ბარაკ ობამამ თავის განცხადებაში OGP-ს მნიშვნელობას გაუსვა ხაზი

სიახლეები | პუბლიკაციები | ღია მმართველობის პარტნიორობა | სტატია 18 ნოემბერი 2013

17 ნოემბერი იყო საქართველოს ახალი პრეზიდენტის, გიორგი მარგველაშვილის ინაუგურაციის თარიღი, რომელმაც 27 ოქტომბერს გაიმარჯვა მშვიდობიანი, დემოკრატიული არჩევნების შედეგად. ამ დღეს გავრცელდა სხვადასხვა უცხო ქვეყნის ლიდერების განცხადება, რომლებიც გამარჯვებას ულოცავდნენ გიორგი მარგველაშვილს. მათ შორის იყო ამერიკის შეერთებული შტატების პრეზიდენტი, ბარაკ ობამა. მან განცხადებაში ისაუბრა იმ მნიშვნელოვანი პროგრესის შესახებ, რომელიც საქართველომ  ბოლო რამდენიმე წლის განმავლობაში განიცადა. მიღწევებს შორის მან დაასახელა საქართველოს მონაწილეობა „ღია მმართველობის პარტნიორობაში“ (OGP): „საქართველო აგრძელებს წარმატებების მიღწევას დემოკრატიული ინსტიტუტების განვითარების კუთხით. ამ მიღწევებს შორისაა „ღია მმართველობის პარტნიორობის“ ფარგლებში აღებული ვალდებულებები, ქალთა დაწინაურება საზოგადოებრივ ცხოვრებაში, და საქართველო განაგრძობს სვლას ევროატლანტიკური მისწრაფებებისათვის ”.

OGP ბარაკ ობამამ წამოიწყო, როდესაც 2010 წლის 23 სექტემბრის მიმართვაში გაეროს გენერალურ ასამბლეას  მოუწოდა ჩამოეყალიბებინათ „კონკრეტული ვალდებულებები გამჭვირვალობის ხელის შეწყობისთვის” და მიიწვია მსოფლიოს სხვადასხვა ქვეყნის ლიდერები შეერთებოდნენ მას დემოკრატიული მთავრობების ღიაობის დონის გაზრდაში, კორუფციასთან ბრძოლასა და სამოქალაქო ჩართულობის ამაღლებაში. თავის განცხადებაში ობამამ საქართველოს პოლიტიკურ ლიდერებს მოუწოდა გაეგრძელებინათ სამოქალაქო საზოგადოებასთან თანამშრომლობა მეტი გამჭვირვალობის, ანგარიშვალდებულებისა და ღიაობის განვითარების მიზნით.

საქართველოს სამოქალაქო საზოგადოება მართლაც ძალიან აქტიური იყო „ღია მმართველობის პარტნიორობასთან“ დაკავშირებულ ყველა პროცესში. შეერთებული შტატების საერთაშორისო განვითარების სააგენტოს (USAID) „დემოკრატიული მმართველობა საქართველოში“ (G-3) პროგრამის მხარდაჭერით, OGP-ის სამოქმედო გეგმის შექმნისა და გაუმჯობესებისთვის, IDFI თანამშრომლობდა სხვა არასამთავრობო ორგანიზაციებსა და იუსტიციის სამინისტროსთან, აწოდებდა მთავრობას რეკომენდაციებს და ეხმარებოდა მას მათ იმპლემენტაციაში, რამაც, თავის მხრივ, საქართველო OGP-ის ფარგლებში მიღწეულ წარმატებამდე მიიყვანა.    

საქართველოს წარმატების საუკეთესი მაგალითია ის ფაქტი, რომ ახლახან ძალაში შესული პროაქტიული გამოქვეყნების კანონმდებლობა შერჩეული იქნა ერთ-ერთ კანდიდატად Bright Spots Prize-ის მისაღებად ღია მმართველობის პარტნიორობის ყოველწლიურ სამიტზე ლონდონში, რომელიც 31 ოქტომბერს-1 ნოემბერს გაიმართა. პროექტი სამიტზე IDFI-ის დირექტორმა, გიორგი კლდიაშვილმა წარადგინა. მან სამიტზე ისაუბრა საერთაშორისო ინიციატივის ფარგლებში  საქართველოს წარმატების შესახებ.  

პრეზიდენტ ობამას განცხადების სრული ვერსიის სანახავად გადადით შემდეგ ბმულზე.


 

სხვა მასალები ამ თემაზე
სიახლეები

IDFI-მ რეპრესირებულთა საყოფაცხოვრებო სუბსიდიის გაზრდის მიზნით კამპანია დაიწყო

06.07.2020

სსიპ-ების და სხვა დამოუკიდებელი საჯარო დაწესებულებების ავტოპარკი და საწვავის ხარჯები

01.07.2020

ღია მმართველობის მუდმივმოქმედმა საპარლამენტო საბჭომ პირველი ონლაინ სხდომა ჩაატარა

30.06.2020

ონლაინ დისკუსია - სახელმწიფო არქივების ღიაობის შეფასება ყოფილ საბჭოთა და აღმოსავლეთის ბლოკის ქვეყნებში

29.06.2020
განცხადებები

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020

ინფორმაციული უსაფრთხოების შესახებ კანონპროექტი მეორე მოსმენის რეჟიმს დაუბრუნდა

23.06.2020

კოალიცია პარლამენტს მოუწოდებს, კლანური მმართველობის შესახებ დადგენილების პროექტს მხარი დაუჭიროს

23.06.2020
ბლოგპოსტები

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020