საპარლამენტო ღიაობის დეკლარაციასა და მემორანდუმზე ხელმოწერის ცერემონია გაიმართება

სიახლეები | პუბლიკაციები | ღია მმართველობის პარტნიორობა | სტატია 24 აპრილი 2015

ევროკავშირისა (EU) და გაეროს განვითარების პროგრამის (UNDP) ერთობლივი პროექტი „საპარლამენტო დემოკრატიის სისტემის გაძლიერება საქართველოში“ ინფორმაციის თავისუფლების განვითარების ინსტიტუტთან თანამშრომლობით (IDFI) და საქართველოს პარლამენტთან პარტნიორობით, ახორციელებს „ღია მმართველობის პარტნიორობის“ ინიციატივაში საქართველოს პარლამენტის ჩართულობის მხარდაჭერის“ პროექტს.

 

აღნიშნული პროექტის ფარგლებში, საქართველოს პარლამენტის შენობაში ქუთაისში, 30 აპრილს, 14 საათზე იმართება საპარლამენტო ღიაობის დეკლარაციაზე და საქართველოს პარლამენტსა და საქართველოს ღია პარლამენტის სამუშაო ჯგუფში ჩართულ საერთაშორისო და არასამთავრობო ორგანიზაციებს შორის მემორანდუმზე ხელმოწერის ოფიციალური ცერემონია.

 

საპარლამენტო ღიაობის დეკლარაციას ხელს მოაწერენ საქართველოს პარლამენტის წევრები. მემორანდუმს ხელს მოაწერს საქართველოს პარლამენტის თავმჯდომარე, ბატონი დავით უსუფაშვილი და საქართველოს ღია პარლამენტის სამუშაო ჯგუფის წევრი არასამთავრობო და საერთაშორისო ორგანიზაციები.

 

საქართველოს ღია პარლამენტის სამუშაო ჯგუფი შეიქმნა პროექტის „ღია მმართველობის პარტნიორობის“ ინიციატივაში საქართველოს პარლამენტის ჩართულობის მხარდაჭერის“ ფარგლებში. ჯგუფის მიზანია ხელი შეუწყოს საქართველოს პარლამენტს საპარლამენტო ღიაობის პრინციპის დანერგვაში და აქტიური მონაწილეობა მიიღოს ,,საქართველოს პარლამენტის სამოქმედო გეგმა ღია პარლამენტისთვის” შემუშავების პროცესში.

 

საქართველოს ღია პარლამენტის სამუშაო ჯგუფი მოიცავს საქართველოს პარლამენტის ინტერფრაქციული ჯგუფის წევრებს. კერძოდ, საქართველოს პარლამენტში, ღია პარლამენტის პრინციპის დამკვიდრების მიზნით და „ღია მმართველობის პარტნიორობის (OGP)“ ინიციატივაში საქართველოს პარლამენტის ჩართულობის უზრუნველსაყოფად, საქართველოს პარლამენტის თავმჯდომარის ბრძანებით 2015 წლის 12 თებერვალს შეიქმნა ინტერფრაქციული ჯგუფი. ინტერფრაქციული ჯგუფის წევრები არიან პარლამენტის წევრები: თინათინ ხიდაშელი, გუგული მაღრაძე, მალხაზ ვახტანგაშვილი, გიორგი კახიანი, გიგა ბუკია, ნინო გოგუაძე, ხათუნა გოგორიშვილი, ვახტანგ ლემონჯავა, დავით ჭავჭანიძე, გოჩა ენუქიძე და კახაბერ ოქრიაშვილი. ინტერფრაქციულ ჯგუფს ხელმძღვანელობს საქართველოს პარლამენტის წევრი – თინათინ ხიდაშელი.

 

საქართველოს ღია პარლამენტის სამუშაო ჯგუფის და ინტერფრაქციული ჯგუფის მიზანია შეიმუშავოს და საქართველოს პარლამენტს წარუდგინოს ,,საქართველოს პარლამენტის სამოქმედო გეგმა ღია პარლამენტისთვის”.

