IDFI

როგორ დავიცვათ პირადი უსაფრთხოება Facebook-ში

Facebook საქართველოში ყველაზე პოპულარული სოციალური ქსელია. ოფიციალური მონაცემებით, საქართველოში 2 მილიონზე მეტი Facebook ანგარიშია დარეგისტრირებული, ხოლო სოციალური ქსელების მომხმარებელთა 79% სულ მცირე კვირაში ერთხელ მაინც ამოწმებს Facebook-ს.

Facebook-ის მოხმარებას, სარგებლის გარდა, თან გარკვეული რისკებიც ახლავს. ბოლო მონაცემებით, 83 მილიონი ყალბი Facebook ანგარიში არსებობს. ასეთი ანგარიშები ხშირ შემთხვევაში იდენტობის დაფარვის ან ინფორმაციის ანონიმურად გავრცელების მიზნებით გამოიყენება. მათი არსებობა სოციალური ქსელის გამოყენების რისკს საგრძნობლად ზრდის, რადგან ყალბი ანგარიშის მფლობელს შეუძლია მარტივად მიითვისოს თქვენი იდენტობა, დაუმეგობრდეს თქვენსავე მეგობრებს და მათგან თქვენივე პირადი ინფორმაცია გამოითხოვოს.

საბედნიეროდ, Facebook ითვალისწინებს ამ და სხვა რისკებს და აძლევს მომხმარებელს არაერთ საშუალებას, აკონტროლოს საკუთარი უსაფრთხოების პარამეტრები. მაგალითად, Facebook-ზე განსაკუთრებულად მოწყვლადი სეგმენტისთვის - მოზარდებისთვის - სპეციალური უსაფრთხოების პორტალია შექმნილი. თუმცა, სამწუხაროდ, ცოტამ თუ იცის ამ საშუალებების შესახებ.

სწორედ ამიტომ, IDFI-მ მოამზადა Facebook უსაფრთხოების გზამკვლევი, რომელიც დაგეხმარებათ პირადი ინფორმაციის დაცვაში.

ზოგადი რჩევები

ახალი ჯგუფის შესაქმნელად, გადადით Facebook-ის აპლიკაციების პანელში და აირჩიეთ "Groups".
აირჩიეთ "Create Group", შემდეგ კი აქციეთ იგი დახურულ ან საიდუმლო ჯგუფად.
უსაფრთხოების პერიოდული შემოწმების გასავლელად, Facebook-ის ზედა მარჯვენა კუთხეში არსებული მენიუს საშუალებით, აირჩიეთ "Help Center".
მონიშნეთ "Privacy and Safety", შემდეგ კი - "Keeping Your Account Secure".
როგორ გავააქტიურო უსაფრთხოების შემოწმება: I - შემოწმების გავლისას სისტემა ავტომატურად თიშავს თქვენი Facebook-ის ანგარიშს იმ ბრაუზერებიდან და აპლიკაციებიდან, რომლებსაც დიდი ხანია, აღარ სტუმრობთ. II - ამგვარი შემოწმება ასევე გეხმარებათ, მიიღოთ თქვენს ანგარიშზე შესვლის შესახებ შეტყობინებები. III - შემოწმება ასევე გეხმარებათ, მიიღოთ ინფორმაცია თქვენი პაროლის უსაფრთხოების შესახებ.

Facebook-ში შესვლა

როგორ გავააქტიურო შესვლის შეტყობინება: I – Facebook-ის ზედა მარჯვენა კუთხეში არსებული მენიუს საშუალებით, აირჩიეთ პარამეტრები. II - უსაფრთხოება. III - ჩართეთ შეტყობინების მიღების ფუნქცია.
როგორ გავააქტიურო 2 - ეტაპიანი ავტორიზაცია: I – Facebook-ის ზედა მარჯვენა კუთხეში არსებული მენიუს საშუალებით, ეწვიეთ პარამეტრებს. II - უსაფრთხოება. III - ჩართეთ 2-ეტაპიანი ავტორიზაცია.
როგორ გავააქტიურო უსაფრთხოების გასაღები: I – Facebook-ის ზედა მარჯვენა კუთხეში არსებული მენიუს საშუალებით, აირჩიეთ პარამეტრები. II - უსაფრთხოება. III - დაამატეთ გასაღები.

