IDFI-იმ ევროკავშირის დახმარებით ახალი პროექტი დაიწყო

სიახლეები | პუბლიკაციები | ღია მმართველობა და კორუფციასთან ბრძოლა | სტატია 1 მაისი 2018

ევროკავშირის მიერ მხარდაჭერილი ახალი ორწლიანი პროექტი მიზნად ისახავს საქართველოს პროკურატურის დამოუკიდებლობისა და შესაძლებლობების გაძლიერებას; ასევე პროკურატურის ანგარიშვალდებულების გაზრდას და სახელმწიფოს, სამოქალაქო სექტორს, მედიასა და საზოგადოებას შორის სისტემაში მიმდინარე ძირითად რეფორმებთან დაკავშირებით ინფორმაციის გაცვლის პრაქტიკის გაუმჯობესებას.

 

პროექტი “პროკურატურის დამოუკიდებლობის ხელშეწყობა მონიტორინგისა და ჩართულობის გზით” (PrIME) ხორციელდება ინფორმაციის თავისუფლების განვითარების ინსტიტუტის (IDFI) მიერ კავკასიის კვლევითი რესურსების ცენტრთან (CRRC) და სტუდია მონიტორთან თანამშრომლობით.

 

პროექტის გახსნით ღონისძიებაზე მთავრობის, პარლამენტის, სამოქალაქო სექტორის, საერთაშორისო ორგანიზაციებისა და მედიის წარმომადგენლებს საშუალება ჰქონდათ გაცნობოდნენ მიმდინარე რეფორმის ფარგლებში საქართველოს პროკურატურაში არსებულ სიახლეებსა და PrIME პროექტის მიზნებს.

 

საქართველომ მნიშვნელოვანი პროგრესი აჩვენა პროკურატურის ყველა სექტორში რეფორმების შედეგების გაუმჯობესების კუთხით. მომავალ წლებში, რეფორმების პაკეტი უფრო მეტ ქმედებებს მოითხოვს, რომ გაუმჯობესდეს პროკურატურის დამოუკიდებლობისა და კეთილსინდისიერების ხარისხი, გაძლიერდნენ არამენეჯერულ პოზიციებზე მყოფი პროკურორები და უფრო მეტად ჩაერთონ გადაწყვეტილებების მიღების პროცესში. ამასთანავე, უნდა ამაღლდეს ნდობა და საზოგადოების ცნობიერება საქართველოს მართლმსაჯულების სისტემასთან მიმართებაში“, – განაცხადა მთავარი პროკურორის მოადგილემ გიორგი გოგაძემ.

 

ევროკავშირი მტკიცედ უჭერს მხარს საქართველოს ძალისხმევას, შეასრულოს საერთაშორისო, მათ შორის ასოცირების ხელშეკრულებით ნაკისრი ვალდებულებები: გააძლიეროს კანონის უზენაესობა და ადამიანის უფლებების დაცვა. მოხარულები ვართ, რომ სამოქალაქო საზოგადოებასთან ერთად, სახელმწიფო ინსტიტუციები ასე აქტიურად არიან ჩართულები PrIME პროექტის განხორციელებაში“,–აღნიშნა საქართველოში ევროკავშირის დელეგაციის კომუნიკაციების ატაშემ მიკოლაი ბეკასიაკმა.

 

პროექტი ითვალისწინებს მრავალმხრივ მიდგომას, რომლის ფარგლებშიც IDFI და მისი პარტნიორი ორგანიზაციები იმუშავებენ ოთხი მიმართულებით: 1. მონიტორინგი; 2. ჟურნალისტური გამოძიება; 3. შესაძლებლობის გაძლიერება საქართველოს საპროკურორო და საგამოძიებო სისტემებში მიუკერძოებლობისა და სამართლიანობის უზრუნველსაყოფად; და 4. ცნობიერების ამაღლება ქალთა წინააღმდეგ სიძულვილით მოტივირებულ დანაშაულების შესახებ.

 

პროექტის სრული ბიუჯეტი შეადგენს 333,321.64 ევროს. პროექტი 26 თვიანია და 2018-2020 წლებში განხორციელდება.

სხვა მასალები ამ თემაზე
სიახლეები

ქართული ოცნების შემომწირველები და მათი ბენეფიტები არჩევნების შემდეგ

24.04.2025

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

მანიფესტანტების მასიური თვალთვალი და პერსონალურ მონაცემთა დაცვის სამსახურის არასათანადო რეაგირება

15.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025
განცხადებები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

არალეგიტიმური მთავრობა ქართველი ხალხის დევნის აქტს იღებს

08.04.2025

ვეხმიანებით დიდი ბრიტანეთის მიერ გავლენიან მოსამართლეთა დასანქცირებას მართლმსაჯულებით ვაჭრობისთვის

04.04.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024