სამთავრობო ცვლილებების ასახვა საჯარო დაწესებულებების ელექტრონულ რესურსებზე

სიახლეები | მედია, ინტერნეტი და ინოვაციები | პუბლიკაციები | ბლოგპოსტები 15 ნოემბერი 2012

ავტორი: თეონა ტურაშვილი

 

პროექტის „ელექტრონული ჩართულობის განვითარება საქართველოში“ – ერთ-ერთი მთავარი მიზანი თანამედროვე ელექტრონული საშუალებების გამოყენებით საქართველოს მოქალაქეებსა და საჯარო დაწესებულებებს შორის ეფექტური საკომუნიკაციო პლატფორმის შექმნა და განვითარებაა. აღნიშნული ინიციატივის ფარგლებში, ინსტიტუტის მკვლევარები 19 სამთავრობო დაწესებულების ელექტრონული რესურსების კვლევას აწარმოებენ.

 

პოლიტიკური ცვლილებების ფონზე შექმნილი ახალი რეალობიდან გამომდინარე, კვლევითი ჯგუფი დაინტერესდა მთავრობის ახალი შემადგენლობის დამტკიცებიდან დღემდე რამდენად ფუნქციონირებენ შერჩეული კვლევითი სუბიექტების ელექტრონული რესურსები. აღმოჩნდა, რომ ცხრამეტი უწყებიდან თხუთმეტი გარკვეული სიხშირით დებს საკუთარი საქმიანობის შესახებ სიახლეებს. ორი საჯარო დაწესებულების (საქართველოს მთავრობა და შინაგან საქმეთა სამინისტრო) გარდა ყველა მათგანმა განათავსა მინისტრისა და მისი მოადგილეების შესახებ სხვადასხვა ცნობები. დაწვრილებითი ცნობები შეგიძლიათ იხილოთ სურათებზე მოცემულ გრაფიკებში.

 

 

გრაფიკი შეგიძლიათ იხილოთ Google Document-ის სახით შემდეგ ბმულეზე.

 

 

გრაფიკი შეგიძლიათ იხილოთ Google Document-ის სახით შემდეგ ბმულზე.

მონიტორინგის შედეგად ხარვეზები აღმოჩნდა რამდენიმე დაწესებულების ელექტრონულ რესურსზე.

 

 

საქართველოს იუსტიციის სამინისტროს ვებ-გვერდზე მინისტრის შესახებ არსებული ცნობები

 

კონკრეტულად, განთავსებული არაა იუსტიციის სამინსიტროს ხელმძღვანელი პირისა და მისი მოადგილეების ბიოგრაფიული ცნობები. სპორტისა და ახალგაზრდობის საქმეთა სამინისტროს ვებ-გვერდზე მართალია განთავსებულია მინისტრის ბიოგრაფია, მაგრამ მოადგილეების შემთხვევაში მოცემულია მხოლოდ სახელი და გვარი, რაიმე ტიპის საკონტაქტო ან ბიოგრაფიული ცნობების დართვის გარეშე.

 

 

საქართველოს მთავრობის ვებ-გვერდი

 

პოლიტიკური ცვლილებები აისახა საქართველოს მთავრობისა (გვერდი რეკონსტრუქციის ქვეშაა) და შინაგან საქმეთა სამინისტროს (გვერდი არ ფუნქციონირებს) ვებ-გვერდებზე.

 

 

შინაგან საქმეთა სამინისტროს ვებ-გვერდი, 9 ნოემბრის მონაცემებით. დღეს გვერდი აღარ იხსნება

 

საგულისხმოა საქართველოს პარლამენტის ვებ-გვერდზე აღმოჩენილი ტექნიკური გაუმართაობაც: გათიშულია და აღარ ფუნქციონირებს საკმაოდ მნიშვნელოვანი აპლიკაცია „დაუკავშირდი დეპუტატს“. მისი დახმარებით, მოქალაქეებს შეეძლოთ დაკავშირებოდნენ და საკუთარი პრობლემა პარლამენტის წევრებისთვის გაეზიარებინათ.

 

 

საქართველოს პარლამენტის ვებ-გვერდზე ცარიელია აპლიკაცია „დაუკავშირდი დეპუტატს“

 

ჩვენი აზრით, მნიშვნელოვანია ხელშეწყობილი იყოს დაწესებულებების ელექტრონული რესურსების მდგრადობა და მიმდინარეობდეს ინფორმაციის მუდმივი განახლება. სამთავრობო ცვლილები რადიკალურად არ უნდა მოქმედებდეს საჯარო დაწესებულებების ვებ-გვერდების ფუნქციონირებაზე.

 

აუცილებელია, რომ უკვე არსებული სერვისების განვითარებასთან ერთად  დაინერგოს ახალი აპლიკაციები, რომელთა მთავარი მიზანიც პოლიტიკურ დაგეგმვაში მოქალაქეების ჩართულობის გაზრდა და შესაბამისად მთავრობის გამჭვირვალე საქმიანობის უზრუნველყოფა იქნება.

 

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020