მისი გვერდის მომხმარებელთა რაოდენობის ზრდაზე“, - აღნიშნა ანალიტიკოსმა მარიკა კეჭაყმაძემ.

IDFI-მ მოამზადა რეკომენდაციები და მონიტორინგში მოხვედრილ ყველა სუბიექტს გაუგზავნა. ორგანიზაცია უწყებებს ურჩევს facebook-ის გვერდს ჰყავდეს მინიმუმ ერთი აქტიური ადმინისტრატორი, რომლის ერთერთი უმთავრესი მოვალეობა გვერდზე ინფორმაციის მუდმივი და სისტემატური განახლება და მომხმარებელთან პირდაპირი კავშირის უზრუნველყოფა იქნება. ფოტო ალბომების შექმნისას კი მკვლევრები ურჩევენ ყველა მათგანს ჰქონდეს სათაური, სურათებზე გამოსახული ღონისძიებისა თუ შეხვედრის აღწერა. გვერდები უნდა იყოს მაქმიმალურად გახსნილი მოქალაქეებისთვის და მათ ადმინისტრატორთან კონტაქტის საშუალება უნდა ჰქონდეთ.

იხილეთ ბმული

სხვა მასალები ამ თემაზე
სიახლეები

2019 წელს (იანვარი-ივლისი) დანაშაულის რიცხვი 17,23%-ით გაიზარდა

11.09.2019

საქართველოს პარლამენტმა არქივების ღიაობის შესახებ IDFI-ს საკანონდებლო წინადადება განიხილა

04.09.2019

IDFI-მ საქართველოს პარლამენტს „პერსონალურ მონაცემთა დაცვის შესახებ“ კანონპროექტთან დაკავშირებით მოსაზრებები წარუდგინა

03.09.2019

2019-2020 წლების ეროვნული ანტიკორუფციული სტრატეგიისა და სამოქმედო გეგმის შემუშავების პროცესი ხარვეზებით წარიმართა

22.08.2019
განცხადებები

კოალიცია იუსტიციის უმაღლეს საბჭოში უზენაესი სასამართლოს მოსამართლეობის კანდიდატთა შერჩევის პროცესს აფასებს

12.09.2019

საქართველოს სამოქალაქო საზოგადოების ორგანიზაციების მიმართვა საერთაშორისო თანამეგობრობას

09.09.2019

არასამთავრობო ორგანიზაციების განცხადება „რუსთავი 2“-ზე მიმდინარე საკადრო ცვლილებების შესახებ

20.08.2019

არასამთავრობო ორგანიზაციების განცხადება ნიკა გვარამიასთვის ბრალის წარდგენის შესახებ

09.08.2019
ბლოგპოსტები

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019