მედია.Ge

IDFI მედიაში 25 თებერვალი 2013
14 თებერვალი, 2013 - 12:20

საჯარო დაწესებულებების ელექტრონული კომუნიკაცია მოქალაქესთან დახვეწას საჭიროებს -IDFI

 
IDFI

კომუნიკაცია ხელისუფლებასა და მოქალაქეს შორის, როგორც ვებ-გვერდებზე ასევე სოციალურ ქსელებში, ცალმხრივი ხასიათისაა - ნათქვამია “ინფორმაციის თავისუფლების განვითარების ინსტიტუტის” (IDFI) მიერ მომზადებულ კვლევაში, რომელიც სამთავრობო დაწესებულებების ელექტრონული კომუნიკაციის სტრატეგიას ეხება.

კვლევა მომზადდა პროექტის „ელ-ჩართულობის განვითარება საქართველოში“ ფარგლებში და ემყარება „ინფორმაციის თავისუფლების განვითარების ინსტიტუტის“ მიერ საჯარო დაწესებულებებიდან მოთხოვნილი ინფორმაციის ანალიზს.

IDFI-მ გაუგზავნა კითხვები  24 ცენტრალურ საჯარო დაწესებულებას: პრეზიდენტის ადმინისტრაციას, მთავრობის კანცელარიას, ქალაქ თბილისის მერიას, სახელმწიფო აუდიტის სამსახურს, ცენტრალურ საარჩევნო კომისიას, ყველა სამინისტროსა და სახელმწიფო მინისტრების აპარატებს (გარდა დასაქმების საკითხებში სახელმწიფო მინისტრის აპარატისა).

ამ უწყებებს მოთხოვეს შემდეგი საჯარო ინფორმაცია:

1.   საზოგადოებასთან ურთიერთობის მოქმედი სამოქმედო გეგმა. 2. საჯარო დაწესებულების ოფიციალურ ვებ-გვერდზე 2011 წელს შემოსული მომხმარებლის რაოდენობა. 3. საჯარო დაწესებულების ოფიციალურ ვებ-გვერდზე 2012 წლის 1 იანვრიდან დღემდე შემოსული მომხმარებლის რაოდენობა. 4. საჯარო დაწესებულების ოფიციალურ ელ-ფოსტაზე 2011 წელს შემოსული შეკითხვების რაოდენობა. 5. საჯარო დაწესებულების ოფიციალურ ელ-ფოსტაზე 2012 წლის 1 იანვრიდან დღემდე შემოსული შეკითხვების რაოდენობა. 6. საჯარო დაწესებულების ოფიციალურ ვებ-გვერდზე არსებული საკონტაქტო ფორმით 2011 წელს შემოსული კითხვების რაოდენობა. 7. საჯარო დაწესებულების სამინისტროს ოფიციალურ ვებ-გვერდზე არსებული საკონტაქტო ფორმით 2012 წლის 1 იანვრიდან დღემდე შემოსული კითხვების რაოდენობა. 8. საჯარო დაწესებულების მიერ საკუთარი ოფიციალური ელ-ფოსტით 2011 წელს მოქალაქეთა შეკითხვებზე გაცემული პასუხების რაოდენობა. 9. საჯარო დაწესებულების მიერ საკუთარი ოფიციალური ელ-ფოსტით 2012 წლის 1 იანვრიდან დღემდე მოქალაქეთა შეკითხვებზე გაცემული პასუხების რაოდენობა.

კვლევის მიხედვით აღმოჩნდა, რომ “საჯარო დაწესებულებების მხრიდან სათანადო  ყურადღება  არ ეთმობა ვებ-გვერდებზე არსებულ საკომუნიკაციო საშუალებებს, უმეტეს შემთხვევებში არ ხდება ელ-ფოსტითა და ვებ-გვერდზე ინტეგრირებული მიწერის ფუნქციით საჯარო დაწესებულებებში შესული წერილების აღრიცხვა, სამთავრობო უწყებები ხშირად არც მათი ვებ-გვერდების მომხმარებელთა რაოდენობით ინტერესდებიან. საჯარო დაწესებულებების უმეტესობას არ აქვს შემუშავებული საზოგადოებასთან ურთიერთობის სტრატეგიული გეგმა”.

IDFI აგრეთვე აღნიშნავს, რომ “გამოიკვეთა დადებითი ტენდენციაც, სამთავრობო უწყებების პასუხებიდან ჩანს, რომ სახელმწიფო სტრუქტურებისთვის თანდათან პრიორიტეტული ხდება მოქალაქეებთან კომუნიკაციის დახვეწა და გაუმჯობესება”.

კვლევის სრული ვერსია და რეკომენდაციები შეგიძლიათ იხილოთ აქ

იხილეთ ბმული

სხვა მასალები ამ თემაზე
სიახლეები

არქივების შეფასება პოსტ საბჭოთა სივრცეში: საქართველოს გამოცდილება

19.02.2020

IDFI-მ სახალხო დამცველის კონსტიტუციურ სარჩელთან დაკავშირებით სასამართლოს მეგობრის მოსაზრება წარადგინა

17.02.2020

ღია მონაცემების სახელმძღვანელო

17.02.2020

2019 წელს რეგისტრირებული დანაშაულის სტატისტიკა

12.02.2020
განცხადებები

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020

კანონპროექტი „ინფორმაციის უსაფრთხოების შესახებ“ და მასთან დაკავშირებული საფრთხეები

12.02.2020

კოალიცია მედია ადოკატირებისათვის „TV პირველის“ გარშემო განვითარებულ პროცესებს საგანგაშოდ მიიჩნევს

10.02.2020

კოალიცია მედიის ადვოკატირებისთვის ნიკა გვარამიას საქმესთან დაკავშირებით დროულ რეაგირებას ითხოვს

30.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019