Media.Ge

IDFI მედიაში 19 მარტი 2014

 

IDFI-მ სამინისტროების მიერ საჯარო ინფორმაციის პროაქტიულად გამოქვეყნების პროცესი შეაფასა

პროაქტიული

ინფორმაციის თავისუფლების განვითარების ინსტიტუტმა“ (IDFI) სამინისტროების მიერ ინფორმაციის პროაქტიულად გამოქვეყნებისა და ინფორმაციის ელექტრონულად გამოთხოვის ვალდებულების შესრულება შეაფასა. 26 თებერვალს გამართული მრგვალ მაგიდისას IDFI-ის გამგეობის თავმჯდომარემ, ლევან ავალიშვილმა განაცხადა, რომ სამინისტროებმა მთავრობის დადგენილებით გათვალისწინებული ინფორმაცია უმეტეს შემთხვევაში სრულად გამოაქვეყნეს.

პროაქტიულად (დაუყოვნებლივ) ინფორმაციის გამოქვეყნება და საჯარო ინფორმაციის ელექტრონულად გაცემა მთავრობის მმართველობის სფეროში მოქმედ ადმინისტრაციულ ორგანოებს მთავრობის დადგენილებით დაევალათ. მათ 2013 წლის 31 დეკემბრამდე უნდა გამოექვეყნებინათ 2013 წლის 1 იანვრიდან არსებული ინფორმაცია. დადგენილება მთავრობამ „ღია მმართველობის პარტნიორობის“ (OGP) ფარგლებში შემუშავებული სამოქმედი გეგმის თანახმად მიიღო. 

IDFI-ის მიერ ჩატარებული მონიტორინგიდან ირკვევა, რომ პროაქტიულად ინფორმაციის გამოქვეყნების 100 პროცენტიანი შედეგი აჩვენეს იუსტიციის, სპორტისა და ახალგაზრდულ საქმეთა, განათლებისა და მეცნიერების, ენერგეტიკის, რეგიონული განვითარებისა და ინფრასტრუქტურის და შრომის, ჯანმრთელობისა და სოციალური დაცვის სამინისტროებმა. შედარებით ნაკლები 95.7 პროცენტი მიიღეს სასჯელაღსრულების და პრობაციის, ფინანსთა, გარემოსა და ბუნებრივი დაცვის სამინისტროებმა. სიის ბოლოს 67,4 პროცენტით საგარეო საქმეთა სამინისტროა.

ლევან ავალიშვილი ამბობს, რომ იმ სამინისტროებმა, მაგალითად ლტოლვითა სამინისტრო, რომლებსაც ჯერ კიდევ იანვარში ეს ვალდებულება არ ჰქონდათ შესრულებული, დაასრულეს ვებ გვერდის განახლება და ინფორმაციის დიდი ნაწილი გამოაქვყენეს.

იმ ინფორმაციებს შორის, რომელსაც სამინისტროები ყველაზე ნაკლებად აქვეყნებენ, დასახელდა  სახელმწიფო ქონების გასხვისება, რეკლამის განთავსებაზე გაწეული ხარჯები, განცხადებების შესახებ ზოგადი სტატისტიკა, ფონდებიდან გამოყოფილი თანხები, სამივლინებო ხარჯები, სარგოები, დანამატები და პრემიები, ვაკანტური პოზიციები და კონკურსის შედეგები.

ლევან ავალიშვილმა დეტალურად მიმოიხილა ის განსხვავებული მიდგომები, რაც სამინისტროებს ინფორმაციის პროაქტიულად გამოქვეყნებისას აქვთ. მისი თქმით, იმისათვის, რომ მოქალაქემ სრულყოფილად მიიღოს ინფორმაცია და უწყების გამჭვირვალობაც უზრუნველოფილი იყოს, ინფორმაციის გამოქვეყნების ერთნაირი სტანდარტი უნდა არსებობდეს.

იხილეთ ბმული

მთავრობის ამავე დადგენილებით, ადმინისტრაციულ ორგანოებს ინფორმაციის პროაქტიულად გამოქვეყნებასთან ერთად ინფორმაციის ელექტრონულად გამოთხოვის სერვისის დანერგვაც დაევალათ.

IDFI-ის დირექტორის გიორგი კლდიაშვილის განცხადებით, სამინისტროებმა ინფორმაციის ელექტრონულად გაცემის განსხვევებული მიდგომები შეიმუშავეს. მის მიერ ჩატარებული მონიტორინგიდან ირკვევა, რომ სამინისტროების 29 პროცენტი მოქალაქეს ელექტრონულად ინფორმაციის გამოთხოვის საშუალებად მოქალქის პორტალს, My.gov.ge-ს სთავაზობს, ამდენივე რაოდენობის სამინისტროს უშუალოდ ვებ გვერდზე აქვს განთავსებული სპეციალური ველები, რომლის შევსების შემდეგ შესაძლებელია ინფორმაციის მიღება. ორივე სერვისი ერთად სამინისტროების მხოლოდ 6 პროცენტს აქვს დანერგილი. 18 პროცენტი ელექტრონულად ინფორმაციას იმ შემთხვევაში გასცემს, თუ მოქალაქე მითითებულ მეილზე გააგზავნის წერილს. სამინისტროების ასევე 18 პროცენტს კი საერთოდ არ აქვს მითითებული, თუ საიდან არის შესაძლებელი ინფორმაციის ელექტრონულად მოთხოვნა შესაძლებელი.

გიორგი კლდიაშვილის თქმით, ისევე როგორც პროაქტიული ინფორმაციის გამოქვეყნებისას, ინფორმაციის გამოთხოვის დროსაც ერთგვარი მიდგომა უნდა არსებობდეს. ყველა უწყება უნდა აგზავნიდეს ინფორმაციის გამოთხოვის მიზნით ელექტრონულად გაგზავნილი წერილის მიღების დასტურს.

26 თებერვალს მრგვალი მაგიდა, რომელშიც სამინისტროების საჯარო ინფორმაციის გაცემაზე პაუსხისმგებელი პირები ესწრებოდნენ, შეერთებული შტატების საერთაშორისო განვითარების სააგენტოს USAID, დემოკრატიული მმართველობის პროგრამა საქართველოში (G-3) მხარდაჭერით გაიმართა

იხილეთ ბმული

სხვა მასალები ამ თემაზე
სიახლეები

ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები

21.01.2020

ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსის გამარჯვებულები გამოვლინდნენ

24.12.2019

კარგი მმართველობის მოდულის მსმენელთა დაჯილდოება

19.12.2019

პროექტს „საჯარო მმართველობის რეფორმის მხარდაჭერა სამოქალაქო მონიტორინგისა და ჩართულობის გზით“ პრეზენტაცია

17.12.2019
განცხადებები

არასამთავრობო ორგანიზაციების ერთობლივი განცხადება

21.01.2020

კოალიცია დამოუკიდებელი ინსპექტორის შერჩევის პროცესის მიმდინარეობას უარყოფითად აფასებს

19.01.2020

კოალიცია საპროკურორო საბჭოს მიერ გენერალური პროკურორის კანდიდატურის შერჩევის პროცესს ეხმიანება

12.01.2020

არასამთავრობო ორგანიზაციები სახელმწიფო ინსპექტორს მოუწოდებენ პროკურატურას წურწუმიას საქმის გადაცემის მოთხოვნით მიმართოს

09.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019