საქართველოს პარლამენტმა საქართველოს ღია პარლამენტის 2021-2022 წლების სამოქმედო გეგმა დაამტკიცა

სიახლეები | ღია მმართველობა და კორუფციასთან ბრძოლა | სტატია 27 ივლისი 2021

6 ივლისს, თითქმის წელიწადნახევრიანი მუშაობის შედეგად, საქართველოს პარლამენტის ბიუროს სხდომაზე დამტკიცდა საქართველოს ღია პარლამენტის 2021-2022 წლების სამოქმედო გეგმა. აღნიშნულ სამოქმედო გეგმას საქართველოს პარლამენტის ბიუროს 26 ივლისის სხდომის შედეგად დაემატა კიდევ ერთი ვალდებულება - საპარლამენტო კონტროლის მექანიზმების შესახებ ინფორმაციის პროაქტიული გამოქვეყნება.

 

საქართველოს ღია პარლამენტის სამოქმედო გეგმის შემუშავებას და დამტკიცებას კოორდინირებდა საქართველოს ღია მმართველობის მუდმივმოქმედი საპარლამენტო საბჭო, რომლის მუშაობის პროცესში აქტიურად იყო ჩართული სამოქალაქო საზოგადოების ორგანიზაციებისგან დაკომპლექტებული საკონსულტაციო ჯგუფი „ინფორმაციის თავისუფლების განვითარების ინსტიტუტის“ (IDFI) ხელმძღვანელობით. ღია პარლამენტის სამოქმედო გეგმა შემუშავდა ევროკავშირისა (EU) და გაეროს განვითარების პროგრამის (UNDP) პროექტის - „საპარლამენტო დემოკრატიის კონსოლიდაცია საქართველოში“ - ფარგლებში. პროექტი მჭიდროდ თანამშრომლობს “ინფორმაციის თავისუფლების განვითარების ინსტიტუტთან“ (IDFI) საქართველოს პარლამენტსა და აჭარის ავტონომიური რესპუბლიკის უმაღლეს საბჭოში ღია მმართველობის პრინციპების დანერგვის ხელშეწყობის მიზნით.

 

აღსანიშნავია, რომ სამოქმედო გეგმაში გათვალისწინებული ვალდებულებების აბსოლუტური უმრავლესობა არის სამოქალაქო საზოგადოების ინიციატივის შედეგი. კერძოდ, საპარლამენტო საბჭოს ვალდებულებები შესთავაზა: გაეროს განვითარების პროგრამამ (UNDP), ინფორმაციის თავისუფლების განვითარების ინსტიტუტმა (IDFI), USAID/GGI-მ, ეროვნულ-დემოკრატიულმა ინსტიტუტმა (NDI), საქართველოს ახალგაზრდა იურისტთა ასოციაციამ (GYLA), საერთაშორისო გამჭვირვალობა - საქართველომ (TI), საქართველოს სახალხო დამცველმა, გერმანიის საერთაშორისო თანამშრომლობის საზოგადოებამ (GIZ) და საქართველოს პარლამენტის საბიუჯეტო ოფისმა.

 

ღია პარლამენტის სამოქმედო გეგმა 19 ვალდებულებისაგან შედგება, რომელთა განხორციელებაც 2021-2022 წლების ფარგლებშია დაგეგმილი. სამოქმედო გეგმის მიზანია ხელი შეუწყოს საქართველოს პარლამენტის მიერ გაეროს მდგრადი განვითარების მიზნების შესრულებას, გააუმჯობესოს ინფორმაციის ხელმისაწვდომობა და საქართველოს პარლამენტის საზედამხედველო საქმიანობა, გააძლიეროს მოქალაქეთა ჩართულობა საქართველოს პარლამენტის საქმიანობაში და ხელი შეუწყოს საპარლამენტო ღიაობისა და გამჭვირვალობის ზრდას.  

 

სხვა მასალები ამ თემაზე
სიახლეები

ინტერვიუ “ესიმდე”-ს დამფუძნებელთან ყირგიზეთში “უცხოეთის აგენტების” კანონის შესახებ

20.05.2024

რუსული კანონის რეპრესიული ეფექტები

20.05.2024

11 მაისს, ყოველწლიური ღონისძიება - ევროპის დღე გაიმართა, რომელიც ევროპაში მშვიდობისა და ერთიანობის დღესასწაულად ითვლება.

13.05.2024

IDFI-მ, ბათუმისა და ლაზეთის ეპარქიის მიწვევით, პოლონეთში ვიზიტის შედეგები და რეკომენდაციები წარადგინა

29.04.2024
განცხადებები

რუსული კანონი უპირობოდ უნდა იქნას გაწვეული

16.05.2024

"რუსული კანონის" დასაცავად ხელისუფლება მშვიდობიანი აქციის მონაწილეების წინააღმდეგ ძალადობას აგრძელებს

16.05.2024

რუსულ კანონი უპირობოდ უნდა იქნას გაწვეული

12.05.2024

ხელისუფლების ძალადობა ვერ შეაჩერებს ქართველი ხალხის სწრაფვას ევროპული მომავლისკენ

09.05.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023