ინფორმაციის თავისუფლების განვითარების ინსტიტუტმა (IDFI) დღეს ადმინისტრაციული საჩივრით მიმართა ენერგეტიკის სამინისტროს. საჩივრის საფუძველს საჯარო ინფორმაციის არასრულყოფილი სახით მიღება წარმოადგენს. სამინისტრომ ინსტიტუტს არასრულყოფილი სახით მიაწოდა მოთხოვნილი ინფორმაცია სამინისტროს თანამდებობის პირებზე დარიცხული პრემიების, ხელფასებისა და დანამატების, „როუმინგულ" მომსახურებაზე გაწეული ხარჯებისა და ქვეყნის გარეთ ოფიციალურ და სამუშაო ვიზიტებზე დახარჯული თანხების შესახებ. ინფორმაციაში ხარჯები არ არის ასახული სახელიებისა და გვარების, აგრეთვე თვეების მიხედვით.
„სამინისტრომ ასევე არ მოგვაწოდა გადაუდებელი აუცილებლობით განხორციელებული შესყიდვების სია და შესყიდვის განხორციელების აუცილებლობის შესახებ ზემდგომ, ან სახელმწიფო კონტროლის განმახორციელებელ ორგანოსთან შესაბამისი მიწერილობა",-აცხადებენ ინფორმაციის თავისუფლების განვითარების ინსტიტუტში.
აღნიშნულ მოთხოვნაზე ენერგეტიკის სამინისტროდან IDFI-მა მხოლოდ შესყიდვების გეგმა მივიღო, რომელიც არ შეიცავს მოთხოვნილ ინფორმაციას.
ინსტიტუტმა ვერ მიიღო ასევე ინფორმაცია ენერგეტიკის სამინისტროს ბალანსზე არსებული სატრანსპორტო საშუალებების ტექნიკურ მომსახურებაზე დახარჯულ თანხებთან დაკავშირებით. სამინისტრომ ინსტიტუტს არ მიაწოდა მაკონტროლებელი ორგანოების მიერ შემოწმების შედეგად გამოვლენილი დარღვევების აღმოსაფხვრელად გატარებულ ღონისძიებეთა ნუსხა.
ინფორმაციის თავისუფლების განვითარების ინსტიტუტი მიიჩნევს, რომ სამინისტროს პასუხი არ არის კლასიფიცირებული, სრულყოფილი და ზუსტი, რადგან წარმოადგენს მხოლოდ ჯამურ მონაცემებს. ინფორმაცია, რომელიც ინსტიტუტის მიერ იქნა მოთხოვნილი არ შეიცავს სზაკ-ით გათვალისწინებულ საიდუმლო ან პერსონალურ მონაცემებს, საჯაროა და ექვემდებარება გაცემას.
ინსტიტუტი მიიჩნევს, რომ სახეზეა საჯარო ინფორმაციის ხელმისაწვდომობის ურუნველყოფაზე პასუხისმგებელი პირის მიერ კანონმდებლობით გათვალისწინებული ვალდებულების შეუსრულებლობა და ითხოვს სამინისტროსგან, ინფორმაციის გაცემას მოთხოვნის შესაბამისად.
შეგახსენებთ, რომ დრეს 11 თებერვალს ღია მმართველობის პროგრამის ფარგლებში ჟურნალისტებთან შეხვედრა გამართა, თუმცა სამინსტროს მიერ გაწეული ხარჯების შესახებ არ უსაუბრია, რაც ამ პროგრამის მთავარი მიზანია-რამდენი თანხა დახარჯა მთავრობამ ბიუჯეტიდან და რა გააკეთა. ამ პრინციპის დაცვით, თუ არ იმუშავებს მთავრობა მოსახლეობაში ის ნდობას სულ უფრო და უფრო დაკარგავს და გაკოტრდება.
სიახლეების გამოწერა