აუდიტორიის მართვა

აუდიტორიის მართვა: I – Facebook-ის მარჯვენა ზედა კუთხეში არსებული მენიუს საშუალებით, აირჩიეთ პარამეტრები. II - კონფიდენციალურობა. III - ვის შეუძლია ნახოს ჩემი პოსტები, შემდეგ კი - მონიშნეთ შესაბამისი აუდიტორია.
აუდიტორიის შერჩევა: I - აირჩიეთ პარამეტრები. II - კონფიდენციალურობა. III - აირჩიეთ ვიწრო აუდიტორია, "Custom" ფუნქციის გამოყენებით.
აუდიტორიის შეზღუდვა: I - გადადით თქვენს კედელზე. II - მონიშნეთ აქტივობის ფანჯარა. III - აირჩიეთ შესაბამისის აუდიტორია, "Custom" ფუნქციის გამოყენებით.
სიის შესაქმნელად: I - გადადით აპლიკაციების პანელში. II - შექმენით ახალი სია ("Create List"). III - დაამატეთ სიაში მეგობრები.
როგორ გავააქტიურო ძველი პოსტების შეზღუდვა: I - აირჩიეთ პარამეტრები. II - ვის შეუძლია ნახოს ჩემი მასალები. III - შეზღუდეთ აუდიტორია.

მონიშვნის (tag)ფუნქცია

მონიშვნის უფლება: I - აირჩიეთ პარამეტრები. II - ქრონოლოგია და მონიშვნა. III - ვის შეუძლია ჩემს პირად გვერდზე ინფორმაციის დამატება.
თანხმობა მონიშვნაზე: I - აირჩიეთ პარამეტრები. II - ქრონოლოგია და მონიშვნა. III - გადახედეთ მონიშნულ პოსტებს, სანამ გამოჩნდება თქვენს თაიმლაინზე. ამ ფუნქციის ჩართვის შემდეგ, ყოველ ჯერზე, როდესაც რაიმე აქტივობაზე მოგნიშნავენ, შეტყობინება მოგივათ.
მონიშნულ კონტენტზე წვდომის შეზღუდვა: I - აირჩიეთ პარამეტრები. II ქრონოლოგია და მონიშვნა. III- "Custom".

პირადი მონაცემების მართვა

ინკოგნიტო ფანჯრის გასახსნელად, გამოიყენეთ თქვენი ბრაუზერის მარჯვენა ზედა კუთხეში არსებული მენიუ ისე, როგორც ფოტოზეა ნაჩვენები.
საიდუმლო მიმოწერა: გახსენით მესენჯერის მიმოწერის ფანჯარა და ზედა მარჯვენა კუთხეში არსებული ღილაკის საშუალებით გააქტიურეთ დაშიფრული მიმოწერა ისე, როგორც ფოტოზეა ნაჩვენები.
გახსენით მესენჯერის მიმოწერის ფანჯარა და ქვედა მარჯვენა კუთხეში არსებული ღილაკის საშუალებით დააყენეთ დრო, რომლის გასვლის შემდეგაც თქვენი შეტყობინება წაიშლება.

Messenger მიმოწერის უსაფრთხოება

სმარტფონებზე თქვენ დაინსატლირებული გაქვთ, როგორც Facebook-ის ისე მესენჯერის აპლიკაციები, თუმცა Facebook-იდან გამოსვლით მესენჯერი ჩართული რჩება. შესაბამისად, თუ ვინმე თქვენს ტელეფონს აიღებს, მას მთელი თქვენი მიმოწერის ნახვა შეეძლება.

Facebook Messenger-იდან გამოსვლის ინსტრუქცია IOS-ის მაგალითზე

1. გახსენით Facebook აპლიკაცია;

2. Facebook-ის მარჯვენა ქვედა კუთხეში არსებული მენიუს საშუალებით აირჩიეთ პარამეტრები;

3. აირჩიეთ "Account Settings", შემდეგ კი - "Security" (ან "Security and Login");

4. აირჩიეთ "Active Sessions" > "Facebook Messenger" შემდეგ კი - "Log Out".

Facebook Messenger-იდან გამოსვლის ინსტრუქცია Android-ის მაგალითზე

1. გადადით თქვენი სმარტფონის პარამეტრების განყოფილებაში;

2. აირჩიეთ "Apps";

3. აირჩიეთ Messenger აპლიკაცია;

4. Android 6.0 ვერსიის შემთხვევაში ეკრანზე გამოჩნდება "Storage";

5. მონიშნეთ იგი და აირჩიეთ "Clear Data", შემდეგ კი - "Ok".