კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

სიახლეები | კორუფციასთან ბრძოლა | სტატია 24 იანვარი 2022

კორუფციასთან ბრძოლის სასერტიფიკატო პროგრამის სამი მონაწილე - ნინო ტაგანაშვილი (იუსტიციის სამინისტროს ანალიტიკური დეპარტამენტის უფროსი სპეციალისტი), მარიამ სალუქვაძე (საქართველოს შინაგან საქმეთა სამინისტროს ადამიანის უფლებათა დაცვის და გამოძიების ხარისხის მონიტორინგის დეპარტამენტის განსაკუთრებით მნიშვნელოვან საქმეთა ინსპექტორი) და ანა გოგოლაძე (ქალაქ თბილისის მე-7 მოწვევის საკრებულოს წევრი), ევრაზიის აკადემიური ანტიკორუფციული ქსელის (Eurasian Academic Anti-Corruption Network) სხვა მონაწილეებთან ერთად, სასწავლო ვიზიტით მოლდოვაში იმყოფებოდნენ. 

 

სასწავლო ვიზიტის მიზანი იყო პროგრამის მონაწილეების ცოდნისა და ცნობიერების ზრდა მოლდოვაში კორუფციის რისკებისა და კორუფციასთან ბრძოლის მექანიზმებთან დაკავშირებით. ამავდროულად, სასწავლო ვიზიტის შედეგად, გაღრმავდა ევრაზიის აკადემიური ანტიკორუფციული ქსელის (Eurasian Academic Anti-Corruption Network) წარმომადგენელთა თანამშრომლობა და დაიგეგმა სამომავლო აქტივობები.

 

მოლდოვის სასწავლო ვიზიტის პროგრამა მოიცავდა ტრენინგებს ისეთ საკითხებზე როგორიცაა ბიუჯეტის გამჭვირვალობა და კორუფციის რისკები საჯარო სექტორში; კარგი მმართველობა და კორუფციის რისკები სახელმწიფო საწარმოებში; მამხილებელთა დაცვა და კეთილსინდისიერების დანერგვის მექანიზმები; უკანონო შემოსავლის ლეგალიზაციის აღკვეთა. ამავდროულად, ვიზიტის ფარგლებში, მონაწილეები ეწვივნენ მოლდოვის ანტიკორუფციულ ცენტრს, მოლდოვის სასამართლოს და გაეცნენ მათი საქმიანობის სპეციფიკას. 

 

მოლდოვის სასწავლო ვიზიტის ორგანიზება განხორციელდა ევრაზიის აკადემიური ანტიკორუფციული ქსელის (Eurasian Academic Anti-Corruption Network), ორგანიზაციების Expert-Grup-ის და ACREC-ის, ასევე, მოლდოვის სოროსის ფონდის (Soros Foundation Moldova) მიერ. სასწავლო ვიზიტი გრძელდებოდა, 2022 წლის 17 იანვრიდან 21 იანვრის ჩათვლით. სასწავლო ვიზიტში მონაწილეთა შესარჩევად გამოცხადებული იყო ღია კონკურსი, რომელშიც მონაწილეობა მიიღეს კორუფციასთან ბრძოლის სასერტიფიკატო პროგრამის მონაწილეებმა და კურსდამთავრებულებმა უკრაინიდან, სომხეთიდან, მოლდოვიდან, ყირგიზეთიდან და საქართველოდან. დასახელებული ქვეყნებიდან ჯამურად გაიგზავნა 41 განაცხადი, საიდანაც 20 განაცხადი გააგზავნეს საქართველოს წარმომადგენლებმა. აღსანიშნავია, რომ მასპინძელმა ორგანიზაციებმა დააფინანსეს თითოეული ქვეყნიდან მხოლოდ ერთი წარმომადგენლის ვიზიტი. რადგან საქართველოდან გაგზავნილმა განაცხადებმა შეადგინა ყველა ქვეყნიდან გაგზავნილი განაცხადების ნახევარი, ხოლო მასპინძელი ორგანიზაციები აფინანსებდნენ მხოლოდ ერთი წარმომადგენლის ვიზიტს თითოეული ქვეყნის მიხედვით, IDFI-მ, მიმდინარე პროექტის ფარგლებში „მდგრადი ადამიანური რესურსების განვითარება კორუფციასთან საბრძოლველად“, უზრუნველყო დამატებით ორი წარმომადგენლის ვიზიტის დაფინანსება. შედეგად, სხვა ქვეყნებისგან განსხვავებით, სასწავლო ვიზიტში მონაწილეობა მიიღოს საქართველოს სამმა წარმომადგენელმა.

 

კორუფციასთან ბრძოლის სასერტიფიკატო პროგრამის განხორციელება „ინფორმაციის თავისუფლების განვითარების ინსტიტუტმა“ (IDFI) 2019 წლიდან დაიწყო ილიას სახელმწიფო უნივერსიტეტთან თანამშრომლობით. პროგრამას ფინანსურ მხარდაჭერას უწევს ღია საზოგადოების მხარდაჭერის ფონდი პროექტის „მდგრადი ადამიანური რესურსების განვითარება კორუფციასთან საბრძოლველად“ ფარგლებში

სხვა მასალები ამ თემაზე
სიახლეები

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022

ტრენინგი საჯარო მომსახურების გაწევის სტანდარტის შესახებ

13.05.2022

თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრა გამართა

11.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022