IDFI-ის ღია ლექცია: საჯარო ინფორმაციის ხელმისაწვდომობა და ხელისუფლების კონტროლის მექანიზმები

სიახლეები | კორუფციასთან ბრძოლა | ღია მმართველობა 30 სექტემბერი 2022

28 სექტემბერი ინფორმაციის საყოველთაო ხელმისაწვდომობის საერთაშორისო დღეა. ამ დღის აღსანიშნავად, მსოფლიო მასშტაბით მთელი კვირის მანძილზე ინფორმაციის ხელმისაწვდომობაზე მომუშავე ორგანიზაციები სხვადასხვა ქვეყანაში ცალკეულ ღონისძიებებს მართავენ. 

 

ინფორმაციის ხელმისაწვდომობის კვირეულის ფარგლებში, სხვა ღონისძიებებთან ერთად, 30 სექტემბერს IDFI-მ საქართველოს უნივერსიტეტში სტუდენტებისთვის საჯარო მონაცემების ღიაობის მნიშვნელობაზე საჯარო ლექცია ჩაატარა.

 

 

ლექციას უძვებოდნენ IDFI-ის წარმომადგენლები: თეონა ტურაშვილი (ადგილობრივი მმართველობის, ინტერნეტისა და ინვოაციების მიმართულებების ხელმძღვანელი) და გოგა თუშურაშვილი (კვლევითი მიმართულების ხელმშძღვანელი). ლექციის დასაწყისში მათ მონაწილეებს გააცნეს ინსტიტუტის საქმიანობა და მთავარი თემატური მიმართულებები, რის შემდეგაც სტუდენტებს ესაუბრებიან შემდეგ საკითხებზე:

 

- რა მნიშვნელობა აქვს საჯარო ინფორმაციის ხელმისაწვდომობას ხელისუფლების საქმიანობის ეფექტური კონტროლისთვის?

 

- როგორ შეუძლიათ მოქალაქეებს საქართველოში საჯარო ინფორმაციის მოპოვება?

 

- როგორ იყენებს IDFI საჯარო მონაცემებს ხელისუფლების საქმიანობის კონტროლისთვის? 

 

- როგორ შეუძლიათ სტუდენტებს მიიღონ მონაწილეობა ხელისუფლების საქმიანობის კონტროლში? 

 

ღონისძიების ბოლოს, ლექციის მონაწილეებს მიეწოდათ ინფორმაცია IDFI-ის ანალიტიკური სტატიების კონკურსის შესახებ, რომელში მონაწილეობა სტუდენტებსაც შეუძლიათ. კონკურსის მიზანია ღია მონაცემების დამუშავებისა და მონაცემებზე დაყრდნობით ხელისუფლების საქმიანობის მონიტორინგის წახალისება.

 

საკონკურსო ანალიტიკური სტატია უნდა ეხებოდეს საქართველოში საჯარო პოლიტიკისა და საჯარო ფინანსების საკითხებს, ხოლო შესაძლო თემები შეიძლება იყოს: საჯარო ფინანსების განკარგვა, ხელისუფლების საქმიანობის შეფასება/ხარჯები Covid-19 პანდემიასთან ბრძოლაში, საჯარო ადმინისტრირება, ადგილობრივი თვითმმართველობა, სოციალური საკითხები, ჯანდაცვა, დანაშაულის სტატისტიკა, განათლება, გარემო, ადგილობრივი თვითმმართველობა, ეკონომიკა, ფინანსები და ა.შ. 

 

კონკურში გამარჯვებულებისთვის გათვალისწინებულია საკონკურსო პრიზები (I ადგილი - 1,000 ლარი; II ადგილი - 800 ლარი; III მესამე ადგილი - 600 ლარი). საუკეთესო 3 სტატია ასევე გამოქვეყნდება IDFI-ის ვებ (www.IDFI.ge)  და სოციალურ (Facebooks; Twitter) გვერდებზე საავტორო უფლებების დაცვით.  

 

ლექცია ჩატარდა ინტერაქციულ ფორმატში და მონაწილეებს ჰქონდათ საშუალება დაესვათ კითხვები ინფორმაციის ხელმისაწვდომობასთან დაკავშირებული გამოწვევებისა და ამ კუთხით IDFI-ის გამოცდილების შესახებ. 




სხვა მასალები ამ თემაზე
სიახლეები

IDFI- მ საბჭოთა ოკუპაციისადმი მიძღვნილი ღონისძიების ფარგლებში ხაშურის N8 საჯარო სკოლას უმასპინძლა

23.02.2024

ქართული საზოგადოებრივი აზრი ისტორიული მეხსიერების ფორმირების საწყისებთან: 1924 წლის ანტისაბჭოთა აჯანყების რეპრეზენტაცია ქართულ ეროვნულ-განმათავისუფლებელ მოძრაობაში

23.02.2024

ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

21.02.2024

რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში

16.02.2024
განცხადებები

IDFI ეხმიანება ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიის დამტკიცების მიმდინარე პროცესს

08.02.2024

"კოალიცია ინფორმაციის სანდოობისთვის" სამოქალაქო ორგანიზაციებზე განხორციელებულ თავდასხმებს ეხმიანება

24.01.2024

კოალიციის განცხადება კეკელიძის ქუჩაზე გამოსახლების გაშუქებისას ჟურნალისტებზე ძალადობისა და დაკავების ფაქტების შესახებ

24.01.2024

სამოქალაქო ორგანიზაციები ეხმაურებიან ევროკომისიის რეკომენდაციების შესასრულებლად სამთავრობო გეგმის დამტკიცებას

09.01.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023