IDFI-ის წარმომადგენლები ელ-დემოკრატიისა და ელ-მმართველობის კონფერენციაზე

სიახლეები | კარგი მმართველობა | პუბლიკაციები | სტატია 14 მაისი 2015

2015 წლის 7-8 მაისს ბუდაპეშტში გაიმართა კონფერენცია სახელწოდებით „ელ-დემოკრატიისა და ელ-მმართველობის დღეები ცენტრალურ და აღმოსავლეთ ევროპაში“. კონფერენციის მთავარ თემას წარმოადგენდა ევროპის წინაშე მდგარი ისეთი გამოწვევები, როგორიცაა მონაცემთა დაცვის რეგულაცია და დებატები „ევროპული ინტერნეტის“ გარშემო, რომელიც მიმართული უნდა იყოს პირადი ცხოვრების უკეთესი დაცვისათვის. ამას გარდა, კონფერენცია აერთიანებდა ისეთ საკითხებს, როგორიცაა ელ-დემოკრატია (მოქალაქეების ჩართულობის ახალი ფორმები, ინტერნეტი პოლიტიკურ კამპანიებში, ელ-არჩევნები), გამჭვირვალობა და კორუფციასთან ბრძოლა, ღია მონაცემები, ელ-მმართველობისა და ელ-დემოკრატიის სამართლებრივი, ეკონომიკური და სოციალური ასპექტები, ე.წ. ჭკვიანი ქალაქები ა.შ.


კონფერენცია გახსნეს საჯარო სამსახურის ეროვნული უნივერსიტეტის რექტორმა, ანდრაშის უნივერსიტეტის პრორექტორმა, ავსტრიის კომპიუტერული საზოგადოების პრეზიდენტმა, და ასევე ევროპის საბჭოს წარმომადგენლებმა - დემოკრატიისა და მმართველობის ევროპული კომიტეტის (CDDG) პრეზიდენტმა, უნგრეთის პრემიერ-მინისტრის აპარატისა და ავსტრიის ფედერალური კანცელარიის წარმომადგენლებმა.


კონფერენციაზე საქართველოს თემა ორი ნაშრომით იყო წარმოდგენილი. IDFI-ის ანალიტიკოსებმა თეონა ტურაშვილმა და თამარ იაკობიძემ ბრემენის უნივერსიტეტის მაგისტრანტ დენის რედეკერთან ერთად მოამზადეს ნაშრომი თემაზე „ელ-მმართველობა საქართველოში: ელ-სერვისების მიწოდება, ელ-ინფორმირება და ელ-ჩართულობა“. ნაშრომის მთავარი თემაა, თუ რამდენად განაპირობებს ელ-სერვისების განვითარება დემოკრატიის ხარისხის ზრდას. ავტორებმა შეიმუშავეს ელ-მმართველობის სამი ტიპი (ელ-სერვისების მიწოდება, ელ-ინფორმირება და ჩართულობა) და აჩვენეს თითოეულის თეორიული კავშირი დემოკრატიულ განვითარებასთან. ნაშრომის ფარგლებში შესწავლილ იქნა საქართველოში არსებული მაგალითები ელ-მმართველობის თითოეული ტიპის მიხედვით. საქართველოს მაგალითზე დაყრდნობით ავტორები მივიდნენ დასკვნამდე, რომ მხოლოდ ელ-სერვისების განვითარება, თუკი მას არ მოსდევს ელ-ინფორმირებულობის ხარისხის ზრდა და ელ- ჩართულობის უზრუნველყოფა, არასაკმარისი პირობაა დემოკრატიული განვითარებისთვის.


ამას გარდა, კონფერენციაზე ესტონეთის ელ-მმართველობის აკადემიის სახელით ნაშრომი წარადგინა ერიკ ჯექსონმა. ნაშრომი ეხებოდა საჯარო ინფორმაციის ხელმისაწვდომობას საქართველოში, კერძოდ საჯარო ინფორმაციის მონაცემთა ბაზა www.opendata.ge განხილული იყო, როგორც კორუფციასთან ბრძოლის საშუალება. აღსანიშნავია, რომ 2013 წლის ზაფხულში საერთაშორისო განათლების ამერიკული საბჭოების პროგრამის ფარგლებში ერიკ ჯექსონმა სტაჟირება გაიარა IDFI-ში რის შემდეგაც დაინტერესდა www.opendata.ge-ს პროექტით.


კონფერენციის ორგანიზატორები იყვნენ ანდრაშის სახელობის ბუდაპეშტის უნივერსიტეტი (AUB), ავსტრიის კომპიუტერული საზოგადოება (OCG), ავსტრიის ფედერალური კანცელარიის/საჯარო ორგანიზაციისა და ადმინისტრაციული რეფორმის ინსტიტუტი (IfSV), ევროპული სამართლისა და საჯარო პოლიტიკის ავსტრიის ინსტიტუტი (AIELP), ბუდაპეშტის საჯარო სამსახურის ეროვნული უნივერსიტეტი (NUPS), ლუდვიგსბურგის საჯარო ადმინისტრირებისა და ფინანსების უნივერსიტეტი და ლიუბლიანას პროგნოზირების ინსტიტუტი.

სხვა მასალები ამ თემაზე
სიახლეები

IDFI-იმ და სახელმწიფო ინსპექტორის სამსახურმა ერთობლივი პროექტი დაიწყეს

05.03.2021

საქართველოს შედეგები ღია მონაცემების მზაობის კვლევაში

05.03.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

05.03.2021

მხილების ინსტიტუტის გამოწვევები საქართველოში - კანონმდებლობა და პრაქტიკა

04.03.2021
განცხადებები

არასამთვრობო ორგანიზაციების განცხადება ტვ პირველის ეთერში გასულ სიუჟეტთან დაკავშირებით

07.03.2021

კოალიცია სააპელაციო სასამართლოს მიერ „საერთაშორისო გამჭვირვალობა - საქართველოს“ წინააღმდეგ მიღებულ უკანონო და დაუსაბუთებელ გადაწყვეტილებას ეხმაურება

04.03.2021

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020