საქართველოს პარლამენტის ინტერ-ფრაქციული ჯგუფი ღია მმართველობის პარტნიორობის (OGP) ჯილდოს მოსაპოვებლად იბრძვის

სიახლეები | ღია მმართველობის პარტნიორობა 21 ოქტომბერი 2015

2015 წლის 12 თებერვალს, საქართველოს პარლამენტმა გამოთქვა მზაობა ღია მმართველობის პარტნიორობაში (Open Government Partnership - OGP) ჩართულობაზე (ღია მმართველობის პარტნიორობა (OGP) წარმოადგენს მრავალმხრივ ინიციატივას, რომელიც მიზნად ისახავს სახელმწიფოს მხრიდან კონკრეტული ვალდებულებების შესრულებას გამჭვირვალობის, სახელმწიფო ორგანოთა ანგარიშვალდებულების და კორუფციასთან ბრძოლის თვალსაზრისით). კერძოდ, საქართველოს პარლამენტის თავმჯდომარის ბრძანებით შეიქმნა საქართველოს პარლამენტის უმრავლესობისა და უმცირესობის წევრებისგან დაკომპლექტებული ინტერ-ფრაქციული ჯგუფი. საქართველოს პარლამენტის ინტერფრაქციული ჯგუფის მიზანია საქართველოში ღია პარლამენტის პრინციპის დანერგვის ხელშეწყობა, პარლამენტის ინტეგრაცია ღია მმართველობის პარტნიორობაში (OGP) და საქართველოს ღია პარლამენტის სამოქმედო გეგმის შექმნა და განხორციელება.


ინტერფრაქციულმა ჯგუფმა საქმიანობა არასამთავრობო და საერთაშორისო ორგანიზაციებთან (მაგ. გაეროს განვითარების პროგრამა, IDFI, ევროკავშირი, საქართველოს ახალგაზრდა იურისტთა ასოციაცია, საერთაშორისო გამჭვირვალობა-საქართველო, ეროვნულ-დემოკრატიული ინსტიტუტი და ა.შ.) მჭიდრო თანამშრომლობის საფუძველზე განახორციელა.


შედეგად, საქართველოს პარლამენტის ინტერფრაქციული ჯგუფისა და სამოქალაქო საზოგადოებისგან დაკომპლექტებული სამუშაო ჯგუფების თანამშრომლობა წარმატებული გამოდგა და აღნიშნული თანამშრომლობის საფუძველზე შემუშავებული საქართველოს ღია პარლამენტის სამოქმედო გეგმა 2015 წლის 17 ივლისს საქართველოს პარლამენტის ბიურომ დაამტკიცა. სამოქმედო გეგმა 18 ვალდებულებისგან შედგება და 2015-2016 წლებზეა გათვლილი. მისი მიზანია ხელი შეუწყოს მოქალაქეთა ჩართულობას საპარლამენტო საქმიანობაში, დანერგოს ინოვაციები მმართველობის სფეროში და მხარი დაუჭიროს ინფორმაციის ღიაობას.


აღსანიშნავია, რომ ღია პარლამენტის სამოქმედო გეგმის შემუშავების პროცესში საქართველოს პარლამენტის ინტერფრაქციულმა ჯგუფმა სამოქალაქო საზოგადოების თითქმის ყველა რეკომენდაცია გაითვალისწინა.


2015 წლის სექტემბერში ღია მმართველობის პარტნიორობამ გამოაცხადა კონკურსი, რათა 2015 წლის 27-29 ოქტომბერს მექსიკაში დაგეგმილ ღია მმართველობის პარტნიორობის საერთაშორისო სამიტზე გამოავლინოს და დააჯილდოვოს ის სახელმწიფო გუნდი, რომელიც ყველაზე მეტად ითვალისწინებდა სამოქალაქო საზოგადოების რეკომენდაციებს სამოქმედო გეგმის შემუშავების პროცესში და აქტიურად იყო ჩართული OGP-ის პრინციპების დანერგვაში.


დასახელებული კონკურსის მონაწილედ, არასამთავრობო ორგანიზაცია „ინფორმაციის თავისუფლების განვითარების ინსტიტუტმა" (IDFI), საქართველოს პარლამენტის ინტერფრაქციული ჯგუფი წარადგინა. ასევე, IDFI-მ მოამზადა ვიდეო-რგოლი და ღია მმართველობის პარტნიორობაში საქართველოს პარლამენტის ჩართულობის აღწერილობა, რომელიც კონკურსის ორგანიზატორებს წარუდგინა. შედეგად, საქართველოს პარლამენტის ინტერფრაქციული ჯგუფი გავიდა კონკურსის ნახევარფინალში, სადაც გამარჯვებულის ვინაობა ხმის მიცემის პროცედურის საფუძველზე გაირკვევა. ხმის მიცემა დაწყებულია და 27 ოქტომბრამდე გაგრძელდება. გთხოვთ, გადახვიდეთ შემდეგ ბმულზე და გამოხატოთ მხარდაჭერა საქართველოს პარლამენტის ინტერ-ფრაქციული ჯგუფისადმი.


კონკურსში გამარჯვება, OGP-ის საქართველოს გუნდს შესაძლებლობას მისცემს მოიპოვოს საერთაშორისო აღიარება, რითაც საქართველო კიდევ უფრო გაიმყარებს თავის პოზიციებს ღია მმართველობის პარტნიორობის ფარგლებში.

სხვა მასალები ამ თემაზე
სიახლეები

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

პანდემიის გავლენა დანაშაულის სტატისტიკაზე

07.04.2021

მუნიციპალურ ა(ა)იპ-ებსა და შპს-ებში დასაქმებული თანამშრომლები და შრომის ანაზღაურების ხარჯები

06.04.2021

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის წევრებმა სამუშაო შეხვედრა გამართეს

02.04.2021
განცხადებები

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021

IDFI-ის განცხადება პირადი ცხოვრების ამსახველი ჩანაწერების თაობაზე

23.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021