IDFI-ის ანალიტიკოსი, ნატა ძველიშვილი 18 მაისს, ივანე ჯავახიშვილის სახელობის თბილისის სახელმწიფო უნივერსიტეტში სტუდენტებს შეხვდა და ციფრულ მაუწყებლობაზე ესაუბრა. შეხვედრა თსუ-ს მულტიმედია ცენტრის მოწვევით გაიმართა.
ნატა ძველიშვილმა ისაუბრა იმ ცვლილებებზე, რომლებიც ციფრულ მაუწყებლობაზე გადასვლის შემდეგ ელის მაყურებელს. მან სტუდენტებს აუხსნა თუ ვის დასჭირდება დამაებითი მოწყობილობის, „სეტ ტოპ ბოქსის“ შეძენა და როგორ უნდა მიუერთონ ტელევიზორს.
შეხვედრის ფარგლებში ნატა ძველიშვილმა ასევე ისაუბრა იმ დადებით მხარეებზე, რაც ციფრულ მაუწყებლობაზე გადასვლას მოაქვს. აღნიშნა, რომ მნიშვნელოვანია საზოგადოების ინფორმირება და ეფექტური საინფორმაციო კამპანია, რათა მოსახლეობა მომზადებული დახვდეს დაგეგმილ ცვლილებებს. ხაზი გაუსვა იმ პრობლემებს, რაც ინფორმაციულობის თვალსაზრისით ამ ეტაპზე ფიქსირდება.
მოხსენების შემდეგ შეხვედრა კითხვა პასუხის რეჟიმში წარიმართა.
ჟურნალისტიკისა და მასობრივი კომუნიკაციის მიმართულების პროფესორის, მარიამ გერსამიას განმარტებით, საინფორმაციო კამპანია არც ისე ეფექტურად მიმდინარეობს, ვინაიდან ბევრი ადამიანია, ვინც არ იცის კონკრეტულად მას როგორ ეხება ეს ცვლილება.
„ფლაერები, რომლებსაც ურიგებენ მოქალაქეებს, ძალიან გავს კომერციულ რეკლამებს“ - თქვს მარიამ გერსამიამ.
შეგახსენებთ, რომ IDFI ადვოკატირებას უწევს ციფრულ მაუწყებელზე გადასვლის პროცესს. ორგანიზაცია აქტიურად იყო ჩართული სახელმწიფო სტრატეგიის შექმნაში, ახლა კი ციფრულ მაუწყებლობაზე გადასვლის საინფორმაციო კამპანიის მონიტორინგს ახორციელებს პროექტის „ციფრულ მაუწყებლობაზე გადასვლის მხარდაჭერა და მონიტორინგი საქართველოში“ ფარგლებში.
სიახლეების გამოწერა
