IDFI-ის განმარტება ფინანსთა მინისტრის განცხადებასთან დაკავშირებით

განცხადებები 10 ივნისი 2014

დღეს გავრცელდა საქართველოს ფინანსთა მინისტრის, ბატონ ნოდარ ხადურის, განცხადება, სადაც აღნიშნულია, რომ "შემოსავლების სამსახურის 12–მა თანამშრომელმა 12 თვეში აიღო 500 ათასი ლარი სპრემია. თვეში ეს არის 3 ათასი ლარი. ეს არის დანამატი." მისივე განცხადებით "ამ ადამინებმა, იმის მიუხედავად, რომ გასული წლის ბიუჯეტი ვერ შესრულდა, 6 მილიარდ ლარზე მეტი გადასახადი ამოიღეს სახელმწიფო ბიუჯეტში. პრემია აუცილებელი არის იმისათვის, რომ ერთ–ერთი ყველაზე მაღალი რისკიანი სამსხურია შემოსავლების სამსახური კორუფციის თვალსაზრისით. ამავე დროს ერთი რამე უნდა გავითვალისწინოთ, პრემიერმაც თქვა, რომ 12 კაცის 12 თვეზე პრემიის ჯამში გამოქვეყნებამ შეიძლება გული გაუხეთქოს ადამინს. როცა ერთ ადამინზე დავიყვანთ, პრემია საკმაოდ მოკრძალებულია."

ვინაიდან ეს არ არის პირველი შემთხვევა, როდესაც მაღალი თანამდებობის პირები შეგნებულად და მიზანმიმართულად ცდილობენ "ინფორმაციის თავისუფლების განვითარების ინსტიტუტის" მიერ გავრცელებული ინფორმაციის არასწორი ფორმით ინტერპრეტაციას, კიდევ ერთხელ გვინდა ხაზგასმით აღვნიშნოთ, რომ  ინსტიტუტი აქვეყნებს მონაცემებს იმ ფორმით როგორითაც იღებს მას საჯარო დაწესებულებებიდან. ამავე დროს, ინსტიტუტი აქვეყნებს როგორც ჯამურ ისე, დეტალურ მონაცემებს. ქვემოთ კიდევ ერთხელ გვინდა წარმოვადგინოთ, შემოსავლების სამსახურიდან მიღებული დოკუმენტის ასლი, სადაც ნათლად ჩანს, რომ შემოსავლების სამსახურის თანამდებობის პირები, 2013 წელს იღებდნენ პრემიებს და არა დანამატებს, აქედანვე ჩანს, რომ   ფინანსთა მინისტრის მიერ არასწორად არის გაჟღერებული საპრემიო თანხების ყოველთვიური განაწილებაც. კერძოდ, შემოსავლების სამსახურის უფროსის და მისი მოადგილეების ყოველთვიურად მიღებული პრემიის ოდენობა ძირითადად მერყეობს 4000 ლარიდან 7000 ლარამდე.

 

ჩვენ ასევე ვეთანხმებით, ბატონი ნოდარ ხადურის შეფასებას იმასთან დაკავშირებით, რომ შემოსავლების სამსახური არის ერთ-ერთი ყველაზე მაღალი კორუფციული რისკის შემცველი დაწესებულება და მისი თანამშრომლების ანაზღაურება უნდა იყოს შესაბამისი ამ რისკებისა. ამავე დროს სამსახურის საშტატო ნუსხით განსაზღვრული თანამდებობრივი სარგოები ერთ-ერთი ყველაზე დაბალია, საქართველოს საჯარო სამსახურის სივრცეში. შესაბამისად, ჩვენი აზრით, უფრო გამართლებული და რაციონალური იქნებოდა, შემოსავლების სამსახურში დასაქმებულ პირთა თანამდებობრივი სარგოების გაზრდა და არა პრემიების გაცემის არასწორი პრაქტიკის გაგრძელება. 

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022