საქართველო OGP-ს მმართველი კომიტეტის წევრია

სიახლეები | პუბლიკაციები | ღია მმართველობა | სტატია 7 აგვისტო 2014

წელს პირველად 2011 წლის შემდეგ ღია მმართველობის მმართველი კომიტეტი არჩევნების გზით დაკომპლექტდა. მმართველი კომიტეტის წევრობის 8 ვაკანტური ადგილისთვის 11 სახელმწიფო იბრძოდა, მათ შორის საქართველოც. 30 ივლისს ჩატარებული არჩევნების შედეგები 4 აგვისტოს გახდა ცნობილი: აშშ, ბრაზილია, გაერთიანებული სამეფო, ფილიპინები და ტანზანია ხელახლა აირჩიეს მმართველი კომიტეტის წევრებად, ხოლო საქართველო, საფრანგეთი, და ხორვატია პირველად შეუერთდნენ კომიტეტს.

 

შეგახსენებთ, რომ გარდა სახელმწიფოებისა, მმართველ კომიტეტში ცალკე კვოტა აქვთ გამოყოფილი სამოქალაქო საზოგადოების წარმომადგენლებს. 5 თავისუფალიადგილისდასაკავებლად 37 სამოქალაქოსაზოგადოებისწარმომადგენელიიბრძვის. უკვე ცნობილია, თუ ვინ დაიკავა ეს 5 ვაკანტური ადგილი:

 

 

2014 წლის ოქტომბერში ღია მმართველობის პარტნიორობის თანა-თავმჯდომარეები შეიცვლება. როგორც კი ინდონეზიის მთავრობისა და რაკეშ რაჯანის (Rakesh Rajani) მმართველი თანა-თავმჯდომარეობის ერთწლიანი ვადა  ამოიწურება, ახლანდელი თავმჯდომარის მოადგილე - მექსიკის მთავრობა და  სუნეტა კემალი (Suneeta Kaimal) დაიკავებენ მმართველი თავმჯდომარის პოზიციას.

 

ამ ცვლილებისთვის მოსამზადებლად ღია მმართველობის პარტნიორობის მმართველმა კომიტეტმა აირჩია ორი თანა-თავმჯდომარე, რომლებიც 2014 წლის ოქტომბერში მმართველ გუნდს შეუერთდებიან როგორც თავმჯდომარის მოადგილეები, 2015 წლის ოქტომბერში კი - გახდებიან მმართველი თავმჯდომარეები. ამ პოზიციაზე უკვე არჩეულნი არიან საჯარო სერვისისა და ადმინისტრაციის დეპარტამენტით წარმოდგენილი სამხრეთ აფრიკის რესპუბლიკა და GESOC აღმასრულებელი დირექტორი, ალეხანდრო გონსალსი (მექსიკა). ეს იქნება პირველი შემთხვევა, როცა აფრიკული ქვეყანა სათავეში ჩაუდგება OGP-ს. აქამდე თავმჯდომარის პოზიციას იკავებდნენ აშშ, ბრაზილია, გაერთიანებული სამეფო, ინდონეზია და მექსიკა.

 

30 ივლისს ჩატარებულ არჩევნებზე OGP-ს წევრი სახელმწიფოების ხმების მიხედვით მოხდა მმართველი კომიტეტის წევრების გამოვლენა. მიღებული ხმების მიხედვით არჩევნებში მონაწილე ქვეყნებს განესაზღვრათ მმართველ კომიტეტში ყოფნის ვადა 1, 2 ან 3 წლით. მაქსიმალური ქულა იყო 10. მიღებული შედეგების მიხედვით ხმები შემდეგნაირად გადანაწილდა:

 

 

 

ღია მმართველობის პარტნიორობის განახლებული მმართველი ორგანო მუშაობას 2014 წლის პირველი ოქტომბრიდან შეუდგება, ხოლო კომიტეტის ახალარჩეული წევრების პირველი შეხვედრა სექტემბრის ბოლოს ნიუ იორკში შედგება. საქართველოს კომიტეტში იუსტიციის მინისტრი წარმოადგენს. საქართველოს სააპლიკაციო განაცხადი შეგიძლიათ იხილოთ შემდეგ ბმულზე.

 

მმართველი კომიტეტის დამფუძნებელი თანა-თავმჯდომარეები იყვნენ აშშ და ბრაზილია. არჩევნებამდე 9 ქვეყნისგან შემდგარი (მექსიკა, ინდონეზია, ფილიპინები, ნორვეგია, სამხრეთ აფრიკა, გაერთიანებული სამეფო, აშშ, ბრაზილია და ტანზანია) მმართველი კომიტეტის მთავარი ფუნქცია არის „განავითაროს, ხელი შეუწყოს და დაიცვას ღია მმართველობის პარტნიორობის ღირებულებები, პრინციპები და ინტერესები. ადგენს ღია მმართველობის პარტნიორობის ძირითად იდეას, პოლიტიკასა და წესებს; ამასთანავე, ზედამხედველობს OGP-ის ფუნქციონირებას“. ხელმძღვანელობა შედგება თავმჯდომარის, თავმჯდომარის მოადგილისა (წევრი სახელმწიფოების მთავრობები) და ორი სამოქალაქო საზოგადოების წარმომადგენლისგან. 

 

საქართველოს OGP-ის მმართველ კომიტეტში გაწევრიანება განაპირობა ჩვენი ქვეყნის 2014-15 წლების სამოქმედო გეგმაში გაწერილმა ამბიციურმა პროექტებმა და გამჭვირვალობისა და ანგარიშვალდებულების იმ ხარისხმა, რასაც საქართველომ ელ-მმართველობისა და ინოვაციური ტექნოლოგიების დანერგვისა და განვითარების გზით მიაღწია. OGP-ს მმართველი კომიტეტის წევრობა დიდი პატივი და გამოწვევაა ჩვენი ქვეყნისთვის. იმედს გამოვთქვამთ, რომ საქართველო ღირსეულად შეასრულებს მასზე დაკისრებულ მოვალეობას მმართველი კომიტეტის წევრობის განმავლობაში და სამოქალაქო სექტორთან მჭიდრო თანამშრომლობით კვლავაც აქტიურად განაგრძობს ღია და გამჭვირვალე მმართველობის დანერგვას ჩვენს ქვეყანაში.

 

 

სხვა მასალები ამ თემაზე
სიახლეები

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022

ტრენინგი საჯარო მომსახურების გაწევის სტანდარტის შესახებ

13.05.2022

თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრა გამართა

11.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022