საქართველოს საკონსტიტუციო სასამართლოს საქმიანობის მონიტორინგის შედეგები და კანონპროექტის პრეზენტაცია

სიახლეები | კანონის უზენაესობა და ადამიანის უფლებები | პუბლიკაციები | სტატია 28 მაისი 2018

ინფორმაციის თავისუფლების განვითარების ინსტიტუტმა (IDFI) ფონდ ღია საზოგადოება - საქართველოს (OSGF) ხელშეწყობით საკონსტიტუციო სასამართლოს საქმიანობის მონიტორინგის შედეგების და კანონპროექტის [და მისი განმარტებითი ბარათი] პრეზენტაცია გამართა.

 

შეხვედრაში მონაწილეობა მიიღეს საქართველოს პარლამენტის, მართლმსაჯულების/იურიდიული წრეების და სამოქალაქო საზოგადოების წარმომადგენლებმა. ღონისძიება გახსნეს IDFI-ის პროგრამების დირექტორმა ლევან ავალიშვილმა და OSGF-ის ადამიანის უფლებათა პროგრამის მენეჯერმა გიორგი ჩიტიძემ.

 

IDFI-ის კანონის უზენაესობის მიმართულების ხელმძღვანელმა გიორგი ბერაიამ საკონსტიტუციო სასამართლოს საქმიანობის მონიტორინგის შედეგები წარადგინა. მან ასევე ფართოდ ისაუბრა საკონსტიტუციო სასამართლოს შესახებ მოქმედ კანონმდებლობაში არსებულ პრობლემებზე, რომლებიც ხელს უშლის სასამართლოს ეფექტურ ფუნქციონირებასა და ადამიანის ფუნდამენტური უფლებების დაცვას აღნიშნულ სასამართლოში.

 

„საკონსტიტუციო სასამართლოს მონიტორინგის ფარგლებში, სასამართლოს საქმიანობაში გამოვლინდა ხარვეზები ისეთ საკითხებთან მიმართებით, რომლებიც დაკავშირებულია, სასამართლო სხდომების გამჭვირვალობასთან, მოსამართლეთა მიმართ არსებულ დისციპლინურ სამართალწარმოებასთან, სასამართლო გადაწყვეტილებების საჯაროობასთან, სახელმწიფო რესურსების რაციონალურ გამოყენებასთან და სხვა,“ განაცხადა გიორგი ბერაიამ.

 

OSGF-ის ადამიანის უფლებათა პროგრამის მენეჯერმა გიორგი ჩიტიძემ აღნიშნა, რომ "ძალზედ მნიშვნელოვანია საკონსტიტუციო სასამართლოს საქმიანობა მუდმივად იყოს საზოგადოების ყურადღების ცენტრში, რადგანაც იგი ინსტიტუციურად წარმოადგენს ადამიანის უფლებების დაცვის ერთ-ერთ მთავარ კონსტიტუციურ მექანიზმს ქვეყანაში. აქედან გამომდინარე, სასამართლოს საქმიანობა და მისი მომწესრიგებელი კანონმდებლობა უნდა უზრუნველყოფდეს ადამიანის უფლებების და კონსტიტუციური პრინციპების ეფექტურად დაცვას.“

 

“იმედია, საქართველოს პარლამენტი მალე დაიწყებს საკანონმდებლო რეფორმის პროცესს, რომელიც მოემსახურება არსებულ კანონმდებლობაში ამ კუთხით არსებული ხარვეზების აღმოფხვრას და სასამართლოს საქმიანობის ინტიტუციური მოწყობის გაუმჯობესებას." - განაცხადა გიორგი ჩიტიძემ.

 

ღონისძიების ფოტოალბომი იხილეთ აქ.

 

/public/upload/IDFI_Photos_2018/Rule_of_law/final_monitoring_results_of_the_constitutional_court_of_georgia_geo.pdf

სხვა მასალები ამ თემაზე
სიახლეები

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023

მოსამართლეები და სასამართლო სისტემაში დასაქმებული მათი ოჯახის წევრები

23.01.2023

საჯარო ინფორმაციის პროაქტიული გამოქვეყნების პრაქტიკა საჯარო დაწესებულებებში - 2022

16.01.2023
განცხადებები

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023

სახალხო დამცველის აურჩევლობა აზიანებს ქვეყნის ევროინტეგრაციის პროცესს

23.12.2022

IDFI მიხეილ სააკაშვილის საქმესთან დაკავშირებით განვითარებულ მოვლენებს აფასებს

19.12.2022

სამოქალაქო საზოგადოების ორგანიზაციები ევროკომისიას რეკომენდაციების შესრულებაზე ზედამხედველობის გაზრდას სთხოვენ

14.12.2022
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022