საქართველოში თანამდებობის პირთა ქონებრივი დეკლარაციების მონიტორინგის სისტემა ამოქმედდება

სიახლეები | კარგი მმართველობა | პუბლიკაციები | სტატია 30 ივნისი 2015

29 ივნისს გამართულ კორუფციის წინააღმდეგ ბრძოლის უწყებათაშორისი საბჭოს სხდომაზე საჯარო სამსახურის ბიურომ წარმოადგინა "საჯარო სამსახურში ინტერესთა შეუთავსებლობისა და კორუფციის შესახებ" საქართველოს კანონის ცვლილებების პროექტი, რომელიც ანტიკორუფციული საბჭოს მიერ შექმნილი სპეციალური სამუშაო ჯგუფის ფარგლებში მომზადდა.


წარმოდგენილი ცვლილებების პაკეტი გულისხმობს თანამდებობის პირთა ქონებრივი მდგომარეობის დეკლარაციების მონიტორინგის სისტემის დანერგვას. ამ დრომდე საქართველოში არ არსებობს მექანიზმი, რომელიც შეამოწმებს, თუ რამდენად შეესაბამება თანამდებობის პირის მიერ შევსებული ქონებრივი დეკლარაცია სიმართლეს. კანონპროექტის მიხედვით აღნიშნული ვალდებულება შესაძლოა საჯარო სამსახურის ბიუროს დაევალოს.


გამართულ სხდომას იუსტიციის მინისტრი, თეა წულუკიანი ხელმძღვანელობდა. კანონპროექტის განხილვაში მონაწილეობდნენ ანტიკორუფციული საბჭოს წევრები: საქართველოს აღმასრულებელი, საკანონმდებლო და სასამართლო ხელისუფლების უმაღლესი თანამდებობის პირები; ასევე, არასამთავრობო და საერთაშორისო ორგანიზაციებისა და ბიზნესსექტორის წარმომადგენლები, მათ შორის IDFI.


IDFI-ის დირექტორი გიორგი კლდიაშვილი სამუშაო ჯგუფში წარმოადგენდა არასამთავრობო სექტორს და მონაწილეობდა კანონპროექტის შემუშავებაში.


შეხვედრის მონაწილეებმა განიხილეს აღნიშნული ცვლილებების პაკეტი და იმსჯელეს მონიტორინგის განხორციელების მექანიზმების შესახებ. სხდომაზე IDFI-ს წარმოადგენდა ორგანიზაციის დირექტორი, გიორგი კლდიაშვილი.


მან კიდევ ერთხელ გააჟღერა IDFI-ს პოზიცია და აღნიშნა, რომ პროექტი პოზიტიური ცვლილებების მომტანია, განსაკუთრებით თანამდებობის პირთა ქონების შესახებ ინფორმაციის ხელმისაწვდომობისა და გამჭვირვალობის გაზრდის კუთხით, რაც კორუფციის დონეს შეამცირებს. აღნიშნულ თემებზე IDFI უკვე მეექვსე წელია მუშაობს, ხოლო ანტიკორუფციული საბჭოს წევრი და ორი სამუშაო ჯგუფის თანამომხსენებელი IDFI არის 2013 წლიდან.


თანმდებობის პირთა ქონებრივი მდგომარეობის შესახებ დეკლარაციების მონიტორინგის სისტემის დანერგვა არის ევროკავშირის რეკომენდაცია, რომელიც საქართველომ ვიზალიბერალიზაციის სამოქმედო გეგმის ფარგლებში უნდა შეასრულოს.

 

ფოტოები აღებულია საქართველოს იუსტიციის სამინისტროს ოფიციალური გევრდიდან

სხვა მასალები ამ თემაზე
სიახლეები

5G ტექნოლოგია, რუსული დეზინფორმაცია და კორონავირუსი

27.05.2020

ივანე ჯავახიშვილი და საქართველოს დამოუკიდებლობა

26.05.2020

ბენიამინ (ბენია) ჩხიკვიშვილის მემორიალური ალბომი

26.05.2020

კომუნიკაციების ეროვნული კომისია საჯარო ინფორმაციის ხელმისაწვდომობის შეზღუდვას ახალისებს

23.05.2020
განცხადებები

პარლამენტმა მხარი არ უნდა დაუჭიროს კანონპროექტს ინფორმაციული უსაფრთხოების შესახებ

29.05.2020

IDFI-ი მოუწოდებს საქართველოს პარლამენტს არ დაუშვას კანონპროექტის დაჩქარებული წესით მიღება

20.05.2020

IDFI-ის განცხადებით ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ

15.05.2020

პარლამენტმა სასამართლოს აქტების ხელმისაწვდომობის უზრუნველსაყოფად განსახორციელებელი საკანონმდებლო ცვლილების მიღება გადადო

02.05.2020
ბლოგპოსტები

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020

საქართველოს მოსახლეობის დამოკიდებულება პროკურატურის მიმართ

04.05.2020

ქართული პრესისა და ბეჭდვითი მედიის ცენზურის მიმოხილვა

03.05.2020