IDFI-მ ესეების კონკურსში გამარჯვებულები დააჯილდოვა

სიახლეები | მეხსიერების და დეზინფორმაციის კვლევები | სტატია 6 თებერვალი 2024

2024 წლის 6 თებერვალს ინფორმაციის თავისუფლების განვითარების ინსტიტუტმა (IDFI) ესეების კონკურსის “დეზინფორმაციის როლი ისტორიული მეხსიერების ჩამოყალიბებაში”გამარჯვებულები დააჯილდოვა.

 

კონკურსის მიზანი სტუდენტებში მეხსიერებისა და დეზინფორმაციის კვლევების წახალისება, პოპულარიზაცია და საზოგადოებაში წარსულისა და თანამედროვე მოვლენების შესახებ ცნობიერების ამაღლება იყო.

 

ესეების კონკურსის ფარგლებში, სულ შემოვიდა 70-მდე საკონკურსო ნაშრომი, რომელთა შორისაც კომისიამ საპრიზო ადგილებისთვის შეარჩია სამი კონკურსანტის ესე:

 

I - ნიკოლოზ სარაჯიშვილი (თბილისის სახელმწიფო უნივერსიტეტის ახალი და უახლესი ისტორიის სამაგისტრო პროგრამის მაგისტრანტი)

 ”ქართული საზოგადოებრივი აზრი ისტორიული მეხსიერების ფორმირების საწყისებთან: 1924 წლის ანტისაბჭოთა აჯანყების რეპრეზენტაცია ქართულ ეროვნულ-განმათავისუფლებელ მოძრაობაში”

 

II - ნია კუჭავა (თავისუფალი უნივერსიტეტის მართვისა და საზოგადოებრივ მეცნიერებათა სკოლის (ბაკალავრიატის) II კურსის სტუდენტი)

”რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში”

 

III - თამარ ტაბატაძე (ჟენევის უნივერსიტეტის ევროპული და საერთაშორისო მმართველობის სამაგისტრი პროგრამის  მაგისტრანტი)

”დეზინფორმაციის ევოლუცია: მე-20 საუკუნის პროპაგანდიდან 21-ე საუკუნის ყალბ ამბებამდე”

 

დაჯილდოების ცერემონიაზე, IDFI-ს აღმასრულებელმა დირექტორმა, გიორგი კლდიაშვილმა ხაზი გაუსვა დეზინფორმაციის როლს ისტორიული მეხსიერების ჩამოყალიბებაში და საზოგადოებასა და ისტორიულ ნარატივებზე დეზინფორმაციის გავლენის გაანალიზების მნიშვნელობას.

 

 IDFI-ს მეხსიერებისა და დეზინფორმაციის კვლევების მიმართულების ხელმძღვანელმა, ანტონ ვაჭარაძემ ყურადღება გაამახვილა კონკურსანტთა ნაშრომების მრავალფეროვნებასა და შინაარსობრივ მხარეზე, რაც  წარსულის კვლევისა და ცნობიერების ამაღლების კუთხით უმნიშვნელოვანესია.

 

ღონისძიების დასასრულს, IDFI-ს წარმომადგენლებმა გამარჯვება მიულოცეს კონკურსანტებს და სერტიფიკატებით დააჯილდოვეს.

გამარჯვებულთა ესეები გამოქვეყნდება IDFI-ს ვებ (www.IDFI.ge)  და სოციალურ (Facebook; Twitter) გვერდებზე, საავტორო უფლებების დაცვით.

 

კონკურსი განხორციელდა შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით.

 

სხვა მასალები ამ თემაზე
სიახლეები

ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

21.02.2024

რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში

16.02.2024

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024
განცხადებები

IDFI ეხმიანება ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიის დამტკიცების მიმდინარე პროცესს

08.02.2024

"კოალიცია ინფორმაციის სანდოობისთვის" სამოქალაქო ორგანიზაციებზე განხორციელებულ თავდასხმებს ეხმიანება

24.01.2024

კოალიციის განცხადება კეკელიძის ქუჩაზე გამოსახლების გაშუქებისას ჟურნალისტებზე ძალადობისა და დაკავების ფაქტების შესახებ

24.01.2024

სამოქალაქო ორგანიზაციები ეხმაურებიან ევროკომისიის რეკომენდაციების შესასრულებლად სამთავრობო გეგმის დამტკიცებას

09.01.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023