ვორქშოპი ბიბლიოთეკარებისთვის - OGP და ინფორმაციის თავისუფლება საქართველოში

სიახლეები | პუბლიკაციები | ღია მმართველობის პარტნიორობა | სტატია 4 აპრილი 2014

Public, lecture, IDFI, საჯარო ლექცია, librarians, ბიბლიოთეკარები3 აპრილს საჯარო ბიბლიოთეკაში  საქართველოს ბიბლიოთეკართა ასოციაციასთან თანამშრომლობით OGP -ისა და ინფორმაციის თავისუფლების თემაზე IDFI -მ გაიმართა ვორკშოპი საქართველოს სხვადასხვა რეგიონის ბიბლიოთეკების წარმომადგენლებისთვის. ინფორმაციის თავისუფლების განვითარების ინსტიტუტის დირექტორმა გიორგი კლდიაშვილმა და ორგანიზაციის გამგეობის თავმჯდომარემ, ლევან ავალიშვილმა დამსწრეებს პრეზენტაციები წარუდგინეს. შეხვედრას ესწრებოდნენ საქართველოს სხვადასხვა რეგიონული და თბილისის ბიბლიოთეკების წარმომადგენლები.

გიორგი კლდიაშვილმა დამსწრეებს გააცნო ღია მმართველობის პარტნიორობა, ისაუბრა ინიციატივის მნიშვნელობაზე და საქართველოს მიღწევებზე საერთაშორისო საზოაგდოების წინაშე აღებული ვალდებულებების შესრულების კუთხით.

შეხვედრისას განსაკუთრებული ყურადღება გამახვილდა ბიბლიოთეკებზე, როგორც რეგიონებში საზოგადოებრივი ჩართულობის უზრუნველყოფის ძირითად საშუალებაზე. რამდენიმე რეგიონული ბიბლიოთეკა ადგილობრივებს სთავაზობს კომპიუტერითა და ინტერნეტით სარგებლობას. ამ საშუალებას განსაკუთრებით იმ რეგიონებში იყენებენ, სადაც საზოაგდოებრივი ცენტრები არ არის ხელმისაწვდომი.

გიორგი კლდიაშვილის ცნობით, იგეგმება რეგიონული ბიბლიოთეკების განახლება და საზოგადოებრივი ცენტრის ფუნქციებით აღჭურვა, ინფრასტრუქტურის განახლება, ბიბლიოთეკარების გადამზადება. ეს პროცესი დაიწყება საქართველოს მასშტაბით - ნუკრიანის, ხიდისთავის, ხულოსა და ზუგდიდის ცენტრალური ბიბლიოთეკების განახლებით. ეს ბიბლიოთეკები შეირჩა არსებული ინფრასტრუქტურისა და იუსტიციის სახლებიდან მოშორებულობის პრინციპით.

მონაწილეებმა ისაუბრეს მათთვის მტკივნეულ თემებზე, მათ შორის იმაზე, რომ ბიბლიოთეკათმცოდნეობა აღარ ისწავლება უნივერსიტეტში, რაც უახლოეს მომავალში კვალიფიციური კადრების ნაკლებობას გამოიწვევს. მათ ხაზი გაუსვეს სპეციალისტების მუდმივი გადამზადების აუცილებლობას ტექნოლოგიების განვითარების პარალელურად.

 მონაწილეებმა ასევე განსაკუთრებული ყურადღება გაამახვილეს საჯარო სამსახურის ბიუროს, hr.gov.ge -ს მუშაობაზე და ზოგადად საჯარო სამსახურში მუშაობის დაწყების პრობლემურობას გაუსვეს ხაზი.

გამოითქვა მოსაზრება, რომ ნეპოტიზმისა და უსამართლო გადაწყვეტილებების თავიდან არიდების მიზნით, საჯარო სამსახურში კადრების მიღების პროცესი გახდეს გამჭვირვალე.

 ლევან ავალიშვილმა მონაწილეებს გააცნო საქართველოს კანონმდებლობა და პრაქტიკა ინფორმაციის თავისუფლების სფეროში.

დამსწრეები განსაკუთრებულად დაინტერესდნენ პირადი და საჯარო ინფორმაციის დეფინიციით; დისკუსია მოყვა მინისტრების მეილით მიმოწერის განსაჯაროების თემას,  ასევე, მონაწილეებმა ყურადღება გაამახვილეს ინფორმაციის გაცემის ვადებზე.

ვორკშოპი ჩატარდა პროექტის "კანონმდებლობის გაუმჯობესება და საზოგადოებრივი ცნობიერების ამაღლება ინფორმაციის თავისუფლების საკითხებში" ფარგლებში. პროექტს ახორციელებს ინფორმაციის თავისუფლების განვითარების ინსტიტუტი (IDFI), საერთაშორისო გამჭვირვალობა - საქართველო (TI) და ადამიანის უფლებების სწავლების და მონიტორინგის ცენტრი (EMC) ამერიკის შეერთებული შტატების საერთაშორისო განვითარების სააგენტოს (USAID) პროგრამის „დემოკრატიული მმართველობა საქართველოში (G - 3)” ფარგლებში.

პროექტის განმავლობაში 13 მსგავსი ვორკშოპი და 9 დისკუსია ჩატარდა.



 

სხვა მასალები ამ თემაზე
სიახლეები

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

პანდემიის გავლენა დანაშაულის სტატისტიკაზე

07.04.2021

მუნიციპალურ ა(ა)იპ-ებსა და შპს-ებში დასაქმებული თანამშრომლები და შრომის ანაზღაურების ხარჯები

06.04.2021

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის წევრებმა სამუშაო შეხვედრა გამართეს

02.04.2021
განცხადებები

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021

IDFI-ის განცხადება პირადი ცხოვრების ამსახველი ჩანაწერების თაობაზე

23.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021