ფაქტობრივი გარემოებები: მოსარჩელეს წარმოადგენდა ისტორიკოსი, რომელიც იკვლევდა საიდუმლო სამსახურების საქმიანობას საბჭოთა პერიოდის დროს და ამუშავებდა საბჭოთა ქვეყნების ტოტალიტარული რეჟიმების ფუნქციონირების შედარებით სამართლებრივ კვლევას. მან მიმართა უნგრეთის შინაგან საქმეთა სამინისტროს საიდუმლო სამსახურს და სთხოვა ჰქონოდა წვდომა განსაზღვრულ დოკუმენტებზე, რომელიც შეეხებოდა უნგრეთის საიდუმლო სამსახურის საქმიანობაზე სამოციან წლები. შინაგან საქმეთა სამინისტრომ არ მისცა უფლება გასცნობოდა ამ დოკუმენტებს და მიუთითა შინაგან საქმეთა სამინისტროს 1998 წლის 29 ოქტომბრის გადაწყვეტილება, რომლის მიხედვით აღნიშნული დოკუმენტები სახელმწიფო საიდუმლოებად იყო ცნობილი 2048 წლამდე.
სასამართლოს დასაბუთება: სასამართლომ მიიჩნია, რომ მოსარჩელის მიერ მოთხოვნილი დოკუმენტების ხელმისაწვდომობაზე უარი წარმოადგენდა მოსარჩელის ინფორმაციის მიღების უფლებაში ჩარევას და არ იყო გამართლებული დემოკრატიულ საზოგადოებაში. სასამართლომ მიიჩნია, რომ გამოხატვის თავისუფლების ეფექტიანად განსახორციელებლად სახელმწიფომ უნდა უზრუნველყოს ისტორიული კვლევისათვის მნიშვნელოვანი დოკუმენტების დედნებზე ხელმისაწვდომობა ისტორიული კვლევის განხორციელების მიზნით. სასამართლომ დაადგინა ადამიანის უფლებათა ევროპული კონვენციის მე-10 მუხლის დარღვევა.
/public/upload/salome/CASE OF KENEDI v_ HUNGARY.pdf
მომზადდა ღია საზოგადოების ფონდის (OSF) ადამიანის უფლებათა სტაჟირების 2013 წლის გრანტის ფარგლებში.
მედიის ადვოკატირების კოალიციის განცხადება
03.06.2025მედიის ადვოკატირების კოალიციის განცხადება
23.05.2025
სიახლეების გამოწერა
