2010 წლის 14 აპრილის ონლაინ დაიჯესტში მიმოხილულია სამხრეთ კავკასიის სამი რესპუბლიკის: აზერბაიჯანის, საქართველოს და სომხეთის ინტერნეტის თავისუფლების განვითარების პრობლემები. როგორც გამოცემის ერთ-ერთი ავტორი, ალექსეი სიდორენკო აღნიშნავს, საქართველოში ინტერნეტ მოხმარებამ 16,5 პროცენტს მიაღწია 2008 წელს და ეს მაჩვენებლები იზრდებოდა ძალზედ დინამიურად. ავტორის მოსაზრებით, ინტერნეტი საქართველოში წარმოადგენს უფრო გასართობ სივრცეს, ვიდრე პოლიტიკური დებატებისა და საზოგადოებრივი მობილიზაციისთვის აუცილებელ საშუალებას. მაშინ როდესაც სახელმწიფო ამჟღავნებს საკმაოდ ლიბერალურ დამოკიდებულებას ინტერნეტ მომხმარებლებისადმი, ის ინარჩუნებს ბერკეტებს შეზღუდოს ინფორმაციის გავრცელება, რაც თვალნათლივ გამოჩნდა 2008 წლის რუსეთ-საქართველოს ომის პერიოდში.

აზერბაიჯანმა აჩვენა ინტერნეტის ხელმისაწვდომობის ერთ-ერთი ყველაზე მაღალი მაჩვენებელი. ეს გამოწვეულია იმ ფაქტითაც, რომ აზერბაიჯანის მესამე პრეზიდენტის, ჰეიდარ ალიევის მოსაზრებით, საინფორმაციო ტექნოლოგიების განვითარება ქვეყნის მომავალი ინდუსტრიალიზაციის საფუძველს წარმოადგენს. მთავრობა, პოლიტიკური და სამოქალაქო ორგანიზაციები ცდილობენ სოციალური მედიის უფრო მეტად ათვისებას თავისი საქმიანობის წარმოსაჩენად. რაც შეეხება სომხეთს, მიუხედავად იმისა, რომ საინფორმაციო ტექნოლოგიური სფერო მთლიანად პოლიტიზირებულია, ინტერნეტის ინტერნეტის ხელმისაწვდომობის კუთხით სამხრეთ კავკასიის ქვეყნებთან შედარებით საკმაოდ დაბალი მაჩვენებლით ხასიათდება (6,4 %). 

სტატიის სრული ვერსია შეგიძლიათ იხილოთ შემდეგ ბმულზე: http://www.css.ethz.ch/publications/pdfs/CAD-15.pdf