მასტერკლასი საქართველოში ციფრულ გამოწვევებზე საპასუხოდ საერთო ინიციატივების დასაგეგმად

სიახლეები | ტრენინგები | ინტერნეტი და ინოვაციები | სტატია 10 ოქტომბერი 2022

2022 წლის 4-7 ოქტომბერს, IDFI-მ და ელექტრონული მმართველობის აკადემიამ (ესტონეთი) სამოქალაქო საზოგადოებრივი ორგანიზაციებისა და საჯარო დაწესებულებების წარმომადგენლებისთვის 1.5-დღიანი ინტერაქტიული მასტერკლასი/ტრენინგი გამართეს.

 

ტრენინგის მიზანს საქართველოში ციფრულად მოწყვლადი მოქალაქეების წინაშე არსებულ გამოწვევებზე საპასუხო საერთო ინიციატივების დაგეგმვა წარმოადგენდა.

 

ორი 1.5-დღიანი მასტერკლასი მოიცავდა პროექტის / სერვისის / ინიციატივის / პოლიტიკის იდეის შექმნის შესავალს, ასევე მეთოდოლოგიის შემუშავების თეორიას.

 

მასტერკლასის სტრუქტურა ეფუძნება მიდგომას - „სწავლა კეთებით”, სადაც თითოეული მონაწილე გუნდი მათ წინაშე არსებულ გამოწვევებზე საპასუხოდ სხვადასხვა სახის ინსტრუმენტს და მეთოდს იყენებს.

 

მასტერკლასის მოკლე ხანგრძლივობის  მიუხედავად, მისი მიმდინარეობის დროს გამოყენებული ინსტრუმენტები და მეთოდები შესაძლოა რეალურ დროში მარტივად იქნას გადმოტანილი, რაც კონკრეტული ადამიანებისთვის პრობლემების გადაწყვეტასა და საჭირო სერვისების მიწოდებას დაედება საფუძვლად. უფრო მეტიც, გამოყენებული მეთოდები და მიღებული გამოცდილება მონაწილეებს შეუძლიათ გამოიყენონ სამომავლოდ ნებისმიერი სხვა სერვისის, პროექტის, ინიციატივის, პოლიტიკური ცვლილების დაგეგმვისა თუ ამოცანის გადასაჭრელად.

 

სესიებს უძღვებოდა მარგუს კლაარი “Brand Manual”-დან. მარგუსს აქვს 30 წლიანი გამოცდილება სტრატეგიულ მარკეტინგში, ასევე სამოქალაქო საზოგადოებრივ ორგანიზაციებთან, კერძო სექტორთან და საჯარო დაწესებულებებთან სერვისის დიზაინზე მუშაობის ათ წელზე მეტი ხნის გამოცდილება. ის ხშირად მოხსენებით გამოდის ბიზნესისა და სერვისის დიზაინისადმი მიძღვნილ კონფერენციებზე, აგრეთვე გახლავთ მრავალი სტატიისა და წიგნის ავტორი, მათ შორის - „როგორ მიიღოთ თქვენი ნამცხვარი და ასევე მიირთვათ იგი“.

 

1.5 დღიანი მასტერკლასის მიმდინარეობისას, მონაწილეები საკუთარ თავს  სხვადასხვა დაინტერესებული მხარეების ადგილზე წარმოიდგენდნენ, აიდენტიფიცირებდნენ მომხმარებელთა ძირითად ჯგუფებსა და საბოლოო მომხმარებლებს, ასევე ცდილობდნენ გამოწვევების პოტენციური, ძირეული მიზეზების გამორკვევას. როგორც ალბერტ აინშტაინი იტყოდა: “ერთი საათი რომ მქონდეს, პრობლემის გადასაჭრელად, 55 წუთს დავხარჯავდი პრობლემაზე დასაფიქრებლად და 5 წუთს მისი გადაჭრის გზებზე”.

