.jpg)
IDFI-მ სოციალურ ქსელ Facebook-ის მომხმარებლებისთვის სპეციალური გზამკვლევი შექმნა, რომელიც მათ პირადი უსაფრთხოების დაცვაში დაეხმარება.
დღესდღეობით, Facebook-ი საქართველოში ყველაზე პოპულარული სოციალური ქსელია (ქვეყანაში 2 მილიონზე მეტი Facebook ანგარიშია დარეგისტრირებული). სწორედ ამიტომ არის მნიშვნელოვანი, რომ თითოეული მომხმარებელი აცნობიერებდეს სოციალური ქსელის გამოყენების პოტენციურ რისკებს და, რაც მთავარია, შეეძლოს საკუთარი უსაფრთხოების დაცვა.
გზამკვლევი მოიცავს როგორც მარტივ რჩევებს, ისე დეტალურ ინფორმაციას იმაზე, თუ როგორ უნდა შექმნათ ძლიერი პაროლი; მიიღოთ შეტყობინება ელფოსტაზე მაშინ, როდესაც თქვენს ანგარიშზე ახალი მოწყობილობიდან ხდება შესვლა; გაიაროთ უსაფრთხოების პერიოდული შემოწმება; და გამოიყენოთ ე.წ „უსაფრთხოების გასაღები“.
გზამკვლევი განსაკუთრებულ ყურადღებას ამახვილებს პირადი მონაცემების მართვაზე. მისი გამოყენებით, გაიგებთ, თუ როგორ უნდა დააღწიოთ თავი ონლაინ რეკლამებს და დაიცვათ პირადი მიმოწერის უსაფრთხოება.
გზამკვლევი განკუთვნილია Facebook-ის როგორც ვეტერანი, ისე ახალბედა მომხმარებლებისთვის. მისი ნახვა შემდეგ ბმულზეა შესაძლებელი - https://idfi.ge/ge/guide/view/11
/public/upload/IDFI_Photos_2017/media_internet_telecommunications/fb_guide.pdf
მედიის ადვოკატირების კოალიციის განცხადება
03.06.2025მედიის ადვოკატირების კოალიციის განცხადება
23.05.2025
სიახლეების გამოწერა
