IDFI კვლავ ასაჩივრებს პრეზიდენტის ადმინისტრაციის მიერ იგნორირებულ მოთხოვნებს

სიახლეები | IDFI-ს სასამართლო პრაქტიკა | პუბლიკაციები | სტატია 15 მარტი 2013
IDFI-ის პრაქტიკაში გამოიკვეთა ტენდენცია, როდესაც პრეზიდენტის ადმინისტრაცია უპასუხოდ ტოვებს საჯარო ინფორმაციის მოთხოვნებს. 2011 -2012 წლებში IDFI-მ ორჯერ გაასაჩივრა უპასუხოდ დატოვებული მოთხოვნები. როგორც ჩანს, მოთხოვნების უპასუხოდ დატოვების ტენდენცია 2013 წელსაც გრძელდება, რის გასაჩივრებასაც IDFI აგრძელებს. 
 
2013 წლის 11 თებერვალს IDFI-მ პრეზიდენტის ადმინისტრაციას საჯარო ინფორმაციის მოთხოვნით მიმართა შემდეგ საკითხებზე:
 
  • შტატში და შტატგარეშე მომუშავე პირთა რაოდენობა
  • ინფორმაცია განთავისუფლებულ თანამშრომლების შესახებ
  • ინფორმაცია ადმინისტრაციაში დასაქმებული თანამშრომლების შესახებ
  • ინფორმაცია 2012 წლის 1 იანვრიდან 2013 წლის 31 იანვრის ჩათვლით გაცემული პრემიების შესახებ
  • პრეზიდენტის სამივლინებო ხარჯები 2012 წლის 1 იანვრიდან 2013 წლის 31 იანვრის ჩათვლით
  • ადმინისტრაციის ბალანსზე რიცხული ავტომანქანების ჩამონათვალი და საწვავის მოხმარებაზე გაწეული ხარჯები
  • ინფორმაცია 2012 წლის 1 იანვრიდან 2013 წლის 31 იანვრის ჩათვლით განხორციელებული შესყიდვების შესახებ

იხილეთ 2013 წლის 11 თებერვალს ჩაბარებული წერილი

 
მიუხედავად იმისა, რომ საქართველოს ზოგადი ადმინისტრაციული კოდექსის მე-40 მუხლის პირველი ნაწილის შესაბამისად, პრეზიდენტის ადმინისტრაციას აქვს ვალდებულება მოთხოვნილი ინფორმაცია გასცეს დაუყოვნებლივ, ან არა უგვიანეს 10 დღისა (ასეთ შემთხვევაში საჯარო დაწესებულება ვალდებულია დაუყოვნებლივ აცნობოს ამის შესახებ განმცხადებელს), პრეზიდენტის ადმინისტრაციიდან პასუხი წერილის გაგზავნიდან ერთი თვის შემდეგაც არ მიგვიღია.
 
ამის საფუძველზე 2013 წლის 13 მარტს პრეზიდენტის ადმინისტრაციას გაეგზავნა ადმინისტრაციული საჩივარი.  
 
 
IDFI-ის პრაქტიკაში არის კიდევ ორი შემთხვევა, როდესაც პრეზიდენტის ადმინისტრაციამ უპასუხოდ დატოვა მოთხოვნები, რაც გასაჩივრდა. პირველი შემთხვევა ეხება 2011 წლის 24 აგვისტოს წერილს, ხოლო მეორე - 2012 წლის 2 აგვისტოს წერილს.
 
საინტერესოა ის გარემოება, რომ ორივე შემთხვევაში თბილისის საქალაქო სასამართლოში  დანიშნული პირველი სასამართლო სხდომის გამართვამდე რამდენიმე საათით ადრე IDFI-მ მიიღო წერილი პრეზიდენტის ადმინისტრაციიდან, რომელშიც აღნიშნული იყო, რომ ინფორმაციის მისაღებად გადასახდელია ასლის გადაღების მოსაკრებელი, რის გამოც სასამართლო სხდომა გადაიდო.
 
პრეზიდენტის ადმინისტრაციასთან არსებული წინა დავების შესახებ დეტალური ინფორმაციისთვის გაეცანით შემდეგ ბმულებს:
 
 
 
IDFI იმედს გამოთქვამს, რომ მსგავსი გამოცდილება არ იქცევა ტრადიციად და საჯარო მოთხოვნებზე დროული და სრულყოფილი რეაგირება გახდება პრეზიდენტის ადმინისტრაციის, ისევე როგორც სხვა საჯარო დაწესებულებების პრაქტიკის ნაწილი.
სხვა მასალები ამ თემაზე
სიახლეები

საქართველოს პარლამენტის მდგრადი განვითარების მიზნებთან დაკავშირებით შეხვედრა გაიმართა

21.01.2022

ჩემი გრაფიკული ისტორია: საბჭოთა რეპრესიები აჭარაში კომიქსების ენაზე

13.01.2022

პროექტის „PAR-ის მხარდაჭერა სამოქალაქო მონიტორინგისა და ჩართულობის გზით“ დასკვნითი ღონისძიება

11.01.2022

კონსტიტუციის ფორმალური მოთხოვნები „ინტერნეტ კონტენტის“ რეგულირებასთან დაკავშირებით

30.12.2021
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022

სასურსათო უსაფრთხოების მდგომარეობა - უახლესი ტენდენციები ციფრებში

17.01.2022

თვითმკვლელობის დინამიკა საქართველოში

17.01.2022

ტრანსპორტის სექტორში სათბურის გაზების ემისიების შემცირების ღონისძიებების გავლენის შეფასება არსებულ სტატისტიკურ მონაცემებზე დაყრდნობით

17.01.2022