 

საქართველოში ღია პარლამენტის პრინციპის დამკვიდრება მიზნად ისახავს, რომ საქართველოს პარლამენტმა უპასუხოს „ღია მმართველობის პარტნიორობის“ (OGP) საკანონმდებლო ღიაობის გამოწვევებს.

 

„ღია მმართველობის პარტნიორობა“ (OGP) წარმოადგენს მრავალმხრივ ინიციატივას, რომელიც მიზნად ისახავს უზრუნველყოს მთავრობების მხრიდან კონკრეტული ვალდებულებების შესრულება გამჭვირვალობის, მოქალაქეების გაძლიერების, კორუფციასთან ბრძოლის კუთხით. საქართველო „ღია მმართველობის პარტნიორობის“ (OGP) წევრია 2011 წლიდან. 2014 წელს საქართველოს გახდა OGP-ის მმართველი კომიტეტის წევრი. OGP-ის ახალი მიმართულებაა საკანონმდებლო ღიაობა. საკანონმდებლო ღიაობის სამუშაო ჯგუფი (Legislative Openness Working Group, LOWG) უზრუნველყოფს პარტნიორების მხრიდან ექსპერტულ მხარდაჭერასა და გამოცდილების გაზიარებას კონკრეტული მოთხოვნების შესაბამისად.

 

საპარლამენტო ღიაობის დეკლარაციაზე ხელის მოწერისა და მემორანდუმის გაფორმების შემდეგ გაიმართება შეხვედრა ინტერფრაქციულ ჯგუფსა და საქართველოს ღია პარლამენტის სამუშაო ჯგუფის ჩართულ წევრებს შორის. კერძოდ, შეხვედრაში მონაწილეობას მიიღებენ საქართველოს პარლამენტის წევრები, საერთაშორისო და არასამთავრობო ორგანიზაციების წარმომადგენლები.

 

შეხვედრის მსვლელობისას განიხილება სხვადასხვა საკითხები, მათ შორის: მოხდება ინფორმაციის თავისუფლების განვითარების ინსტიტუტის (IDFI) მიერ ჩატარებული კვლევის (საპარლამენტო ღიაობის საკითხები “ღია მმართველობის პარტნიორობის” (OGP) წევრ ქვეყნებში) პრეზენტაცია, შეთანხმდება ინტერფრაქციული ჯგუფის და საქართველოს ღია პარლამენტის სამუშაო ჯგუფის მომდევნო შეხვედრების გრაფიკი და განისაზღვრება ,,საქართველოს პარლამენტის სამოქმედო გეგმა ღია პარლამენტისთვის” შემუშავების თარიღი.

სხვა მასალები ამ თემაზე
სიახლეები

IDFI-ს მოსაზრებები მართლმსაჯულებისა და ადამიანის უფლებათა დაცვის საკითხებზე

05.04.2020

IDFI-მ რასობრივი დისკრიმინაციის ყველა ფორმის აღმოფხვრის შესახებ კონვენციის შესრულების თაობაზე ანგარიშის პროექტთან დაკავშირებით მოსაზრებები წარადგინა

04.04.2020

IDFI-მ ადამიანის უფლებათა დაცვის ახალ სტრატეგიასთან დაკავშირებით მოსაზრებები წარადგინა

03.04.2020

გამოხატვის თავისუფლება და ტექნოლოგიები - ადამიანის უფლებათა ევროპული სასამართლოს 2020 წლის 20 იანვრის გადაწყვეტილება

02.04.2020
განცხადებები

ხელმომწერი ორგანიზაციები უზენაესი სასამართლოს პლენუმს მოუწოდებენ საგანგებო მდგომარეობის დასრულებამდე თავი შეიკავოს საკონსტიტუციო სასამართლოს მოსამართლის დანიშვნისგან

03.04.2020

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020