IDFI-მ თელავში გაეროს მდგრადი განვითარების მიზნებთან დაკავშირებით საჯარო ლექცია გამართა

სიახლეები | კარგი მმართველობა | პუბლიკაციები | სტატია 8 ივნისი 2017

IDFI-მ თელავში გამართა საჯარო ლექცია სახელწოდებით - „გაეროს მდგრადი განვითარების მიზნები, გლობალური და ეროვნული დღის წესრიგი“. ღონისძიება გაიმართა საქართველოს მთავრობის ადმინისტრაციისა და გაეროს განვითარების პროგრამის მხარდაჭერით, და შვედეთის მთავრობისა და აშშ-ის საერთაშორისო განვითარების სააგენტოს (USAID) ფინანსური ხელშეწყობით.

 

ლექციის მიზანი იყო გაეროს მდგრადი განვითარების მიზნების შესახებ საზოგადოებრივი ცნობიერების ამაღლება. ღონისძიება გაიმართა იაკობ გოგებაშვილის სახელობის თელავის სახელმწიფო უნივერსიტეტში. მონაწილეთა შორის იყვნენ სტუდენტები, აკადემიური წრეების, არასამთავრობო ორგანიზაციათა და ადგილობრივი თვითმმართველობის წარმომადგენლები.

 

საჯარო ლექციაზე IDFI-ის ანალიტიკოსმა მარიამ თუთბერიძემ ისაუბრა მდგრადი განვითარების 17 მიზანზე და იმ როლზე, რომელიც თითოეულმა ადამიანმა უნდა შეასრულოს სიღარიბის დასაძლევად, პლანეტის დასაცავად და კეთილდღეობის ყველასათვის უზრუნველსაყოფად. საქართველოს მთავრობის ადმინისტრაციის სამთავრობო გეგმებისა და ინოვაციების სამსახურის მრჩეველმა ანა კვერნაძემ დამსწრეებს გააცნო საქართველოს მთავრობის მიერ ამ ინიციატივის ფარგლებში შემუშავებული გეგმა.

 

„მდგრადი განვითარების მიზნების შესრულება არ არის მხოლოდ მთავრობის პასუხისმგებლობა; საზოგადოების თითოეული წევრის ჩართულობა ამ პროცესის წარმატებით განხორციელების მთავარი კომპონენტია“, - მარიამ თუთბერიძე.

 

საჯარო ლექციის მონაწილეებმა შემდეგ საკითხებზე იმსჯელეს:


- საიდან წამოვიდა მდგრადი განვითარების მიზნების შემუშავების აუცილებლობა;


- რა პრინციპით შეირჩა მდგრადი განვითარების 17 მიზანი;


- როგორ შეარჩია საქართველოს მთავრობამ პრიორიტეტული სამიზნეები;


- რომელი მდგრადი განვითარების მიზნის განხორცილებაა ყველაზე მნიშვნელოვანი საზოგადოებისთვის;


- როგორ შეიძლება ჩაერთონ პროცესში საზოგადოების წარმომადგენლები, მათ შორის ადგილობრივი არასამთავრობო ორგანიზაციები და თვითმმართველობა;


- რა იგეგმება სამომავლოდ.

 

ღონისძიების გახსნით ნაწილში მონაწილეები გაეცნენ პროექტის „მდგრადი განვითარების მიზნების შესრულების ხელშეწყობა საქართველოში“ ძირითად მიმართულებებს, განხორციელებულ აქტივობებსა და სამომავლო გეგმებს. ამის შემდეგ მარიამ თუთბერიძემ მონაწილეებს მდგრადი განვითარების მიზნები გააცნო, ხოლო ანა კვერნაძემ საქართველოს მიერ პრიორიტეტად მიჩნეულ სამიზნეებზე ისაუბრა. 

 

კვერნაძის თქმით: „მდგრადი განვითარების მიზნების განხორციელება საქართველოს მთავრობის მიერ მნიშვნელოვან პრიორიტეტად არის მიჩნეული და მათი შესრულების შესახებ ანგარიშგება სავალდებულო იქნება სახელმწიფო უწყებების მიერ.“

 

შეხვედრის ბოლოს გაიმართა დისკუსია, რომლის განმავლობაშიც მონაწილეებმა განიხილეს მიზნების განსახორციელებლად აუცილებელი რესურსები და შესაძლებლობები, არასამთავრობო ორგანიზაციათა საქმიანობის შესაძლო კავშირი მიზნებთან და ადგილობრივი თვითმმართველობების როლი მიზნების განხორციელების პროცესში.

 

დამსწრეებმა ყურადღება გაამახვილეს პროცესში არსებულ გამოწვევებზე, მათ შორის საკანონმდებლო ბაზისა და პოლიტიკის დახვეწის აუცილებლობაზე, მიზნებთან დაკავშირებით ცნობიერების ამაღლების მნიშვნელობაზე, სოციალური საჭიროებების უმთავრეს პრიორიტეტად განსაზღვრაზე ამ პროცესში და მიზნების განხორციელების შესაძლო შედეგებზე.

სხვა მასალები ამ თემაზე
სიახლეები

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020

IDFI-მ კორუფციასთან მებრძოლთა პროგრამის ფარგლებში ილიას სახელმწიფო უნივერსიტეტთან მემორანდუმი განაახლა

13.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020