იუსტიციის უმაღლესი საბჭოს წევრების შრომის ანაზღაურება 2015 წელს

სიახლეები | პუბლიკაციები | ღია მმართველობა და კორუფციასთან ბრძოლა | სტატია 25 დეკემბერი 2015

მოქმედი კანონმდებლობის თანახმად იუსტიციის უმაღლესი საბჭოს იმ წევრების თანამდებობრივი სარგო, რომლებიც არჩეულნი არიან საქართველო პარლამენტის მიერ ან რომელიც დანიშნულია საქართველოს პრეზიდენტის მიერ, უტოლდება სააპელაციო სასამართლოს მოსამართლის თანამდებობრივ სარგოს. სააპელაციო სასამართლოს მოსამართლის, შესაბამისად იუსტიციის საბჭოს ხსენებული წევრების ყოველთვიური თანამდებობრივი სარგო 2014 წლის პირველი იანვრიდან, შეადგენს 5000 ლარს. 2014 წლის პირველ იანვრამდე აღნიშნული ანაზღაურება 2 500 ლარს შეადგენდა.

IDFI შეეცადა გამოერკვია, რამდენად უზრუნველყო 2014 წლის პირველი იანვრიდან იუსტიციის უმაღლესი საბჭოს წევრებისათვის (რომლებიც არჩეულია საქართველო პარლამენტის მიერ ან დანიშნულია საქართველოს პრეზიდენტის მიერ) ყოველთვიური თანამდებობრივი სარგოს გაორმაგებამ სახელფასო სისტემის დარეგულირება იუსტიციის უმაღლეს საბჭოში.

საქართველოს იუსტიციის უმაღლესი საბჭოდან მიღებული დოკუმენტაციის მიხედვით 2015 წელს საბჭოს წევრებზე კვარტალში ერთხელ გაიცემოდა თანამდებობრივი სარგოს 5000 ლარის ოდენობის პრემია, ამასთან დამატებით იუსტიციის საბჭოს ყველა წევრს აგვისტოს თვეში მიღებული აქვთ 2500 ლარის, ხოლო ნოემბრის თვეში 1000 ლარის ოდენობის პრემია. შესაბამისად, 2015 წლის (იანვარი-ნოემბრის) შრომის ანაზღაურებამ შეადგინა 73 500 ლარი, საიდანაც თანამდებობრივი სარგო შეადგენს 55 000ლარს, ხოლო პრემია 18 500 ლარს.

იუსტიციის უმაღლესი საბჭოს წევრების მიერ წარდგენილი ქონებრივი დეკლარაციების მიხედვით, 2014 წელსაც აქტიურად გაიცემოდა აღნიშნულ პირებზე პრემიები. კერძოდ, 2014 წელს თითოეულ წევრს მიღებული აქვს დაახლოებით 90 000 ლარის ოდენობის შრომის ანაზღაურება, საიდანაც თანამდებობრივი სარგო შეადგენს 60 000 ლარს, ხოლო დანარჩენი პრემიას.

მიუხედავად იმ ფაქტისა, რომ 2014 წლის პირველი იანვრიდან იუსტიციის უმაღლესი საბჭოს წევრების (რომლებიც არჩეულია საქართველო პარლამენტის მიერ ან დანიშნულია საქართველოს პრეზიდენტის მიერ), ყოველთვიური თანამდებობრივი სარგოები გაორმაგდა, ზემოთ წარმოდგენილი მონაცემები ნათლად აჩვენებს, რომ აღნიშნულმა ვერ დაარეგულირა საბჭოს არამოსამართლე წევრების პრემირების პრაქტიკა. რაც შეეხება იუსტიციის უმაღლესი საბჭოს მოსამართლე წევრებს, მათთვის იუსტიციის საბჭოში საქმიანობისათვის გათვალისწინებულია ყოველთვიური დანამატი 700 ლარის ოდენობით.

 

სხვა მასალები ამ თემაზე
სიახლეები

მედიის ადვოკატირების კოალიციის განცხადება ტვ პირველის ოპერატორის უკანონო დაკავებასთან დაკავშირებით

19.02.2025

ქართული ოცნება მსხვერპლების კრიმინალიზებას ეწევა

13.02.2025

2024 წელს რეგისტრირებული დანაშაულის სტატისტიკა

13.02.2025

IDFI-ის განცხადება ორგანიზაციის აღმასრულებელი დირექტორის უკანონოდ დაჯარიმების შესახებ

12.02.2025
განცხადებები

მედიის ადვოკატირების კოალიციის განცხადება ტვ პირველის ოპერატორის უკანონო დაკავებასთან დაკავშირებით

19.02.2025

ქართული ოცნება მსხვერპლების კრიმინალიზებას ეწევა

13.02.2025

IDFI-ის განცხადება ორგანიზაციის აღმასრულებელი დირექტორის უკანონოდ დაჯარიმების შესახებ

12.02.2025

IDFI-ის მოსაზრებით საჯარო სამსახურის ბიუროს გაუქმება პოლიტიკური რეპრესიების გაგრძელებაა

06.02.2025
ბლოგპოსტები

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024

საგზაო-სატრანსპორტო შემთხვევების პრევენციის ინსტიტუციური მექანიზმები

21.10.2024