EITI-ი (მომპოვებელი დარგების გამჭვირვალობის ინიციატივა) წარმოადგენს გლობალურ სტანდარტს, რომელიც მოწოდებულია ხელი შეუწყოს შემოსავლების გამჭვირვალობას. მისი ინიცირება მოხდა 2002 წელს მდგრადი განვითარების მსოფლიო სამიტზე დიდი ბრიტანეთის პრემიერის მიერ. დღემდე ინიციატივას მიუერთდა ბუნებრივი რესურსებით მდიდარი 37 ქვეყანა (16 წევრი  და 21 კანდიდატი ქვეყანა). EITI-ს ძირითადი პრინციპი არის ბუნებრივი რესურსების მოპოვებიდან მიღებული შემოსავლების გასაჯაროება. კერძოდ: კომპანიები-გამოაქვეყნე რასაც იხდი (Publish What You Pay) და მთავრობა ასაჯაროებს ინფორმაციას კომპანიებიდან მიღებული შემოსავლების შესახებ. აღნიშნული ინიციატივა ამაღლებს ქვეყნის რეპუტაციასა და იმიჯს. ხელს უწყობს: რესურსებიდან მიღებული შემოსავლების უფრო ეფექტურ მართვას, სახელმწიფო სახსრების მართვის სფეროში გამჭვირვალობის ხარისხის გაუმჯობესებას. აუმჯობესებს საინვესტიციო გარემოს ამ სფეროში.

მთავრობას ეძლევა შესაძლებლობა ისარგებლოს საერთაშორისო დონეზე აღიარებული გამჭვირვალობის მეთოდოლოგიით. და ამით კიდევ ერთხელ ხაზი გაუსვას საკუთარ ანტიკორუფციულ ძალისხმევას და წამოწყებულ რეფორმებს, რომლებიც მიმართულია გადასახადების ადმინისტრირების პროცესის გაუმჯობესების, დარგის გამჭვირვალობის და სტაბილურობის უზრუნველყოფისკენ.

აიპ ,,საერთაშორისო ბიზნესის და ეკონომიკური განვითარების ცენტრმა“ ,,Revenue Watch Institute“ (RWI) და ფონდი ,,ღია საზოგადობა საქართველოს” მხარდაჭერით დაიწყო პროექტი ,,EITI (მომპოვებელი დარგების გამჭვირვალობის ინიციატივა)-ში  საქართველოს გაერთიანების მხარდაჭერა და ადვოკატირება ( www.eiti.org)“.

ა/წლის 26 თებერვალს დილის 10:00საათზე, ქ. თბილისში, სასტუმრო ,,ბომონდ გარდენში“აიპ საერთაშორისო ბიზნესის და ეკონომიკური განვითარების ცენტრი გეგმავს პროექტი ,,საქართველოს EITI-თან მიერთების მხარდაჭერისა და ადვოკატირების პროექტის“ ფარგლებში ტრენინგის ,,EITI Basics" ორგანიზებას  ფონდი ,,ღია საზოგადოება საქართველოს“ და Revenue Watch Institute(RWI) მხარდაჭერით.