 

მასტერკლასის მონაწილეებმა „დიზაინის ირგვლივ აზროვნების სისტემისა და შიდა კავშირების გაგება“ განსაკუთრებით საინტერესოდ მიიჩნიეს. მნიშვნელოვანია იყოთ შემოქმედებითი, „სცადოთ და დაინახოთ სამყარო თქვენი ბენეფიციარების პერსპექტივიდან“ - რაც ლოგიკურად ჟღერს, თუმცა ის არის, რაც ხშირად გვავიწყდება. „დაკვირვება, კვლევა და ძალისხმევის მიმართვა პრობლემის იდენტიფიცირებისკენ, ვიდრე მისი გადაჭრის გზებს მოვძებნით“ - ეს გახლდათ მონაწილეების მიერ მასტერკლასიდან მიღებული მთავარი სამომავლო გამოწვევა.

 

„ერთ-ერთი ყველაზე გამორჩეული მასტერკლასი!" და "გმადლობთ, რომ კარგად დაფიქრებისა და სწრაფად გააზრების საშუალება მოგვეცით!“ - იყო ყველაზე გულთბილი უკუკავშირი მარგუს კლაარის, eGA-სა და IDFI-ის გუნდისთვის. 

 

მასტერკლასი პროექტის - DRIVE: ციფრულად მოწყვლადი მოქალაქეების საჭიროებების კვლევა უკრაინასა და საქართველოში, რომელიც მიზნად ისახავს საჯარო დაწესებულებებისა და სამოქალაქო-საზოგადოებრივი ორგანიზაციების ცნობიერების ამაღლებას ციფრულად მოწყვლადი ჯგუფებისა და მათი საჭიროებების შესახებ, რათა უკეთესად შეძლონ ამ ჯგუფებთან მუშაობა ციფრული უთანასწორობის გაღრმავების თავიდან ასაცილებლად.

 

DRIVE პროექტის კონტექსტში, ციფრულად მოწყვლადს მიეკუთვნებიან ის ჯგუფები, რომელთა ციფრული ჩართულობა პოლიტიკური გადაწყვეტილებების მიღების პროცესებში, და ელექტრონულ სერვისებზე წვდომა შეფერხებულია ციფრული საკითხების შესახებ ინფორმირებულობის, ტექნოლოგიური შესაძლებლობების ან/და ციფრული წიგნიერების და უნარების ნაკლებობით.

 

ღონისძიების შინაარსი ეფუძნებოდაა 2022 წლის იანვარში საქართველოში ციფრულად მოწყვლადი ჯგუფების შესახებ მომზადებული ანგარიშის რეკომენდაციებს. პროექტ DRIVE-ის ფინანსური მხარდამჭერია Luminate. 

 

 

სხვა ტრენინგები ამ თემაზე
სიახლეები

IDFI- მ საბჭოთა ოკუპაციისადმი მიძღვნილი ღონისძიების ფარგლებში ხაშურის N8 საჯარო სკოლას უმასპინძლა

23.02.2024

ქართული საზოგადოებრივი აზრი ისტორიული მეხსიერების ფორმირების საწყისებთან: 1924 წლის ანტისაბჭოთა აჯანყების რეპრეზენტაცია ქართულ ეროვნულ-განმათავისუფლებელ მოძრაობაში

23.02.2024

ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

21.02.2024

რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში

16.02.2024
განცხადებები

IDFI ეხმიანება ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიის დამტკიცების მიმდინარე პროცესს

08.02.2024

"კოალიცია ინფორმაციის სანდოობისთვის" სამოქალაქო ორგანიზაციებზე განხორციელებულ თავდასხმებს ეხმიანება

24.01.2024

კოალიციის განცხადება კეკელიძის ქუჩაზე გამოსახლების გაშუქებისას ჟურნალისტებზე ძალადობისა და დაკავების ფაქტების შესახებ

24.01.2024

სამოქალაქო ორგანიზაციები ეხმაურებიან ევროკომისიის რეკომენდაციების შესასრულებლად სამთავრობო გეგმის დამტკიცებას

09.01.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023