IDFI-ის ინფორმაციით, ქსელური მზაობის 2014 წლის ინდექსით, საქართველოს პოზიცია გასულ წელთან შედარებით მნიშვნელოვნად არის გაუმჯობესებული.

2013 წელს ქსელური მზაობის ინდექსით 3.93 ქულით (7-დან) საქართველო 65-ე ადგილს იკავებდა, დღეს კი იგი 148 ქვეყანას შორის 4.1-იანი მაჩვენებლით 60-ე ადგილზეა.

ქსელური მზაობის ინდექსი აფასებს ქვეყნის ეკონომიკის მზაობას მაქსიმალურად გამოიყენოს და აითვისოს საინფორმაციო ტექნოლოგიების სიკეთეები შემდეგი ფაქტორების გათვალისწინებით:

ბიზნეს და ინოვაციური გარემო, პოლიტიკური და მარეგულირებელი ჩარჩო (გარემოს ქვე-ინდექსი - environment subindex);

ინფრასტრუქტურა, ტექნოლოგიებზე ხელმისაწვდომობის ფასი და ეფექტური გამოყენებისთვის საჭირო უნარების არსებობა (მზაობის ქვე-ინდექსი - readiness subindex);

მთავრობის, ბიზნესისა და ინდივიდების მიერ საინფორმაციო ტექნოლოგოების გამოყენება (გამოყენების ქვე-ინდექსი - usage subindex);
საინფორმაციო ტექნოლოგოების ეკონომიკური და სოციალური გავლენა (გავლენის ქვე-ინდექსი - impact subindex).

ანგარიშში საქართველო სომხეთთან, ყაზახეთთან, პანამასთან, ყატართან და არაბთა გაერთიანებულ საამიროებთან ერთად, „მზარდ ვარსკვლავთა“ (“Rising Star”) კატეგორიაშია მოქცეული, რაც გულისხმობს, რომ მისი ქულა საშუალოზე მაღალია და საშუალოზე სწრაფად იზრდება.
კვლევაში ასევე აღნიშნულია, რომ ეს ქვეყნები მკვეთრი პოზიტიური ცვლილებებით გამოირჩევიან.

იხილეთ ბმული